Digər İdman Növləri

Boccia idman növü üzrə Azərbaycan paralimpiyaçıları 25-31 oktyabr tarixlərində Qazaxıstanın Aktau şəhərində keçirilən Türkdilli dövlətlər arasında beynəlxalq turnirdə çıxışını başa vurub. Futbolpress.az xəbər verir ki, Qazaxıstan, Türkiyə, Özbəkistan və Qırğızıstan idmançılarının da mübarizə apardığı yarışda Nəriman Pirquliyev (BC1), Orxan Kərimov (BC2), Zaur Veysəlov (BC4), Sona Ağayeva (BC2) və Günel Rzazadə (BC4) qızıl medal qazanıb, Bəhruz Mirzəyev (BC4) isə gümüş medalla kifayətlənib. Qoşa yarışlarda da qüvvəsini sınayan bocciaçılarımızdan Zaur Veysəlov ilə Günel Rzazadə tandemi BC4 kateqoriyasında, Nəriman Pirquliyev, Orxan Kərimov və Sona Ağayeva triosu isə BC1 və BC2 qarışıq kateqoriyalarında qızıl medal qazanaraq himnimizi səsləndiriblər. Beləliklə, paralimpiyaçılarımız turniri ko...

Serbiyanın Novi Sad şəhərində keçirilən güləş üzrə U23 dünya çempionatına yekun vurulub. Futbolpress.az xəbər verir ki, sonuncu yarış günündə sərbəst güləş üzrə millinin daha bir üzvü fəxri kürsüyə qalxıb. Ayxan Abdullazadə (65 kq) təsəlliverici görüşdə ukraynalı Mikita Qonçarovu 4:1 hesabıyla üstələsə də, bürünc medal görüşündə qırğızıstanlı Bilal Şərif Uuluya (0:10) məğlub olaraq 5-ci yerlə kifayətlənib. Ali Tsokayev (86 kq) isə italiyalı Qabriele Nikkoliniyə (11:0) və gürcüstanlı Tornike Samxaradzeyə (13:2) tam üstünlüklə qalib gələrək bürünc medala sahib çıxıb. Beləliklə, millimiz mundialı 1 dəst medalla başa vurub. Xatırladaq ki, ötən gün Kənan Heybətov (70 kq) qızıl, Xetaq Karsanov (125 kq) isə gümüş medal qazanıb. Yığmamız 84 xalla komanda hesabında 4-cü yeri tutub və ön pillədəki Y...

Monteneqronun Budva şəhərində boks üzrə U-15 Avropa çempionatında yarımfinal döyüşləri başa çatıb. Futbolpress.az xəbər verir ki, mərhələnin son günündə Azərbaycan millisinin daha 3 idmançısı adını finala yazdırıb. Nurlan Müseyibli (66 kq) Arda Fidanla (Türkiyə) gücünü yoxlayıb. Rəqibini 5:0 (30:27, 29:28, 30:27, 30:27, 30:27) hesabı ilə məğlub edən boksçu Avropa birinciliklərində ardıcıl 3-cü dəfə finala yüksəlib. Qitə çempionatının son qalibi həlledici görüşdə Evander Dikinsonla (İngiltərə) üz-üzə gələcək. Yusif Ağakişiyev (75 kq) ardıcıl ikinci döyüşünü də vaxtından əvvəl xeyrinə bitirib. 1/4 finalda cəmi 45 saniyəyə tam üstünlüklə qalib gələn milli üzvü yarımfinalda Oleksandr Tomiçi (Ukrayna) ikinci raundda təslim edib. O, finalda Tomas O Reyli (İrlandiya) ilə qüvvəsini sınayacaq. Mehr...

Avropa Voleybol Konfederasiyası azərbaycanlı mütəxəssis Nərgiz İsmayılovaya növbəti dəfə etimad göstərib. Futbolpress.az xəbər verir ki, o, qadınlar arasında Çempionlar Liqasının ilkin mərhələsinin “Olimpiakos” (Yunanıstan) – “Asteris Avo Beveren” (Belçika) oyununda iştirak edəcək. N.İsmayılova Yunanıstanın Afina şəhərində baş tutacaq görüşdə supervayzer kimi hakimlərin fəaliyyətini qiymətləndirəcək. Qeyd edək ki, qarşılaşmanın hakimləri serbiyalı Deyan Roqiç və bolqarıstanlı Aleksandar Vinaliev olacaq. source

Azərbaycan cüdoçuları Meksikanın Qvadalaxara şəhərində təşkil olunan Qran-prini 9 medalla başa vurublar. Futbolpress.az xəbər verir ki, onlardan altısı qızıl, üçü bürünc əyarlıdır. Balabəy Ağayev (60 kq), Ruslan Paşayev (66 kq), Hidayət Heydərov (73 kq), Vüsal Qələndərzadə (81 kq), Zelim Kotsoyev (81 kq) və Uşanqi Kokauri (+100 kq) qızıl medal qazanıblar. Əhməd Yusifov (60 kq), Rəşid Məmmədəliyev (73 kq) və Murad Fətiyev (90 kq) bürünc medalla kifayətləniblər. Azərbaycan komandası medal sıralamasında birinci yeri tutub. source

