Dünya Futbolu

“Qarabağ”ın UEFA Çempionlar Liqasında üz-üzə gələcəyi Almaniyanın “Ayntraxt” (Frankfurt) klubu cərimələnib. Komanda.az xəbər verir ki, bu barədə UEFA qərar çıxarıb. Buna Frankfurt təmsilçisinin evdə “Liverpul”a uduzduğu matçda yaşananlar səbəb olub. Bundesliqa klubu ümumilikdə 39250 avro ödəməli olacaq. “Ayntraxt” sözügedən qarşılaşmada ictimai keçidlərin bağlanmasına görə 11000, pirotexniki vasitələrdən istifadəyə görə 10750, idman tədbirinə uyğun olmayan mesajların ötürülməsinə görə 17500 avro ziyana düşüb. Oyun Frankfurt klubunun 1:5 hesablı məğlubiyyəti ilə bitib. Almaniya komandası “Qarabağ”la 2026-cı il, yanvarın 21-də Bakıda üz-üzə gələcək. source...

Uruqvay millisinin baş məşqçisi Marselo Byelsa postundan ayrılmaq niyyətində deyil. Son günlər argentinalı mütəxəssisin mümkün gedişi ilə bağlı yayılan xəbərlərə baxmayaraq, 70 yaşlı çalışdırıcı vəziyyətə aydınlıq gətirib. Byelsanın Uruqvay Futbol Assosiasiyası ilə müqaviləsinin müddəti ilin sonunda başa çatacaq. Federasiya rəhbərliyinin əməkdaşlığı davam etdirməkdə tərəddüd etdiyi bildirilir. Komanda.az xarici KİV-ə istinadən xəbər verir ki, buna baxmayaraq, o, özünü hələ də enerjili və işə hazır hesab etdiyini açıqlayıb: “Mən hələ də güclüyəm və dünya çempionatına hazırlıq ərəfəsində Uruqvay millisi ilə işləməyə hazıram. Amma futbolçular mənim getməyimi istəyirlərsə, bunu şəxsən deyə bilərlər”. 2023-cü ilin mayından Uruqvay millisinə rəhbərlik edən Marselo Byelsa komandası i...

İsveç millisinin baş məşqçisi Qrem Potter DÇ-2026-nın seçmə mərhələsinin pley-off mərhələsinin püşkatmasının nəticələrini şərh edib. İsveç millisi bu mərhələdə Ukrayna ilə qarşılaşacaq. Komanda.az “Aftonbladet”-ə istinadən xəbər verir ki, Potter oyunları səbirsizliklə gözlədiklərini deyib: “İndi kiminlə oynayacağımızı bilirik və həqiqətən də bunu səbirsizliklə gözləyirik. Qarşılaşmaya qədər çox vaxtımız var. Bütün səfər matçları çətin keçir, amma şanslıyıq: Ukraynanı keçsək, həlledici oyun İsveç torpağında oynanacaq”. Bu cütün qalibi finalda Polşa və ya Albaniya ilə qarşılaşacaq. source

Danimarka millisinin baş məşqçisi Brayan Rimer DÇ-2026-nın pley-offunda, gələn ilin martın 26-da Şimali Makedoniya yığması ilə qarşılaşacaqları matç barədə fikirlərini bölüşüb. Komanda.az xarici KİV-ə istinadən xəbər verir ki, danimarkalı mütəxəssis Şimali Makedoniya yığmasını bir az araşdırdığını bildirib: “İsveçlilərdən qaçmaq istəyirdik. Bu, xüsusi bir matç olardı. Şimali Makedoniyanı bir az araşdırdım. Onlar ürəklə oynayan Balkan komandasıdır. Tezliklə daha ətraflı təhlil aparacağıq. Bu püşkatma bizə dünya çempionatı vəsiqəsini təmin etməlidir. Biz yaxşı vəziyyətdə olduğumuzu və vəzifənin öhdəsindən gələcəyimizi hiss edirik”. Bu matçı qazanan komanda martın 31-də İrlandiya – Çexiya cütünün qalibinə qarşı oynayacaq. source...

Ukrayna Futbol Assosiasiyasının prezidenti, “Milan”ın və “Çelsi”nin keçmiş futbolçusu Andrey Şevçenko dünya çempionatının pley-off mərhələsinin püşkatmasını şərh edib. Ukrayna millisi martda İsveçlə, püşkatmanın qalibi isə finala vəsiqə uğrunda Polşa və ya Albaniya ilə qarşılaşacaq. Komanda.az xarici KİV-ə istinadən xəbər verir ki, Şevçenko ən güclü komandandalardan biri ilə qarşılaşacaqlarını deyib: “Pley-offa yüksələn bütün komandalar güclüdür. Amma biz ən güclülərdən birinə qarşı mübarizə aparacağıq. Ona görə də, ciddi hazırlaşmalıyıq. Dünya çempionatına vəsiqə qazanmaq istəyiriksə, səviyyəmizi yüksəltməliyik”. Ukrayna millisi seçmə mərhələnin qrupunda Fransadan sonra ikinci yeri tutub və son oyunda İslandiya üzərində 2:0 hesablı qələbə qazanaraq, pley-offa vəsiqəni təmin edib....

