Azərbaycan Futbolu

Azərbaycanlı FIFA referisi Əliyar Ağayev dünən Konfrans Liqasının pley-off mərhələsində baş tutan “Polissya” (Ukrayna) – “Fiorentina” (İtaliya) oyununu idarə edib. Futbolpress.az xəbər verir ki, matç “bənövşəyilər”in 3:0 hesablı qələbəsiylə başa çatıb. Ağayev görüşdə “Fiorentina”nın futbolçusu Moyze Kinə 44-cü dəqiqədə qırmızı vərəqə verib. Matçda Kindən əlavə daha 3 futbolçu isə sarı vərəqə ilə cəzalanıb. source

UEFA Çempionlar Liqasının pley-off mərhələsində keçiriləcək “Qarabağ” – “Ferensvaroş” (Macarıstan) oyununun biletləri bu gün, saat 14:30-dan etibarən satışa çıxarılacaq. Futbolpress.az xəbər verir ki, Tofiq Bəhramov adına Respublika stadionunda keçiriləcək matçın biletlərinin qiyməti müvafiq olaraq 5, 20, 30, 40, 50, 100 və 150 manat təşkil edir. VVIP C və VVIP D sektorlara bilet alaraq, VIP Lounge üstünlüklərindən yararlanmaq istəyən azarkeşlər üçün biletlərin qiyməti isə 300 manatdır. Biletləri “iTicket.az”-ın satış məntəqələri (iTicket.az-da onlayn satış); “Park Bulvar”dakı “Qarabağ” FK-nın Fan-Şopu və Tofiq Bəhramov adına Respublika stadionunun kassalarından əldə etmək mümkündür. source

Azərbaycan millisinin futbolçusu Cəlal Hüseynovun formasını geyindiyi “Arda” Konfrans Liqasında pley-off mərhələsinin ilk oyununa çıxıb. Futbolpress.az xəbər verir ki, Bolqarıstan təmsilçisi Polşada “Rakuv”un qonağı olub. Matç “Arda”nın məğlubiyyəti ilə başa çatıb – 0:1. Cəlal görüşdə start heyətdə yer alıb və 90+1-də əvəzlənib. Cavab matçı avqustun 28-də Bolqarıstanda olacaq. source

“Qəbələ” bu gün yoxlama oyunu keçirib. Futbolpress.az xəbər verir ki, Kaxaber Sxadadzenin rəhbərlik etdiyi kollektiv MOİK-lə qarşılaşıb. Görüş “Qəbələ”nin qələbəsiylə başa çatıb – 3:0. Qolları İsaak Amoah, Domi Massoumou və Elşad Tağıyev vurub. Qeyd edək ki, “Qəbələ” Misli Premyer Liqasının 1-ci turunda “Karvan”la 1:1 heç-heçə edib. source

“İmişli” heyətini yeni futbolçu ilə gücləndirib. Futbolpress.az xəbər verir ki, bölgə təmsilçisi “Sabah”ın əvəzedici komandasından Xəlil Mürsəllini heyətinə qatıb. Bu barədə klubun mətbuat xidməti məlumat yayıb. Futbolçu ilə 2 illik müqavilə imzalanıb. source

“Neftçi”də iki futbolçu əvəzedici komandaya göndərilib. Futbolpress.az xəbər verir ki, bu barədə klubun mətbuat xidməti məlumat yayıb. Baş məşqçi Samir Abasovun qərarına əsasən, futbolçular – Ramil Şeydayev və Ryonosuke Ohori əsas komandadan kənarlaşdırılıblar. Hər iki futbolçu bundan sonra məşqləri əvəzedici komandada davam etdirəcəklər. source

Premyer Liqanın II turunda “Sumqayıt” ilə oyunun biletləri satışa çıxarılıb. Futbolpress.az xəbər verir ki, biletlərin qiyməti sektorlara uyğun olaraq dəyişir. Qapıarxası və künclərdə yerləşən sektorlar 3 manat, mərkəzi sektorlar 7 manat, VIP biletlər isə 15 manat təşkil edir. Avqustun 22-də keçiriləcək “Qarabağ” – “Sumqayıt” oyununa saat 19:30-da start veriləcək. source

“Qəbələ” bu gün yoxlama oyunu keçirəcək. Futbolpress.az xəbər verir ki, Kaxaber Sxadadzenin rəhbərlik etdiyi kollektiv I Liqa təmsilçisi MOİK-lə qarşılaşacaq. Qəbələ şəhər stadionunun ehtiyat meydançasında keçiriləcək görüşə saat 18:30-da start veriləcək. “Qəbələ” Premyer Liqanın I turunda “Karvan-Yevlax”la heç-heçə edib – 1:1. source

Azərbaycan Premyer Liqasında I tur başa çatıb. Legioner limitinin tətbiq edilmədiyi mövsümdə komandalar ilk matçlarında daha çox legionerlərə şans tanıyıb. U-21 millisi üçün baza rolunu oynayacağı gözlənilən “Şamaxı” isə daha çox əcnəbidən istifadə edən iki komandasından biri kimi I turun diqqətçəkəni oldu. Legionerlərin gəlişi çempionatda rəqabəti artıracaq fikirləri var, ancaq birinci turda meydana çıxan yeni əcnəbilərdə xüsusi istedad, bacarıq, keyfiyyət sezilmədi – 1, 2 oyunçudan başqa. Heyətini demək olar, tamam dəyişən “Neftçi” mövsümə bir xalla başladı. “Kəpəz”ə 3:0 hesabıyla qalib gələn “Sumqayıt”ın legionerləri qismən yaxşı tərəfdən göründü. “Qəbələ”nin gənc əncəbiləri də pis təsir bağışlamadı. Təcrübəsizlik komanda...

2024/25 mövsümünün nəticələrinə görə Azərbaycan Premyer Liqasının sonuncusu olan “Səbail” I Liqaya düşmüşdü. Bundan sonra klubun davam edib-etməyəcəyi müzakirə olunurdu. Son məlumatlara görə, “Səbail”in sponsoru I Liqada iştirak üçün müəyyən məbləğ ayıracaq. Ancaq ötən mövsümə görə klubda yaranan problemlər həll edilmir. “FutbolPress.az”ın əldə etdiyi məlumata görə 3 ayın maaşı ödənilməyib. Məsələnin nə vaxt həll ediləcəyi açıqlanmır, bu səbəbdən qapıçı Əlirza Müştəbəzadə, Nihat Quliyev və bir neçə futbolçu AFFA-ya klubdan şikayət edib. Kamil Əhməd source