Dünya Futbolu

Bu gün gələn yay ABŞ, Kanada və Meksikanın birgə ev sahibliyi ilə keçiriləcək dünya çempionatının Avropa zonası üzrə pley-off mərhələsinin püşkü atılacaq. Komanda.az xəbər verir ki, tədbirə saat 16:00-da start veriləcək. Püşkatmada Türkiyə milli komandası birinci səbətdə yer alacaq. 4 vəsiqə uğrunda 16 yığma komanda arasında oyunlar keçiriləcək. Seçmə mərhələdə qrup ikinciləri olmuş 12 komanda və UEFA Millətlər Liqasının dörd qrup qalibi dörd qrupa bölünərək iki tək oyunlu raund oynayacaq: yarımfinal və final. Hər qrupun qalibi DÇ-2026-da iştirak imkanı əldə edəcək. DÇ-2026, pley-off mərhələsi Birinci səbət: İtaliya, Danimarka, Türkiyə, Ukrayna;İkinci səbət: Polşa, Uels, Çexiya, Slovakiya;Üçüncü səbət: İrlandiya, Albaniya, Bosniya və Herseqovina, Kosovo;Dördüncü səbət:...

“Botafoqo”nun baş məşqçisi Davide Ançelotti Braziliya millisinə rəhbərlik edən atası Karlo Ançelottinin səhvən həddindən artıq yumşaq məşqçi hesab edildiyini bildirib. Komanda.az xarici KİV-ə istinadən xəbər verir ki, o, bunu deyib:“İnsanlar atam haqqında yanılırlar. Atamın zahiri sakitliyi çox vaxt səhvən tələbkarlıq çatışmazlığı ilə eyniləşdirilir. Qalib gələndə təriflənirsən, amma uduzanda bu, dərhal zəiflik kimi qəbul edilir”. Daha əvvəl Davide Ançelotti uzun illər atasının köməkçisi vəzifəsində çalışıb. source

Yamayka millisinin baş məşqçisi Stiv Maklaren istefa verib. Komanda.az “The Guardian”-a istinadən xəbər verir ki, buna səbəb onun rəhbərlik etdiyi komandanın DÇ-2026-nın final mərhələsinə vəsiqə qazana bilməməsi olub. Amerika zonası üzrə seçmə mərhələnin B qrupunda Kurasao ilə qolsuz bərabərliklə bitən oyundan sonra Yamaykanın DÇ-2026-nın əsas mərhələsində iştirak şansı qalmayıb. Kurasao seçmə mərhələni 12 xalla lider başa vurub. Yamayka millisi isə 11 xalla ikinci olub. Trinidad və Tobaqo 9 xalla üçüncü, Bermud 0 xalla sonuncu – 4-cü yerdə qərarlaşıb. source

#image_title Braziliya millisinin baş məşqçisi Karlo Ançelotti DÇ-2026 üçün Neymarın mümkün çağırışı barədə fikirlərini bölüşüb. Komanda.az “The Touchline”-a istinadən xəbər verir ki, italiyalı mütəxəssis Neymarın vəziyyətini belə şərh edib: “Neymar zədəsini sağaldıb və onun formaya qayıtması üçün altı ay vaxtı var. Braziliya çempionatı bitdikdən sonra o, istirahət edəcək. Turnirlər yenidən başlayanda həm fiziki hazırlığını, həm də keyfiyyətlərini göstərmək imkanı qazanacaq”. 33 yaşlı hücumçu iki ildən çoxdur ki, Braziliya millisinə çağırılmır. O, yığmada ümumilikdə 128 oyunda 79 qol vurub və 59 məhsuldar ötürmə verib. source...

“Əl-Nəsr”in və Portuqaliya millisinin hücumçusu Kriştiano Ronaldo “Ağ Ev”də İlon Mask və digər tanınmış şəxslərlə selfi çəkdirib. Komanda.az xarici KİV-ə istinadən xəbər verir ki, bu barədə məlumatları, əvvəlcə ABŞ Prezidenti Donald Trampla təşkil olunmuş naharda “boy göstərən” portuqaliyalı futbolçunun müşahidəçiləri yayıblar. Ronaldo daha əvvəl prezident Tramp tərəfindən təşkil edilmiş naharda qonaq olub. Tədbirin ardından Elmlə Texnologiyalar üzrə Müşavir Şurasının həmsədri Devid Saks öz sosial şəbəkə hesabında həmin gecədən bir foto paylaşıb. Fotoda Ronaldo, onun xanımı Corcina Rodriges, iş adamı İlon Mask, FİFA-nın prezidenti Canni İnfantino və ABŞ-ın ticarət naziri Hovard Lyutnik daxil olmaqla bir çox qonaq əks olunub. source...

