Dünya Futbolu

Braziliyanın “Qremio” klubu “Panatinaikos”un (Yunanıstan) futbolçusu Teteni heyətinə qatdığını rəsmən açıqlayıb. Komanda.az xəbər verir ki, vaxtı ilə “Qalatasaray”ın da formasını geyinmiş 25 yaşlı braziliyalı vingerlə 4 illik müqavilə imzalanıb. Futbolçunun transferinin 6,2 milyon avroya başa gəldiyi bildirilib. “Qremio”nun yetirməsi olan Tete 2019-cu ildə 15 milyon avroya “Şaxtyor”a (Donetsk, Ukrayna) keçib. O, 2023-cü ilin yayında Türkiyə klubuna cəlb olunmuşdu. source

İran millisinin sabiq baş məşqçisi Karluş Keyruş ölkədə davam edən etiraz aksiyalarına dəstəyini ifadə edib. Hazırda Oman millisinin baş məşqçisi olan portuqaliyalı mütəxəssis sosial şəbəkə hesabında İran xalqına ünvanlanan paylaşım edib. Keyruş 2011–2019-cu illərdə və 2022-ci ildə İran milli komandasına rəhbərlik edib. O, həmçinin, “Mançester Yunayted”, “Real” və Portuqaliya yığmasında çalışıb. Komanda.az xarici KİV-ə istinadən xəbər verir ki, Keyruş paylaşımında İran xalqı ilə uzun illər birgə yaşadığını vurğulayıb: “Bütün İran xalqına, əziz oyunçularıma, əməkdaşlarıma və dostlarıma! Mən iranlıların – oyunçuların, məşqçi heyətinin, onların ailə üzvləri və dostlarının ləyaqətini, səmimiliyini və dözümlülüyünü yaxşı tanıyıram. Bu çətin, amma ümid dolu günlərdə düşüncələrim və q...

İsveç millisinin və “Milan”ın sabiq futbolçusu Zlatan İbrahimoviç qarlı səhrada itləri ilə çəkilmiş fotosunu paylaşıb. Komanda.az xarici KİV-ə istinadən xəbər verir ki, o, sosial şəbəkə hesabında paylaşdığı fotonu belə şərh edib: “Arktik sürünün yenidən birləşməsi”. İbrahimoviç futbolçu karyerasını 2023-cü ilin yayında bitirib. source

“Olimpiakos”un yarımmüdafiəçisi Xristos Mouzakitisə transfer bazarında tələbat var. Komanda.az xarici KİV-ə istinadən xəbər verir ki, 19 yaşlı yunan futbolçu ilə Avropanın bir neçə klubu, o cümlədən “Mançester Yunayted”, “Real”, “Arsenal” maraqlanır. Yunanıstan klubu yarımmüdafiəçinin satışından 40 milyon avro əldə etmək istəyir. Oyunçunun özü də bu qış klubdan ayrılmağa hazırdır. Mouzakitisin “Olimpiakos”la müqaviləsinin müddəti 2029-cu ilin yayında başa çatacaq. source

İtaliyalı hücumçu Mario Balotelli karyerasını Birləşmiş Ərəb Əmirliklərinin ikinci liqasında davam etdirəcək. 35 yaşlı forvard Avropada “Milan”, “Mançester Siti”, “İnter” və “Liverpul” klublarındakı çıxışı ilə tanınır. Komanda.az xarici KİV-ə istinadən xəbər verir ki, Balotelli “Əl-İttifaq”a transfer olunub. Klubun mətbuat xidmətinin məlumatına görə, tərəflər iki il yarımlıq müqavilə imzalayıblar. Balotellinin yeni komandası cari mövsümdə uğursuz çıxış edir. BƏƏ-nin ikinci divizionunda keçirilən 12 turdan sonra “Əl-İttifaq” cəmi 6 xal toplayıb və turnir cədvəlinin 15-ci pilləsində qərarlaşıb. source

