Dünya Futbolu

“İnter Mayami”nin hücumçusu Lionel Messi Avropanın 5 ən güclü çempionatında rəqib qapıları qarşısında ən çox qol vəziyyəti yaradan futbolçu kimi birinci yerə çıxıb. Komanda.az xəbər verir ki, bu barədə “Statmuse” portalı məlumat yayıb. 2015/16 mövsümündən etibarən aparılan statistikaya görə, Messi “Barselona” (La Liqa) və PSJ (Liqa 1) komandalarında toplam 301 oyunda 226 qol imkanı yaradıb. İkinci yerdə Kevin de Bruyne gəlir. O, “Mançester Siti”də çıxış etdiyi müddətdə 323 oyunda 222 qol imkanı yaradıb. İlk 3-lüyü “Bayern”in sabiq hücumçusu Tomas Müller tamamlayır, o, 338 oyunda 171 şans yaradıb. Portuqaliyalı hücumçu Kriştiano Ronaldo “25-liy”ə belə, daxil olmayıb. source...

“Əl-Sədd”in hücumçusu Roberto Firmino “Liverpul”da keçmiş komanda yoldaşı Məhəmməd Salah haqqında fikirlərini bölüşüb. Komanda.az xarici KİV-ə istinadən xəbər verir ki, braziliyalı forvard bunu deyib:“Mən “Liverpul”da Salahla oynadığım üçün xoşbəxtəm. Onun üçün darıxıram. Məni izləyirsə, ona demək istəyirəm ki, onunla və dostluğumuzla çox fəxr edirəm”. Firmino 2015-2023-cü illərdə “Liverpul”da çıxış edib. O, bu müddət ərzində 362 oyun keçirib, 111 qol vurub və 76 məhsuldar ötürmə edib. 33 yaşlı futbolçunun hazırda Qətər klubu ilə müqaviləsinin müddəti 2027-ci ilə qədərdir. source

“Bazel”in yarımmüdafiəçisi Cerdan Şakiri karyerasının ən yaxşı məşqçisi haqda danışıb. Komanda.az xarici KİV-ə istinadən xəbər verir ki, o, bu siyahıda iki mütəxəssisin adını çəkib:“Mən Pep Qvardiolanın adını çəkmək istəyirəm. Taktika və oyun quruluşu baxımından o, birinci yerdədir. Qvardiola Münhendə (“Bayern”) inqilab etmək istəyirdi. Düşünürəm ki, o, öz ideyalarını həyata keçirə bilib. Otmar Hitsfeldi də qeyd etmək istərdim. O, başqa dövrün mütəxəssisidir”. Şakiri 2024-cü ilin yayında azad agent kimi “Bazel”ə keçib. 33 yaşlı isveçrəli futbolçu daha əvvəl “Bayern”, “Liverpul”, “İnter” kimi klublarda çıxış edib. source

Futbol üzrə UEFA Çempionlar Liqasının 2026/2027 mövsümünün final oyunu İspaniyanın “Atletiko” komandasının stadionu “Metropolitano”da keçiriləcək. Komanda.az xəbər verir ki, bu barədə UEFA-nın mətbuat xidməti məlumat yayıb. “Metropolitano” stadionu ikinci dəfə Çempionlar Liqasının finalına ev sahibliyi edəcək. Qərar UEFA İcraiyyə Komitəsinin Tiranada keçirilən iclasında qəbul edilib. İclasda həmçinin 2026-cı ildə UEFA Superkubokunun Zalsburqda keçirilməsinə qərar verilib. Qadınlar arasında Çempionlar Liqasının 2027-ci il finalı Varşavadakı Milli Stadionunda keçiriləcək. 2027-ci ildə 19 yaşadək futbolçular arasında futzal üzrə Avropa çempionatı Astanada baş tutacaq. source

“Santos”un hücumçusu Neymar “İnter Mayami”nin forvardı Lionel Messi ilə PSJ-də oynadığı vaxtla bağlı hekayəsini xatırladıb. Komanda.az xarici KİV-ə istinadən xəbər verir ki, o, argentinalı futbolçu ilə arasındakı söhbəti belə nəql edib: “PSJ-də bir dəfə Messidən penalti vurmasını istədim. O isə dedi: “Xeyr, mən bunun üçün burada deyiləm. Ya özün al, ya da Kilian Mbappeyə ver”. O, heç mübahisə etmir. Çox sakitdir”. Neymar 2017-2023-cü illərdə, Messi isə 2021-2023-cü illərdə PSJ-də çıxış edib. Onlar PSJ-dən əvvəl “Barselona”da birgə çıxış ediblər. source

