Portuqaliya millisinin və Səudiyyə Ərəbistanının “Əl-Nəsr” klubunun hücumçusu Kriştiano Ronaldo ümumi dəyəri 8 milyon avro olan iki villa satın alıb.
Komanda.az “Goal”-a istinadən xəbər verir ki, bu mülklər Qırmızı dənizdəki Nucuma adasında yerləşir.
40 yaşlı futbolçu alışla bağlı fikirlərini belə ifadə edib:
“Bu məkan mənim üçün istisnadır. Buraya ilk səfərimizdə Corcina (xanımı) ilə birlikdə adaya qarşı güclü bağ hiss etdik. Təbiət inanılmaz dərəcədə gözəldir. Burada biz sakitlik tapırıq”.
Ronaldo 2023-cü ilin əvvəlindən Səudiyyə Ərəbistanı çempionatında çıxış edir. Onun “Əl-Nəsr”lə müqaviləsinin müddəti 2027-ci ilin iyununun sonunda başa çatacaq.