Yeni mövsümdə Premyer Liqaya vəsiqə hədəfləyən “Mingəçevir” I Liqada 8 oyundur, uduzmur.
Futbolpress.az xəbər verir ki, Ramiz Məmmədovun rəhbərlik etdiyi kollektiv sonuncu dəfə IX turda, ötən ilin noyabrında “Baku Sportinq”lə matçda meydanı xalsız tərk edib – 1:2.
“Mingəçevir” son 8 matçda 3 qələbə qazanıb, 5 heç-heçə edib. Bölgə klubu liqada 29 xalla üçüncü sıradadır və lider “Şəfa”dan 7 xal geri qalır.