“Difai” klubunun I Liqada rəqiblərini qəbul etdiyi Ağsu şəhər stadionu təmirə bağlanıb.
Futbolpress.az xəbər verir ki, bununla əlaqədar klub ev qarşılaşmalarını Buzovna qəsəbə stadionunda keçirmək üçün Peşəkar Futbol Liqasına müraciət edib. “Baku Sportinq” klubunun razılıq məktubu və stadiondan istifadə ilə bağlı ikitərəfli müqaviləni əsas götürən Peşəkar Futbol Liqası “Difai”nin I Liqanın 21-ci turundan etibarən mövsümün sonuna qədər ev oyunlarını Buzovna qəsəbə stadionunda keçirməsinə qərar verib.
I Liqanın digər təmsilçisi “Baku Sportinq” də ev oyunlarını Buzovnada keçirir.