Azərbaycan Futbolu

“Səbail”in sabiq futbolçusu Pedro Nunonun yeni ünvanı məlum olub. Futbolpress.az xəbər verir ki, yarımmüdafiəçi Rumıniya təmsilçisi “Otelul”a keçib. Bu barədə klubun mətbuat xidməti məlumat yayıb. Portuqaliyalı oyunçu ilə anlaşmanın detalları açıqlanmayıb. Nuno 2023/24 mövsümündə “Səbail”in formasını geyinib. O, 2024-cü ilin yayında azad agent kimi Polşanın “Korona” klubuna keçmişdi. source

Azərbaycan Premyer Liqasında II tur başlayıb. Son çempion “Qarabağ” azarkeşləri önündə “Sumqayıt”a minimal hesabla məğlub olub, “Neftçi” isə “İmişli” ilə qolsuz heç-heçə edib. Azərbaycan millisinin sabiq məşqçisi Arif Əsədov “Futbolpress.az“a açıqlamasında oyunları dəyərləndirdi: İki oyunda da gözlənilməz nəticələr oldu. “Qarabağ” və “Neftçi” iddialı klublardır və hamı qələbə gözləyirdi. Çempionatın əvvəli bu hallar təəccübləndirməməlidir. 3-4 tur belə nəticələr ola bilər. “Qarabağ”ın əsas diqqəti Çempionlar Liqasındakı “Ferentsvaroş”la oyundadır. Buna baxmayaraq, “Sumqayıt”ın da əzmkarlığını, istəyini qeyd etmək lazımdır, haqlarını yemək olmaz”. “Neftçi”də hiss olunur ki, komandanın oyunu hələ oturmayıb. Üstəlik meydança amili, rəqibin istəkli olması nəticəyə təsir etdi. “Neftçi” qızıl xa...

AFFA rəsmiləri “Qarabağ”ın qonağı olublar. Futbolpress.az xəbər verir ki, assosiasiyanın baş katibi Cahangir Fərəcullayev, müavinləri Kamran Vəliyev və Elçin Məmmədov bazamızı ziyarət ediblər. “Qarabağ”ın baş direktoru, İdarə Heyətinin üzvü Emrah Çelikel, İdarə Heyətinin üzvləri Asif Əsgərov və Rafiq Şahverdiyev qonaqlarla görüşüblər. Emrah Çelikel qonaqlara xatirə hədiyyəsi olaraq komandanın formalarını təqdim edib. source

“Qarabağ”dan ayrılan Marko Veşoviçin yeni ünvanı məlum olub. Futbolpress.az xəbər verir ki, cinah müdafiəçisi “Lokomotiv”ə keçib. Bu barədə Xorvatiya klubunun mətbuat xidməti məlumat yayıb. Veşoviçlə razılaşmanın detalları açıqlanmayıb. Veşoviç 2021-2025-ci illərdə “Qarabağ”ın formasını geyinib. source

Azərbaycan yığmasının hücumçusu Mahir Emrelinin formasını geyindiyi “Kayzerslautern” Almaniya II Bundesliqasında növbəti oyuna çıxıb. Futbolpress.az xəbər verir ki, sözügedən komanda səfərdə “Elversberq”lə qarşılaşıb. Matç “Kayzerslautern”in məğlubiyyəti ilə başa çatıb – 1:2. Oyuna start heyətdə başlayan Mahir 72-ci dəqiqədə əvəzlənib. “Kayzerslautern” 3 turdan sonra 3 xalla 13-cü sıradadır. source

