“Sabah”ın futbolçusu Velko Simiç Çempionlar Liqasında sabah TNS-ə qarşı keçirəcəkləri oyundan əvvəl təşkil olunan mətbuat konfransında iştirak edib.
Futbolpress.az xəbər verir ki, yarımmüdafiəçi matçla bağlı bunları deyib:
“Çox yaxşı təlim-məşq toplanışı keçdik. Əsas diqqətimizi öz oyun üslubumuzun formalaşdırılmasına yönəltmişdik. Yoxlama oyunlarındakı iki heç-heçə və bir böyükhesablı məğlubiyyətın sabahkı matça heç bir təsiri olmayacaq. Daha çox öz oyunumuzu düşünürük. İnanıram ki, sabahkı qarşılaşmaya tam hazırıq”.