“Rosario Sentral”ın futbolçusu Anxel di Mariya tezliklə məşqçilik karyerasına başlamaq niyyətində olduğunu etiraf edib. Komanda.az xarici KİV-ə istinadən xəbər verir ki, o, hələlik bunun nə vaxt olacağını bilmir, amma artıq özünü məşqçi kimi təsəvvür edir: “Leandro Paredeslə (argentinalı futbolçu) məşqçi heyətinin qurulması üzərində işləyirəm. Lisenziya almaq üçün məşqçilik kursuna gedirəm. Komandalarımız ölənə qədər 4-3-3 sxemi ilə oynayacaqlar. Leandro ilə mən artıq bu barədə müzakirə aparmışıq. Təqaüdə çıxdıqdan sonra “Rosario Sentral” və “Boka Xuniors” komandalarını məşq etdirmək istəyirik”. Argentina millisinin sabiq üzvü olan 37 yaşlı futbolçu iyul ayında “Benfika”dan “Rosario Sentral”a keçib. source...

DÇ-2026-nın Avropa zonası üzrə pley-off mərhələsinin püşkü atılıb. Komanda.az xəbər verir ki, raundun yarımfinal mərhələsində üz-üzə gələcək millilər məlum olub. Avropa zonası üzrə pley-off oyunları 2026-cı il martın 26-31-i aralığında keçiriləcək. A yolu İtaliya – Şimali İrlandiya Uels – Bosniya və Herseqovina B yolu Ukrayna – İsveç Polşa – Albaniya C yolu Türkiyə – Rumıniya Slovakiya – Kosovo D yolu Danimarka – Şimali Makedoniya Çexiya – İrlandiya Qitələrarası püşkün nəticəsinə əsasən, Yeni Kaledoniya – Yamayka cütünün qalibi mundiala vəsiqə uğrunda Konqo Demokratik Respublikası ilə üz-üzə gələcək. Boliviya – Surinam duelinin güclüsü isə İraqla münasibətlərə aydınlıq gətirəcək. Meydan sahibləri – ABŞ, Kanada, Meksika ilə yanaşı, Kurasao, Pa...

2181071294 “İnter Mayami”nin sol cinah müdafiəçisi Jordi Alba “Barselona”nın icazəsi olmadan “Kamp Nou”ya getmək niyyətində olmadığını bildirib. Komanda.az xarici KİV-ə istinadən xəbər verir ki, o, bunu deyib:“Bir neçə şəkil çəkmək üçün “Kamp Nou”ya gizlicə girməyi planlaşdırmıram. Hamımızın, xüsusən də, uzun illər “Barselona”da olanların stadiona çıxışı var. Amma Lionel Messinin orada şəkil çəkdirməyi planlaşdırdığını bilmirdim”. Messi bu yaxınlarda gözlənilmədən “Barselona”nın stadionuna gedib və bu, hətta klub prezidenti Xuan Laporta da daxil olmaqla, komandanın bütün işçilərini təəccübləndirib. Alba 2012-ci ildən 2023-cü ilə qədər “Barselona”da oynayıb. 36 yaşlı futbolçu bu ilin sonunda futbolçu karyerasını bitirəcək. source...

Səudiyyə Ərəbistanının “Əl-Əhli” klubunda çıxış edən hücumçu İvan Toni yanvarda İngiltərə Premyer Liqasına qayıtmaq üçün maaşının azalmasına razılaşmağa hazırdır. Komanda.az xəbər verir ki, bu barədə “Teamtalk” məlumat yayıb. 29 yaşlı forvarda xüsusilə, “Tottenhem” və “Everton” ciddi şəkildə maraq göstərir. Onun əsas arzularından biri yaxınlaşan dünya çempionatında İngiltərə millisinin heyətinə düşməkdir. İddialara görə, Toninin hazırda “Əl-Əhli”də illik qazancı təxminən 23,5 milyon avrodur. O, bu mövsüm bütün turnirlər daxil olmaqla 15 oyunda meydana çıxıb, 11 qol vurub və 2 məhsuldar ötürmə verib. Toni 2020-2024-cü illərdə Premyer Liqada “Brentford”un heyətində çıxış edib. source...

“İnter Mayami”nin hücumçusu Lionel Messi ispaniyalı jurnalistlər tərəfindən xüsusi mükafata layiq görülüb. Komanda.az xəbər verir ki, “sport.es” nəşri argentinalı oyunçunu 21-ci əsrdə “Barselona”nın ən yaxşı futbolçusu seçib. Mükafatın təqdimatı üçün nəşrin nümayəndəsi Mayamiyə səfər edib və onu şəxsən Messiyə təqdim edib. “Barselona” akademiyasının yetirməsi olan Messi Kataloniya klubunun əsas komandasında 2005–2021-ci illərdə çıxış edib. Daha sonra iki mövsüm PSJ-də forma geyinib və 2023-cü ilin yayından etibarən “İnter Mayami”də çıxış edir. 38 yaşlı futbolçu ilə Florida təmsilçisi arasındakı müqavilənin müddəti 2028-ci ilin sonuna kimidir. source