Dünya Futbolu

Niderland millisinin baş məşqçisi Ronald Kuman həmyerlisi Erik ten Haqın “Bayer”dən qovulmasını şərh edib.Komanda.az xarici KİV-ə istinadən xəbər verir ki, o, bunun çox sürətli qərar olduğunu söyləyib:“Bu, çox sürətli və radikal qərardır. Bu, normal deyil. Düşünürəm ki, klubun məşqçi ilə bağlı öz fikirləri var. Bu bizim işimizi xüsusi edir. Məşqçi olmaq çətin işdir. Amma mənim vəziyyətimdə, bəli, həyəcanvericidir”. Leverkuzen klubu Bundesliqada “Hoffenhaym”la (1:2) və “Verder”lə (3:3) oyunlardan sonra Ten Haqı qovub. source

Səudiyyə Ərəbistanı çempionu “Əl-İttihad” “Braqa”ya vinger Roje Fernandesin transferi üçün rəsmi təklif göndərib. Komanda.az xarici KİV-ə istinadən xəbər verir ki, “Əl-İttihad” 19 yaşlı futbolçu üçün 30 milyon avro xərcləməyə hazırdır. Fernandes Portuqaliyanın U-19, U-21 komandalarında çıxış edib və Qvineya-Bisau mənşəlidir. O, uşaqlıq yaşlarından Portuqaliyada yaşayır, karyerasını tamamilə “Braqa”da keçirib. Fernandes “Braqa”nın heyətində ümumilikdə 91 oyuna çıxıb, 12 qol vurub və 16 məhsuldar ötürmə verib. source

“Qarabağ”ın UEFA Çempionlar Liqasının liqa mərhələsindəki rəqibi olan Danimarkanın “Kopenhagen” klubu yeni transferini açıqlayıb. Komanda.az xəbər verir ki, bu barədə klubun mətbuat xidməti məlumat yayıb. Paytaxt təmsilçisi Mads Emil Madseni heyətinə qatıb. 27 yaşlı danimarkalı yarımmüdafiəçi ölkənin digər klubu “Orhus”dan transfer olunub. “Qarabağ” paytaxt klubu ilə UEFA Çempionlar Liqasının 2-ci turunda Bakıda üz-üzə gələcək. Oyun oktyabrın 1-də keçiriləcək. source

“Qarabağ”ın UEFA Çempionlar Liqasının liqa mərhələsindəki rəqibi “Benfika” heyətini Belçika millisinin futbolçusu Dodi Lukebakio ilə gücləndirib. Komanda.az xəbər verir ki, bu barədə klubun mətbuat xidməti məlumat yayıb.  İspaniya təmsilçisi “Sevilya”dan transfer olunan 27 yaşlı hücumçu ilə 2030-cu ilin yayına qədər olan müqavilə imzalanıb. Transfer Portuqaliya klubuna 20 milyon avroya başa gəlib.  “Benfika” futbolçunun sərbəst qalma qiymətini 50 milyon avro müəyyənləşdirib.  “Qarabağ” UEFA Çempionlar Liqasının liqa mərhələsinin ilk turunda səfərdə “Benfika”nın qonağı olacaq. Oyun sentyabrın 16-da keçiiləcək. source

”Santos”un hücumçusu Neymar sentyabrda keçiriləcək toplanış üçün Braziliya millisinə çağırılan futbolçuların siyahısında yer almayıb. Komanda.az xarici KİV-ə istinadən xəbər verir ki, yığmanın baş məşqçisi Karlo Ançelotti forvardın yoxluğunu səhhətindəki problemlərlə izah edib. Lakin futbolçu özü baş məşqçinin fikirlərini təkzib edib: “Mənim əzələmdə şişlik var idi, amma ciddi bir şey yox idi. Mən texniki səbəblərdən milliyə çağırılmadığımı düşünürəm. Bunun fiziki vəziyyətimlə bağlı olduğunu düşünmürəm”. Braziliya millisi artıq 2026-cı il dünya çempionatına vəsiqəni təmin edib. Turnir üç ölkədə – ABŞ, Kanada və Meksikada keçiriləcək. source

Ukraynalı yarımmüdafiəçi Georgi Sudakov Çempionlar Liqaında “Qarabağ”ın rəqibi olan “Benfika”ya icarə əsasında keçidi haqda danışıb. Komanda.az xarici KİV-ə istinadən xəbər verir ki, o, sosial şəbəkə hesabında bunu yazıb: “Benfika”, xoş gəlmişəm. Belə böyük klubun bir parçası olduğum üçün çox şadam. Özümü futbol meydanında görməyi səbirsizliklə gözləyirəm”. Ukraynalı futbolçunun Portuqaliya klubu ilə müqaviləsi gələn ilin iyun ayına qədərdir. Sudakov “Şaxtyor”un yetirməsidir və o, klubda bu mövsüm 3 oyun keçirib, 1 məhsuldar ötürmə edib. “Qarabağ” Çempionlar Liqasının liqa mərhələsində ilk matçını sentyabrın 16-da, səfərdə “Benfika”ya qarşı keçirəcək. Qarşılaşma saat 23:00-da başlayacaq. source...

