Avrokuboklarda pley-off mərhələsindən sonra ölkələrin UEFA reytinqi yenilənib.
Futbolpress.az xəbər verir ki, bu mövsüm “Qarabağ”la Çempionlar Liqasında təmsil olunan Azərbaycan 22.938 xalla 27-ci sırada qərarlaşıb.
Reytinq siyahısında 28-ci Slovakiya, 29-cu Bolqarıstan, 30-cu İrlandiyanın heç bir təmsilçisi artıq avrokuboklarda mübarizədə davam etmədiyi üçün Azərbaycanın cari futbol ilini 27-ci sırada bitirəcəyi dəqiqləşib.
Avrokuboklarda bu mövsüm başlamazdan əvvəl Azərbaycan reytinqdə 30-cu sırada idi.
“Qarabağ” Çempionlar Liqasında mübarizəni pley-off mərhələsində dayandırıb. “Atlılar” bu mərhələdə İngiltərənin “Nyukasl” komandasına uduzub – 1:6, 2:3.