“Napoli”nin sabiq futbolçusu Fauzi Qulam Canluici Donnarummanın bu yay PSJ-dən “Mançester Siti”yə keçidini şərh edib. Komanda.az xarici KİV-ə istinadən xəbər verir ki, o, Paris klubunun böyük səhv etdiyini bildirib:“PSJ böyük səhv etdi və Donnarummaya hörmətsizlik etdi. O, dünyanın iki və ya üç ən yaxşı qapıçıları arasındadır və “qızıl top”a ilk on namizəd arasında yer alacaq. Bunu izah edə bilmərəm, çünki bu, izaholunmaz seçimdir. Bu, axmaqlıqdır”. İtaliyalı qolkiper 2021-ci ildən PSJ-də çıxış edirdi. O, Fransa klubunda 161 matç keçirib və bunlardan 56-sında qapısını toxunulmaz saxlaya bilib. source

Məşhur britaniyalı model və müğənni Dua Lipa gözlənilmədən futbol trendinə çevrilən adi foto çəkdirib. Komanda.az xarici KİV-ə istinadən xəbər verir ki, futbolsevərlər xüsusi fotomontaj proqramlarından, eləcə də süni intellektdən istifadə edərək, müğənniyə sevimli klublarının formasını “geyindirməyə” başlayıblar. Belə ki, Lipa artıq “Valensiya”, “Bayern”, Dortmund “Borussiya”sı, “Arsenal”, “Flamenqo” və bir çox digər komandaların futbol formalarını “sınayıb”. 30 yaşlı müğənni müsahibələrinin birində “Arsenal”a azarkeşlik etdiyini etiraf edib. source

Avropa Liqasının əsas mərhələsinə start verilmək üzrədir. Komanda.az xarici KİV-ə istinadən xəbər verir ki, “Opta” superkompüteri turnirin favoritlərini açıqlayıb. Ən böyük şans İngiltərə təmsilçisi “Aston Villa”ya verilib. Komandanın qələbə ehtimalı 21,6 faizdir. Siyahıda ikinci yerdə “Roma” qərarlaşıb (12,8 faiz). İlk üçlüyü isə Premyer Liqanın digər təmsilçisi “Nottingem Forest” (11,3 faiz) tamamlayır. Avropa Liqasının son qalibi “Tottenhem”dir. Londonlular finalda “Mançester Yunayted”i 1:0 hesabı ilə məğlub etmişdilər. source

Venesuela millisinin baş məşqçisi Fernando Batista vəzifəsindən göndərilib. Komanda.az xəbər verir ki, bu barədə Venesuela Futbol Federasiyası məlumat yayıb. Qərarın komandanın nəticələrinin qənaətbəxş olmaması səbəbindən verildiyi bildirilib. DÇ-2026-nın seçmə mərhələsində 18 xalla 8-ci yeri tutan komanda final mərhələsinə vəsiqə qazana bilməyib. 55 yaşlı argentinalı mütəxəssis 2023-cü ilin martından komandanı çalışdırırdı. Venesuela millisi Batistanın rəhbərliyi altında 28 oyun keçirib, bunlardan 9-da qələbə qazanıb. 8 dəfə heç-heçə oynayan komanda qalan görüşlərdə məğlub olub.  source

“Çelsi”nin sabiq sahibi Roman Abramoviç Avropa İttifaqı (Aİ) ilə sanksiyalar mübarizəsində uğur qazana bilməyib. Komanda.az “Politico” nəşrinə istinadən xəbər verir ki, rusiyalı milyarder 2022-ci ildən etibarən Aİ-nin sanksiya siyahısına daxil edilib. Avropa rəsmiləri Abramoviçin sərvətini Rusiyanın prezidenti Vladimir Putinlə yaxın əlaqələr hesabına topladığını iddia edirlər. Abramoviç isə bu qərarla razılaşmayaraq Avropa İttifaqının Ali Məhkəməsinə müraciət edib. O, aktivlərinin dondurulmasının və Avropaya giriş qadağasının ləğvini, həmçinin, nüfuzuna vurulan ziyana görə kompensasiya tələb edib. Ancaq məhkəmə Abramoviçin iddiasını rədd edərək, tətbiq edilən sanksiyaları “zəruri və yerində” adlandırıb. source...