Dünya Futbolu

Lissabon “Sportinq”i “Almeriya”nın hücumçusu Luis Suaresi 25 milyon avroya almağa razılaşıb. Komanda.az xarici KİV-ə istinadən xəbər verir ki, Portuqaliya klubu oyunçunun gələcək satış məbləğinin 10 faizini də ödəyəcək. Kolumbiya millisinin 27 yaşlı forvardı ötən mövsüm 41 matçda 27 qol vuraraq, Sequndanın bombardiri olub. Onun bu uğuru 63,5 milyon avro və bonuslar müqabilində “Arsenal”a keçməyə hazırlaşan Viktor Qyokereşin əvəzlənməsi kimi qiymətləndirilir. Luis Suares əvvəllər Avropa karyerasının başladığı “Qranada”, “Saraqosa”, “Nasional” (Kolumbiya), “Ximnastik” və “Uotford”un gənclər komandasında çıxış edib. source

Benjamin Mendi “Sürix”dən ayrılıb. Komanda.az xəbər verir ki, İsveçrə klubu 31 yaşlı müdafiəçi ilə müqaviləyə xitam vermək üçün qarşılıqlı razılıq əldə etdiklərini açıqlayıb. Mendi “Sürix”ə bu ilin fevralında, müddəti 2026-cı ilin yayına qədər olan müqavilə ilə keçmişdi. Fransalı futbolçu İsveçrə çempionatında 7 oyun keçirib və 1 məhsuldar ötürmə edib. O, əvvəllər “Mançester Siti”də çıxış edib. source

“Turan Tovuz”dan ayrılan İvan Konovalovun yeni klubu müəyyənləşib. Komanda.az xəbər verir ki, rusiyalı qolkiper karyerasını Belarusda davam etdirəcək. Konovalov “Dinamo” ilə anlaşıb. Bu barədə Minsk klubunun mətbuat xidməti məlumat yayıb. 31 yaşlı “əlcək sahibi” ilə 2026-cı ilin yayına kimi nəzərdə tutulan müqavilə imzalanıb. Konovalov ötən mövsüm “Turan Tovuz”un heyətində 22 rəsmi matçda meydana çıxıb. source

UEFA Konfrans Liqasının 2-ci təsnifat mərhələsində “Zirə”nin rəqibi olan “Hayduk” heyətini yeni oyunçu ilə gücləndirəcək. Komanda.az xəbər verir ki, Split təmsilçisi Ante Rebiçin keçidini həll etmək üzrədir. Bu barədə “Telesport” məlumat yayıb. Artıq xorvatiyalı vingerlə razılıq əldə olunub. 31 yaşlı futbolçu ilə yaxın günlərdə müqavilə imzalanacaq. Rebiç karyerası ərzində “Fiorentina”, “Leyptsiq”, “Verona”, “Ayntraxt”, “Milan”, “Beşiktaş” və “Leççe”də çıxış edib. “Zirə” Bakıda keçirilən ilk oyunda “Hayduk”la 1:1 hesablı heç-heçə edib. Komandalar arasındakı cavab görüşü iyulun 31-də Xorvatiyada keçiriləcək. source

“Atletiko”dan ayrılan yarımmüdafiəçi Rodriqo de Paul “İnter Mayami”yə keçib. Komanda.az xarici KİV-ə istinadən xəbər verir ki, ABŞ klubu argentinalı futbolçu ilə müqavilə imzaladığını dünən elan edib. Dörd illik müqaviləyə qol çəkən dünya çempionu sosial şəbəkə hesabındakı paylaşımında hazır olduğunu bildirib: “Karyeramdakı bu yeni böyük çağırışa görə çox şadam. Mən hazıram! Gedək, “İnter!” De Paul “İnter Mayami”yə 15 milyon avroya başa gəlib. Bu, klub tarixindəki ən bahalı transferdir. O, yeni komandasında Argentina millisindən yaxşı tanıdığı Lionel Messi ilə bərabər çıxış edəcək. source

Son günlərdə mətbuatda Xavi Hernandesin Hindistan millisinin baş məşqçisi ola biləcəyi ilə bağlı məlumatlar yayılsa da, bu iddialar həqiqəti əks etdirmir. Komanda.az xəbər verir ki, tanınmış insayder Fabritsio Romano bu məlumatları qəti şəkildə təkzib edərək bildirib ki, Xavi ilə Hindistan Futbol Federasiyası arasında heç bir danışıqlar aparılmayıb. Həmçinin, Xavi özü də şəxsi sosial media hesabında yayılan məlumatlara münasibət bildirərək, bunları yazıb: “Son məlumatlara baxmayaraq, Hindistan Futbol Federasiyası ilə heç bir əlaqəm və danışıqlarım olmayıb”. Bəzi xəbərlərə görə, Hindistan tərəfi Xavinin adından istifadə edərək, milli komandaya daha nüfuzlu namizədlər cəlb etmək niyyətində olub. 45 yaşlı mütəxəssis artıq bir ildən çoxdur ki, məşqçilik fəaliyyətindən uzaqdır. O...

Braziliyanın aparıcı klublarından olan “Flamenqo” “Arsenal”ın hücumçusu Qabriel Jezusa ciddi maraq göstərir. Komanda.az “RTI Esporte”-yə istinadən xəbər verir ki, Rio-de Janeyro təmsilçisi 28 yaşlı futbolçunun transferi üçün rəsmi təklif hazırlayır. Jezusun “Arsenal”la müqaviləsinin müddəti 2027-ci ilin iyununa qədərdir. “Transfermarkt” portalının qiymətləndirməsinə əsasən, onun bazar dəyəri 32 milyon avro təşkil edir. Braziliyalı forvard üçün son mövsüm asan keçməyib. Ciddi diz zədəsi səbəbindən o, uzun müddət yaşıl meydanlardan uzaq düşüb. Buna baxmayaraq, 27 oyunda meydana çıxaraq, 7 qol və 2 məhsuldar ötürmə ilə yadda qalıb. source