Digər İdman Növləri

Dekabrın 20-də 17 yaşadək cüdoçular arasında Azərbaycan birinciliyində fərdi mübarizələr başa çatıb. Futbolpress.az xəbər verir ki, Abşeron Olimpiya İdman Kompleksində baş tutan yarışın üçüncü günündə 146 cüdoçu 5 çəkidə mübarizə aparıb. Qızlar arasında -48 kq, -63 kq; oğlanlarda isə -60 kq, -81 kq və +90 kq çəki dərəcələrində medalçılar bəlli olub. Qeyd edək ki, sabah ölkə birinciliyində komandalararası yarış keçiriləcək. Üçüncü günün mükafatçılarını təqdim edirik: Qızlar  -48 kq 1. Fatimə Fərmanzadə (RKİM)2. Səkinə Zeynalova (Bakı şəhəri 8 nömrəli İOEUGİM PHŞ)3. Nərgiz Məmmədova (RKİM)3. Ülkər Nəcəfova (Bakı şəhəri 13 nömrəli İOEUGİM PHŞ) -63 kq 1. Zilan Hüseynli (Bakı şəhəri 8 nömrəli İOEUGİM PHŞ)2. Türkan Məmmədli (Qədiroğlu İK)3. Pəri Məmmədli (Judo Club 2012)3. Aydan Bağırlı (Judo Cl...

“Naxçıvan” klubu heyətini yeni basketbolçu ilə gücləndirib. Futbolpress.az xəbər verir ki, klub Azərbaycan millisinin üzvü Emanuel Aqbasonla ikili lisenziya əsasında mövsümün sonuna qədər müqavilə imzalayıb. Basketbolçu son mövsümü “Sabah”da keçirib. source

Stolüstü tennisçilər növbəti təlim-məşq toplanışına qatılacaqlar. Futbolpress.az xəbər verir ki, seçmə komandamızın üzvləri – Ləman Abdulhəmidova, Zemfira Mikayılova, Xədicə Əbilzadə, Səbinə Məmmədova və Nigar Mahmudova bu məqsədlə Birləşmiş Ərəb Əmirliklərinə yollanıb. İdmançılarımız baş məşqçi Fərhad İsmayılovun rəhbərliyi altında dekabrın 15-dən etibarən yerli komanda ilə birgə hazırlıq keçəcəklər. BƏƏ Stolüstü Tennis Federasiyasının təşəbbüsü ilə Şarja şəhərində təşkil olunacaq təlim-məşq toplanışına dekabrın 24-də yekun vurulacaq. source

Azərbaycan boksçusu Sübhan Mamedov (48 kq) dünya çempionatında finala yüksəlib. Futbolpress.az xəbər verir ki, o, Birləşmiş Ərəb Əmirliklərinin Dubay şəhərində keçirilən mundialın yarımfinalda Sahil Alahverdovini (Gürcüstan) məğlub edib. Hər 3 raundu xeyrinə bitirən 19 yaşlı boksçumuz yekunda 5:0 (30:27, 30:27, 30:27, 30:27, 30:27) hesabı ilə qələbə qazanıb. O, finalda Edmond Xudoyanla (Rusiya) üz-üzə gələcək. Həlledici görüş dekabrın 13-də olacaq. Digər boksçularımızdan Alfonso Dominqes (92 kq) və Məhəmməd Abdullayev (+92 kq) dünya çempionatında bürünc medala sahib olublar. source

Kişi voleybolçulardan ibarət “Xilasedici” komandası Çelenc Kubokunun 1/16 final mərhələsində ilk oyununa çıxıb. Futbolpress.az xəbər verir ki, komanda Belçika təmsilçisi “Lindemans”ı qəbul edib. Azərbaycan təmsilçisi rəqibinə 0:3 hesabıyla uduzub – 0:3 (17:25, 22:25, 23:25). Tərəflər arasında cavab oyunu 2026-cı il yanvarın 7-də Belçikada baş tutacaq. Yarışa 1/32 final mərhələsindən başlayan “Xilasedici” bu raundda Rumıniyanın “Steaua” klubuna qalib gələrək 1/16 finala yüksəlib. source

Azərbaycanlı döyüşdü Nazim Sadıxov UFC 323 turnirində döyüşə çıxıb. Futbolpress.az xəbər verir ki, o, fransalı Fares Ziamla qarşılaşıb. Görüş Nazimin məğlubiyyəti ilə başa çatıb. O, ikinci raundun sonlarında texniki məğlubiyyətlə uduzub. Bu, Nazimin UFC-da ilk məğlubiyyətidir. source

Birləşmiş Ərəb Əmirliklərinin Dubay şəhərində kişi boksçular arasında dünya çempionatına start verilib. Futbolpress.az xəbər verir ki, mundialın ilk günündə Azərbaycan millisinin bir idmançısı rinqə çıxıb. Məhəmmədəli Aşurəliyev (60 kq) 1/32 final çərçivəsində Visdom Barnorla (Syerra-Leone) qarşılaşıb. Boksçumuz döyüşü 5:0 (30:27, 30:27, 30:27, 30:27, 30:27) hesabı ilə xeyrinə bitirib. Dünya çempionatında debütdə qələbə qazanan Aşurəliyev növbəti görüşündə ilk mərhələdən azad olan Mrema (Tanzaniya) ilə üz-üzə gələcək. Qeyd edək ki, millimiz dünya çempionatına 11 boksçu ilə yollanıb. source

Azərbaycan güləşçiləri Rusiyada keçirilən 2 ənənəvi yarışda 6 medal qazanıblar. Futbolpress.az xəbər verir ki, Vladiqafqazda 2 qat olimpiya çempionu Soslan Andiyevin xatirə turnirində təmsilçimiz Maqomedxan Maqomedov ilk dəfə özünü 125 kq-da sınayıb. Onun yeni çəkidəki debütü uğurlu alınıb və bütün rəqiblərinə qalib gələrək fəxri kürsünün ən yüksək pilləsinə qalxıb. Xasavyurt isə Şamil Umaxanov turnirinə ev sahibliyi edib. Yığma üzvlərindən Murad Yevloyev (74 kq), Ali Tsokayev (86 kq) və Osman Nurmaqomedov (97 kq) gümüş, Qadjimurad Omarovla (74 kq), Muxammad Qantemirov (125 kq) isə bürünc medal qazanıb source

Avropa Gimnastikasının Konqresində Fərid Qayıbov növbəti dəfə təşkilatın prezidenti seçilib. Futbolpress.az xəbər verir ki, bu barədə Gimnstika Federasiyasının mətbuat xidməti məlumat yayıb. Azərbaycanın Gənclər və İdman Naziri bu gün Çexiyada keçirilən konqresdə prezident seçilib. source

Hindistanın Qoa şəhərində keçirilən şahmat üzrə dünya kubokunun qalibi məlum olub. Futbolpress.az xəbər verir ki, Özbəkistan təmsilçisi Javohir Sindarov birinci olub. O, final görüşünün tay-breykində çinli rəqibi Vey İ ilə dueldən qalib ayrılıb. Sindarov, Vey İ və yarışı üçüncü sırada bitirən rusiyalı Andrey Yesipenko 2026-cı ildə keçiriləcək İddiaçılar Turnirində iştirak etmək hüququna yiyələniblər. source