Azərbaycan Premyer Liqasının II turunun “İmişli” – “Neftçi” oyunundan (0:0) sonra meydan sahibi komandanın baş məşqçisi Jorj Kaskilya jurnalistlərin suallarını cavablandırıb. Futbolpress.az xəbər verir ki, mütəxəssis əvvəlcə görüşlə bağlı fikirlərini bildirib… – Gözlədiyimiz kimi çox çətin oyun oldu. “Neftçi” çempionluğa oynayan komandadır. Biz son oyundan dərsimizi almışdıq. Səhvlərimizdən nəticə çıxarıb, yaxşı məşq edib bu matça çıxmışdıq. Bilirdik ki, “Neftçi” meydana qələbə üçün çıxacaq. Biz istəyimizə çatdıq və xalımızı aldıq. – Çexiya III Liqasında çalışmısız. Həmin çempionatla Azərbaycan Premyer Liqasını müqayisə edə bilərsiz?– Müqayisə etmək mümkün deyil. Azərbaycan Premyer Liqası təbii ki, Çexiyanın III Liqasından üstündür. – Bura gələndən sonra həmyerliniz Fernandu Santuşla görüş...

17 yaşadək qadın futbolçulardan ibarət Azərbaycan milli komandasının Avropa çempionatının seçmə mərhələsində keçirəcəyi oyunlarının tarixi müəyyənləşib. Futbolpress.az xəbər verir ki, B Liqasının 1-ci qrupunda yer alan millimiz oktyabrın 24-də Uels, 27-də Kosovo, 30-da isə Moldova yığması ilə qarşılaşacaq. Matçlar Moldovada təşkil olunacaq. Oyunların başlanma saatı və stadionu ilə bağlı daha sonra məlumat veriləcək. source

Azərbaycan milli komandasının dünya çempionatının seçmə mərhələsində Ukrayna yığması ilə keçirəcəyi səfər oyununun yeri dəyişdirilib. Futbolpress.az xəbər verir ki, UEFA D qrupunun IV turu çərçivəsində oktyabrın 13-də baş tutacaq görüşü Krakov şəhərinin “Krakoviya” stadionuna təyin edib. Qarşılaşma Bakı vaxtı ilə saat 22:45-də başlanacaq. Qeyd edək ki, daha əvvəl oyunun Vrotslav şəhərindəki “Tarçinski Arena”da keçirilməsi planlaşdırılırdı. source

“Fiorentina”nın baş məşqçisi Stefano Pioli UEFA Konfrans Liqasının pley-off mərhələsində “Polissya” üzərində 3:0 hesablı qələbədən sonra Moize Kinin meydandan qovulmasına münasibət bildirib. Futbolpress.az xəbər verir ki, Pioli italiyalı hücumçunun qırmızı vərəqəyə layiq olduğunu qəbul etsə də, epizodda rəqib futbolçunun da cəzalanmalı olduğunu vurğulayıb: “Moize səhv etdi və onun reaksiyası qırmızı vərəqəyə layiq idi. Amma saçdan dartılma da cəzasız qalmamalı idi. Onu başa düşürəm və təəssüflənirəm. Ümid edirəm ki, Kin bu hadisədən dərs çıxaracaq”. Dünən baş tutan oyunu azərbaycanlı hakim Əliyar Ağayev idarə edib. Matç “Fiorentina”nın qələbəsiylə başa çatıb – 3:0. source

FİFA referisi Əli Cəbrayılov növbəti beynəlxalq təyinat alıb. Futbolpress.az xəbər verir ki, azərbaycanlı futzal hakimi UEFA Çempionlar Liqasının ilkin mərhələsinin E qrupunda keçiriləcək oyunlarda ədaləti qoruyacaq. Qarşılaşmalar Bolqarıstanda təşkil olunacaq. Cəbrayılov avqustun 27-də baş tutacaq iki görüşdə — Bolqarıstan təmsilçisi “Viten Orşa” ilə Cəbəllütariqin “Europa” klubları arasındakı oyunda 3-cü, Almaniyanın “Veilimdorf” – “Levski” (Bolqarıstan) matçında isə 2-ci hakim olacaq. Həmyerlimiz ertəsi gün baş tutacaq “Veilimdorf” – “Viten Orşa” görüşünə isə baş hakim təyin olunub. Qrupun son turunun oyunlarına təyinatlar isə hələ ki açıqlanmayıb. source