Dekabrın sonunda Dubayda (BƏƏ) “Globe Soccer Awards” mükafatlandırma mərasimi keçiriləcək. Komanda.az xarici KİV-ə istinadən xəbər verir ki, mərasimdə 2025-ci ilin ən yaxşı yarımmüdafiəçisi elan olunacaq. Namizədlər siyahısına 15 tanınmış futbolçu daxildir: Nikolo Barella (İnter), Çud Bellingem (Real), Desire Due (PSJ), Fermin Lopes (Barselona), Aleksis Makallister (Liverpul), Skott Maktominey (Napoli), Joao Neveş (PSJ), Martin Edeqor (Arsenal), Mikael Olise (Bayern), Koul Palmer (Çelsi), Pedri (Barselona), Deklan Rays (Arsenal), Federiko Valverde (Real), Vitinya (PSJ) və Florian Virts (Liverpul). Ötən il bu mükafata İngiltərə millisinin və “Real”ın yarımmüdafiəçisi Çud Bellingem layiq görülmüşdü. Mərasim 28 dekabr tarixində baş tutacaq. source...

Bu ilin sonunda Dubayda (BƏƏ) “Globe Soccer Awards” mükafatlandırma mərasimi keçiriləcək. Komanda.az xarici KİV-ə istinadən xəbər verir ki, mərasim çərçivəsində 2025-ci ilin ən yaxşı futbol məşqçisi seçiləcək. Namizədlər arasında Xabi Alonso (Real), Mikel Arteta (Arsenal), Antonio Konte (Napoli), Luis Enrike (PSJ), Hans-Diter Flik (Barselona), Eddi Hou (Nyukasl), Vensan Kompani (Bayern), Enzo Mareska (Çelsi), Roberto Martines (Portuqaliya millisi) və Arne Slot (Liverpul) yer alıb. Ötən il bu nominasiyada qalib “Real”ın sabiq baş məşqçisi Karlo Ançelotti olmuşdu. Mərasim dekabrın 28-də baş tutacaq. source

“Əl-İttihad”ın hücumçusu Kərim Benzema komandasını tərk etmək niyyətində deyil. Komanda.az xarici KİV-ə istinadən xəbər verir ki, o, Səudiyyə Ərəbistanında gördüyü hörmətdən zövq aldığını deyib: “Hazırda burada xoşbəxtəm. Digər oyunçulardan, azarkeşlərdən, məşqçilərdən və ətrafımdakı hər kəsdən çox diqqət və hörmət görürəm. Bəli, müqaviləm bitir və dekabrda 38 yaşım olacaq. Amma hiss edirəm ki, daha bir neçə il futbol oynaya bilərəm”. Benzema daha əvvəl “Lion” və “Real”da oynayıb. source

ABŞ-ın prezidenti Donald Tramp “Ağ Ev”də Portuqaliya millisinin üzvü Kriştiano Ronaldo ilə görüşüb. Komanda.az “Fox News”-ya istinadən xəbər verir ki, dövlət başçısı “Əl-Nəsr”in 40 yaşlı hücumçusu barədə qısa, ancaq diqqətçəkən fikirlər səsləndirib. O, Ronaldonu “tarixin ən böyük futbolçusu” adlandırıb. Ronaldo 2023-cü ilin yanvarından Səudiyyə Ərəbistanı çempionatında çıxış edir. Onun “Əl-Nəsr”lə mövcud müqaviləsinin müddəti 2027-ci ilin yayına qədərdir. Portuqaliyalı futbolçu cari mövsümdə Səudiyyə Ərəbistanı çempionatında 8 matça çıxıb, 9 qola və 1 məhsuldar ötürməyə imza atıb. source

Portuqaliya millisinin və “Əl-Nəsr”in hücumçusu Kriştiano Ronaldo “Ağ Ev”də ABŞ prezidenti Donald Trampın qonağı olub. 40 yaşlı futbolçu Trampın dəvəti ilə “Ağ Ev”də şam yeməyində iştirak edib və prezidentin 19 yaşlı oğlu Berron Trampla tanış olub. Komanda.az ESPN-ə istinadən xəbər verir ki, Tramp Ronaldonun Berronla tanış olmasının çox xoş olduğunu bildirib: “Ronaldonun Berronla tanış olması çox xoş oldu. Mənə elə gəlir ki, oğlum indi mənə daha çox hörmət edir, çünki onu Kriştiano ilə tanış etdim (gülür)”. Ronaldo 2023-cü ilin yanvarından Səudiyyə Ərəbistanın “Əl-Nəsr” klubunda çıxış edir. Onun klubu ilə müqaviləsinin müddəti 2027-ci ilin iyununda başa çatacaq. source...