“Sumqayıt” basketbol klubunun oyun qurucusu Keon Klerqot klubun mətbuat xidmətinə müsahibə verib. Futbolpress.az xəbər verir ki, o, əvvəlcə ölkəmizdən gələn təklif və buradakı şəraitdən danışıb: “Azərbaycandan gələn təklif məni sevindirdi. Bura gəldikdən sonra doğru qərar verdiyimi anladım. Ölkənizi çox xoşlayıram. Yeməkləriniz ümumiyyətlə əladır”. Amerikalı basketbolçu Sumqayıtla Bakı arasında müqayisə də aparıb: “Sumqayıt dənizkənarı şəhərdir. Mən sahildə gəzməyi çox sevirəm. Bakıda da olmuşam, bu şəhər də çox xoşuma gəlib. Mən deyərdim ki, Bakı Sumqayıtdan daha qəşəngdir. Paytaxtınızı Orlando şəhərinə daha çox bənzədirəm”. Klerqot komandadakı ab-havadan və ilk iki oyundakı məğlubiyyətdən də danışıb: “Komandadakı şərait də ürəyimcədir. Baş məşqçi də mənə köməklik göstərir. Kollektiv daxi...

Gürcüstanın Batumi şəhərində təşkil edilən şahmat üzrə komandalar arasında Avropa çempionatında son turun partiyaları oynanılıb. Futbolpress.az xəbər verir ki, 9-cu turda qitə birinciliyinin liderlərindən olan kişi şahmatçılardan ibarət Azərbaycan millisi çempionatda ilk dəfə məğlubiyyət acısı yaşayıb. Şəhriyar Məmmədyarov, Rauf Məmmədov, Aydın Süleymanlı, Məhəmməd Muradlı və Eltac Səfərlidən ibarət milli Serbiyaya məğlub olub 1-3. Hesabat turunda Ukrayna komandası İngiltərəni üstələyib 2.5-1.5. Yekunda hesabında 15 xalı olan Ukrayna komandası Avropa çempionatının qalibi olub. 13 xal toplayan Azərbaycan komandası yarışı ikinci pillədə başa vurmaqla gümüş medala layiq görülüb. Serbiya şahmatçıları bürünc medalla kifayətlənib. Qadınlardan ibarət Azərbaycan komandası isə sonuncu görüşdə Polşa...

Azərbaycanlı kikboksçu Bəhram Rəcəbzadə “Glory” döyüş gecəsi çərçivəsində növbəti qarşılaşmasına çıxıb. Futbolpress.az xəbər verir ki, mərakeşli Tarik Xbabezlə qarşılaşıb. Görüş Xbabezin qələbəsiylə başa çatıb. Məğlub olan Bəhram karyerasını bitirdiyini açıqlayıb. O, indiyədək 72 qələbə, 5 məğlubiyyət və 64 nokautluq göstəriciyə sahib idi. source

Azərbaycan boksçusu Bilalhəbaşi Nəzərov Çexiyanın Ostrava şəhərində keçirilən U-19 Avropa çempionatında qızıl medal qazanıb. Futbolpress.az xəbər verir ki, 50 kq çəkidə mübarizə aparan millinin lideri finalda italiyalı Tommaso Orlando ilə qarşılaşıb. Döyüş boksçumuzun inamlı qələbəsi ilə başa çatıb. Nəzərov rəqibini 5:0 hesabı ilə məğlub edərək ardıcıl ikinci dəfə Avropa çempionu tituluna yiyələnib və Çexiyada Azərbaycan himnini səsləndirib. Banuçiçək Nəsirli (48 kq) isə finalda Matilda Fraqnierlə (Fransa) üz-üzə gəlib. Rəqib qalib gəldiyindən boksçumuz gümüş medala yiyələnib. Beləliklə, Azərbaycan millisi Avropa çempionatında 5 medala sahib olub. Daha öncə Zidan Hümbətov (55 kq), Sübhan Babayev (60 kq) və İlkanə Əhmədova (+80 kq) 3-cü yeri tutublar. Qeyd edək ki, 1 qızıl, 1 gümüş və 3 bür...

Azərbaycanın voleybol üzrə oğlanlardan ibarət U-17 millisi III MDB Oyunlarında dördüncü olub. Futbolpress.az xəbər verir ki, dairəvi sistem üzrə keçirilən yarışda yığma sonuncu oyununda Belarusa 1:3 hesabı ilə uduzub. 3 xal toplayan milli yarışı 4-cü bitirib. Çempion isə Rusiya yığması olub. source