Ruben Amorim “Mançester Yunayted”dən qovulduqdan sonra Portuqaliyaya qayıdıb. Komanda.az xarici KİV-ə istinadən xəbər verir ki, portuqaliyalı məşqçi hava limanından çıxarkən jurnalistlərin suallarını “qulaqardına vurub”. 40 yaşlı mütəxəssis yanvarın 5-də “Mançester Yunayted”in baş məşqçisi vəzifəsindən qovulub. source

Afrika Millətlər Kubokunda bütün yarımfinalçılar müəyyənləşib. Komanda.az xəbər verir ki, bu gün 1/4 finalın sonuncu oyunları keçirilib. Əlcəzair yığması ilə qarşılaşan Nigeriya inamlı qələbəyə sevinib – 2:0. Misir millisi isə Kot-d’İvuardan güclü olub – 3:2. Daha öncə Seneqal və Mərakeş yığmaları da yarımfinala yüksəlmişdilər. Beləliklə, finala vəsiqə uğrunda Nigeriya meydan sahibi olan Mərakeşlə üz-üzə gələcək. Misir isə Seneqalla qarşılaşacaq. Yarımfinal görüşləri yanvarın 14-də keçiriləcək. source

“İnter Mayami”nin sahibi Devid Bekhemin ailəsində ciddi konflikt yaranıb. Komanda.az “The Sun”-a istinadən xəbər verir ki, ailənin böyük oğlu Bruklin Bekhem valideynləri ilə birbaşa ünsiyyət qurmaqdan imtina edib və istənilən əlaqənin yalnız vəkillər vasitəsilə aparılmasını itəyib. Bruklin həmçinin, valideynlərinin onu sosial şəbəkədə izləməməsini və paylaşımlarına reaksiya verməməsini istəyir, çünki ictimai jestləri qəbuledilməz hesab edir. Sonuncu gərginliyin səbəbi isə Viktoriyanın (Bekhemin xanımı) Bruklinin toyuq resepti paylaşdığı postunu bəyənməsi olub. O, bunu öz şərtlərinin pozulması kimi qiymətləndirərək valideynlərini və qardaşlarını sosial şəbəkədə blok edib. Bu vəziyyət məhkəmə məsələsi ilə bağlı deyil. Bruklin sadəcə ünsiyyətin sərhədlərini müəyyən edib. ...

Afrika Millətlər Kubokunda 1/4 final mərhələsinin oyunlarına start verilib. Komanda.az xəbər verir ki, mərhələnin ilk matçında Mali və Seneqal yığmaları üz-üzə gəlib. Rəqibini bir cavabsız qolla üstələyən Seneqal yığması qitə kubokunda ilk yarımfinalçı olub – 1:0. Günün digər oyununda Kamerun və Mərakeş yığmaları qarşılaşıblar. Turnirin ev sahibi olan Mərakeş millisi inamlı qələbə sayəsində yarımfinala yüksəlib – 2:0. source

Misir millisinin kapitanı Məhəmməd Salah Afrika Millətlər Kubokunda komandalarının favorit hesab olunması ilə bağlı fikirlərə münasibət bildirib. Qrup mərhələsində 9 mümkün xaldan 7-ni toplayan misirlilər 1/8 finalda Benin yığmasını məğlub edərək, növbəti mərhələyə yüksəliblər. Turnirdə 3 qolla fərqlənən Salah hazırda bombardirlər siyahısında ön sıralarda yer alır. Komanda.az xarici KİV-ə istinadən xəbər verir ki, buna baxmayaraq, 32 yaşlı hücumçu emosiyalarını nəzarətdə saxlamağa çalışdıqlarını vurğulayıb: “Bizim favorit olduğumuzu düşünmürəm. Komandamızda gənc futbolçular çoxdur və onların əksəriyyəti Misir çempionatında çıxış edir. Biz sadəcə ölkəmiz üçün mübarizə aparırıq, sonra nə qədər irəli gedə biləcəyimizi görəcəyik. Burada olan hər kəs bütün gücünü ortaya qoymaq istəyir”...