Dünya Futbolu

İspaniyalı müdafiəçi Emerik Laport Səudiyyə Ərəbistanının “Əl-Nəsr” klubunun çempionat və ölkə kuboku üçün iştirak ərizəsinə daxil edilməyib. Komanda.az xəbər verir ki, bu barədə AS nəşri məlumat yayıb. “Əl-Nəsr”in legioner limiti artıq dolub və Laportun adı siyahıya salınmayıb. Onun “Atletik”ə keçidi gözlənilirdi. Ancaq “Əl-Nəsr” tərəfinin gecikməsi səbəbindən transfer baş tutmayıb. Laport indiyədək Səudiyyə Ərəbistanı klubunun heyətində 69 oyun keçirib, 9 qol və 1 məhsuldar ötürmə ilə yadda qalıb. source

“Mançester Yunayted”in sabiq hücumçusu, hazırda Yunanıstanın AEK klubunda çıxış edən Antoni Marsial karyerasını Meksikada davam etdirə bilər. Komanda.az xarici KİV-ə istinadən xəbər verir ki, Fransa millisinin sabiq üzvünə Meksikanın “Pumas” klubu maraq göstərir. Transferin icarə əsasında baş tutması planlaşdırılır. Meksika təmsilçisi Marsialı mövsümün sonuna qədər heyətində saxlamaq istəyir. Bu ölkədə yay transfer pəncərəsi sentyabrın 12-də bağlanır. source

“Milan”ın futbolçusu Yasin Adli karyerasını Səudiyyə Ərəbistanınında davam etdirəcək. Komanda.az xəbər verir ki, 25 yaşlı yarımmüdafiəçi “Əl-Şabab”a transfer olub. Bu barədə klubun mətbuat xidməti məlumat yayıb. Fransalı futbolçu ilə 3 illik müqavilə imzalanıb. “Əl-Şabab” bu transferə görə “Milan”a 8 milyon avro ödəyib. Yasin adli ötən mövsümü icarə əsasında “Fiorentina”da çıxış edib. O, bu komandada meydana çıxdığı 35 matçda 5 qol və 7 məhsuldar ötürmə ilə yadda qalıb. source

İranın “Traktor” klubu heyətini isveçli qapıçı ilə gücləndirib. Komanda.az xarici KIV-ə istinadən xəbər verir ki, Təbriz təmsilçisi 27 yaşlı Marko Yohanssonla müqavilə imzalayıb.  194 sm boya malik qolkiper peşəkar karyerasına “Malmö”nün (İsveç) akademiyasında başlayıb. O, Almaniyada “Hamburq”, “Bohum”, “Hanza” və “Ayntraxt”ın (Braunşveyq) formasını geyinib. Yohansson İsveçin U-15 və U-21 millilərində də çıxış edib. source

“Benfika”nın hücumçusu Vangelis Pavlidis yay transfer pəncərəsinin son günündə komandadan ayrıla bilərmiş. Komanda.az xəbər verir ki, bu barədə “A Bola” məlumat yayıb. Yunan futbolçunun müqaviləsində 100 milyon avroluq çıxış bəndi nəzərdə tutulub və son anda bu bənddən istifadə etmək istəyən bir klub ortaya çıxıb. Lissabon təmsilçisinin maliyyə direktoru Nunu Katarin belə bir təklifin olduğunu təsdiqləyib: “Belə bir təklif oldu, amma bunu prezidentə buraxıram. O istəyərsə, danışar. Təklif əhəmiyyətli idi, bu bazarda ən böyük satışımızı edə bilərdik. Amma son gündə bunun mənası yox idi. Biz pəncərəni bağlamışdıq”. 26 yaşlı forvard ötən mövsüm iştirak etdiyi oyunlarda 30 qol vurub və 13 məhsuldar ötürmə verib. “Qarabağ” UEFA Çempionlar Liqasının liqa mərhələsindəki ilk oyun...