“Qarabağ”ın UEFA Çempionlar Liqasındakı rəqibi olan “Benfika” heyətini yeni futbolçu ilə gücləndirib. Komanda.az xəbər verir ki, Lissabon təmsilçisi Ukraynanın “Şaxtyor” klubunun yarımmüdafiəçisi Georgi Sudakovu sıralarına cəlb edib. Portuqaliya klubu 22 yaşlı oyunçunu cari mövsümünün sonuna kimi icarəyə götürüb. Müqavilənin şərtlərinə əsasən, klub Sudakovu istəyinə uyğun olaraq, gələn yay birdəfəlik transfer də edə bilər. “Şaxtyor”un heyətində ümumilikdə 148 oyuna çıxan Sudakov 35 qol vurub. Ukrayna millisinin üzvü yığmanın heyətində 29 oyunda rəqib qapılarından 3 top keçirib. “Qarabağ” Çempionlar Liqasının əsas mərhələsində ilk matçını sentyabrın 16-da, səfərdə “Benfika”ya qarşı keçirəcək. Qarşılaşma saat 23:00-da başlayacaq. source...

UEFA, Çempionlar Liqasının liqa mərhələsinin oyun cədvəlini açıqlayıb. Komanda.az xarici KİV-ə istinadən xəbər verir ki, “Kayrat” və “Real” arasındakı matç bir ay sonra – 30 sentyabrda, ikinci turda baş tutacaq. Oyun saat 20:45-də start götürəcək. “Real” üçün bu oyun xüsusilə çətin olacaq. Çünki komanda Qazaxstana səyahət etmək üçün təxminən 6500 kilometr yol qət etməli olacaq. “Kral klubu”nun baş məşqçisi Xabi Alonso, bu matçı uzun yol baxımından ciddi bir sınaq olaraq qiymətləndirib. Bundan əvvəl “Kayrat” Çempionlar Liqasının ilk turunda Lissabon “Sportinq”inin qonağı olacaq. Almata təmsilçisi təxminən 7000 kilometr yol qət edəcək ki, bu da turnir tarixində rekord məsafə olacaq. “Kayrat” tarix...

Ukraynanın “İnquleç” klubunun prezidenti Aleksandr Povoroznyuk Ukrayna Futbol Assosiasiyasının rəhbəri Andrey Şevçenkonu kəskin tənqid edib. Komanda.az xarici KİV-ə istinadən xəbər verir ki, o, indiyədək heç bir prezidentin dövründə bu qədər zəif nəticələr və təşkilati problemlərin olmadığını bildirib: “Ukraynanın qadın yığması rəsmi oyuna gedə bilmədi, çünki vizalar vaxtında alınmadı. UEFA Çempionlar Liqasında Ukraynadan ümumiyyətlə, heç kim iştirak etmir. UEFA reytinqində bizi artıq Rusiya keçib. Halbuki onlar ümumiyyətlə oynamır”. O, həmçinin, bildirib ki, Şevçenko hazırkı vəzifəsində illik üç milyon avro məvacib alır. Bu isə ölkədə davam edən müharibə və ağır durum fonunda ciddi narazılıq doğurur. 2025/26 mövsümündə Çempionlar Liqasının liqa mərhələsinə Ukrayna klubu vəsiqə...

Bukmeker kontorları UEFA Çempionlar Liqası üçün favorit komandaların adlarını açıqlayıb. Komanda.az xarici KİV-ə istinadən xəbər verir ki, ən yüksək şans “Barselona”ya verilib. Kataloniya klubunun qələbə əmsalı 7.00 olaraq qiymətləndirilib. İkinci yerdə “Real”dır (8.00). Üçüncü və dördüncü yerləri isə “Bayern”lə “Mançester Siti” (hər ikisi 10.00) bölüşür. PSJ və “Liverpul” 11.00 əmsalla 5–6-cı yerləri paylaşır. Keçən mövsümün finalçısı olan “İnter” isə 15.00 əmsalla 8-ci pillədə qərarlaşıb. Barselona – 7.00 Real – 8.003-4. Bayern – 10.003-4. Mançester Siti – 10.005-6. Liverpul – 11.005-6. PSJ – 11.00Arsenal – 12.00İnter – 15.00Çelsi – 17.00Tottenhem – 20.00 “Qarabağ” Macarıstan “Ferentsvaroş”una iki oyunun cəmində 5:4 hesabı ilə qalib gələrək,...