Səudiyyə Ərəbistanının “Əl-İttihad” klubu müdafiəçi Jan-Karlo Şimiçin transferində razılıq əldə edib. Komanda.az xarici KİV-ə istinadən xəbər verir ki, serbiyalı futbolçu ilə müddəti 4 il olan müqavilə imzalanacaq. Onun hazırkı klubu “Anderlext” transferdən təxminən 20 milyon avro (bonuslarla birlikdə) qazanacaq. 20 yaşlı müdafiəçiyə daha əvvəl “Latsio” da maraq göstərmişdi. Şimiç vaxtilə “Milan”da da bir neçə oyun keçirib. O, ötən il Serbiya milli komandasının heyətində debüt edib. source

“Barselona”nın və Braziliya millisinin hücumçusu Rafinya Dias baş məşqçi Karlo Ançelottinin Boliviya yığması ilə matçdakı qərarından narazı qalıb. Rafinya turnir baxımından heç bir əhəmiyyət daşımayan matça ehtiyat oyunçular skamyasında başlayıb və yalnız 61-ci dəqiqədə meydana daxil olub. Komanda.az “Diario Sport”-a istinadən xəbər verir ki, 29 yaşlı futbolçu bu qərara əsəbiləşib. Braziliya millisi sentyabrın 10-da DÇ–2026-nın seçmə mərhələsində Boliviya yığması ilə qarşılaşıb və 0:1 hesabı ilə məğlub olub. Braziliya yığması seçmə mərhələni turnir cədvəlinin 5-ci pilləsində başa vuraraq, dünya çempionatına birbaşa vəsiqə qazanıb. source

“Opta” superkompüteri 2025/26 mövsümündə UEFA Çempionlar Liqasını kimin qazanacağını proqnozlaşdırıb. Komanda.az xəbər verir ki, bu barədə “Opta” analitikləri X sosial şəbəkəsində məlumat yayıb. “Liverpul”un Avropanın ən nüfuzlu klub turnirində qalib gəlmək şansı daha yüksəkdir – 20,4 faiz. Qələbə ehtimalına görə ikinci yerdə “Arsenal” (16 faiz), üçüncü pillədə isə PSJ (12,1 faiz) qərarlaşıb. “Liverpul” Çempionlar Liqasının ümumi mərhələsində “Atletiko”, “Qalatasaray”, Frankfurt “Ayntraxt”ı, “Real”, PSV, “İnter”, “Marsel” və “Qarabağ” klubları ilə qarşılaşacaq. The post ÇL: Superkompüter “Qarabağ”ın rəqibinin çempionluğunu proqnozlaşdırır appeare...

“Araz-Naxçıvan”ın qapıçısı Kristian Avramın formasını geyindiyi Moldova millisi 2026-cı il dünya çempionatının seçmə mərhələsinin I qrupunun 2-ci turu çərçivəsində Osloda Norveç yığması ilə qarşılaşıb. Komanda.az xəbər verir ki, qarşılaşma meydan sahiblərinin 11:1 hesablı qələbəsi ilə başa çatıb. Avram meydana start heyətində çıxıb və sona qədər oynayıb. Hazırda Moldova yığmasının xalı yoxdur və turnir cədvəlində sonuncu – 5-ci pillədə qərarlaşıb. source

Braziliya millisinin baş məşqçisi Karlo Ançelotti DÇ–2026-nın seçmə mərhələsinin son turunda Boliviya yığmasına məğlubiyyəti (0:1) şərh edib. Komanda.az “Globo”-ya istinadən xəbər verir ki, italiyalı mütəxəssis komandasının oyuna yanaşmasını müsbət qiymətləndirib: “Komandanın necə çalışdığını bəyəndim. Boliviyada oynamaq çox çətindir. Mən bütün futbolçulara şans vermək istəyirdim, çünki onlar məşqlərdə yaxşı işlədilər və Çili yığmasına qarşı da yaxşı oyun göstərmişdilər. Bu yolla onları mükafatlandırmaq istədim”. Braziliya millisi seçmə mərhələni turnir cədvəlinin 5-ci pilləsində başa vuraraq, dünya çempionatına birbaşa vəsiqə qazanıb. Boliviya yığması isə 7-ci yeri tutaraq pley-off mərhələsinə yüksəlib. source...