Azərbaycan Futbolu

I Liqada mübarizə aparacaq “Baku Sporting” yeni mövsümün heyəti ilə bağlı çalışmalarını davam etdirir. Futbolpress.az xəbər verir ki, Buzovna təmsilçisi yarımmüdafiəçi Elvin Vəliyevlə müqaviləni uzadıb. Bu barədə klubun mətbuat xidməti məlumat yayıb. Yarımmüdafiəçi ilə 1 illik sözləşmə imzalanıb. source

“Qarabağ”ın prezidenti Tahir Gözel “Qarabağ”ın 2025-2026-cı illər mövsümündəki ilk ev oyunu ərəfəsində klubun saytına açıqlama verib. Futbolpress.az xəbər verir ki, o, Çempionlar Liqasının II təsnifat mərhələsinin “Şelburn”la İrlandiyadakı ilk matçı haqda, Bakıda keçiriləcək cavab görüşündən gözləntiləri və transfer planları barədə fikirlərini bölüşüb: “Komandamız yeni mövsümə Çempionlar Liqasının oyunu ilə başladı. Ardıcıl 4-cü, tarixində 11-ci dəfə qitənin ən nüfuzlu klub turnirinə qatılan “Qarabağ” ötən il olduğu kimi, mübarizəyə II təsnifat mərhələsindən start verdi. İlk matçımızda İrlandiyada “Şelburn”la qarşılaşdıq. Ağır oyun oldu, çətin anlar da yaşadıq. Sevinirəm ki, sonda 3:0 hesablı qələbə qazandıq. Lakin bu nəticə arxayınlaşmağa əsas vermir. Rəqib İrlandiya çempionudur. Ümumiyyə...

Yay təlim-məşq toplanışını Bakıda planlaşdıran “İmişli”nin hazırlıq planında dəyişiklik baş verib. Futbolpress.az xəbər verir ki, komanda 28 iyul tarixində Qəbələ şəhərinə yola düşüb və 3 avqusta qədər orada məskunlaşmağı planlaşdırır. “Karvan” və “Qəbələ” ilə yoldaşlıq oyunları Qəbələ şəhər stadionunda keçiriləcək. source

“Sumqayıt”dan ayrılan Giorgi Karaişvilinin yeni klubu məlum olub. Futbolpress.az xəbər verir ki, gürcüstanlı müdafiəçi ölkəsinin “Dinamo” komandasına keçib. Bu barədə Gürcüstan mətbuatı məlumat yayıb.Yarımmüdafiəçi ilə 2 illik müqavilə imzalanacaq. Karaişvili ötən ilin sentyabrından “Sumqayıt”da çıxış edirdi. O, Premyer Liqada 21 oyunda 1 qol vurub. source

“Sumqayıt” heyətini yeni futbolçu ilə gücləndirib. Futbolpress.az xəbər verir ki, “kimyaçılar” “Qarabağ”dan ayrılan Rüstəm Əhmədzadəni transfer edib. Hücumçu ilə razılaşmanın detalları açıqlanmayıb. Rüstəm son mövsümü icarə əsasında “Zirə”də keçirib. source

“Neftçi”dən ayrılan İsmayıl Zülfüqarlı hələ qərarını verməyib. Cinah oyunçusu “Futbolpress.az“a açıqlamasında təkliflərinin olduğunu və yaxın günlərdə qərarını verəcəyini söylədi: “Premyer Liqa, I Liqa və ölkə xaricindən bəzi təkliflərim var. Hələ dəqiqləşən nəsə yoxdur. Yaxın günlərdə qərarımı verəcəm”. Son iki mövsümü icarə əsasında “Turan Tovuz”da keçirən Zülfüqarlı “Neftçi”nin yetirməsidir. O, 2019-cu ildən əsas komandada çıxış edirdi. Cinah oyunçusu 2019-2024-cü ilin yanvarına kimi “ağ-qaralar”ın formasını geyinib, daha sonra “Turan Tovuz”da icarədə olub. 24 yaşlı oyunçu Premyer Liqada 100 oyunda 3 qol vurub, 7 məhsuldar ötürmə edib. Şahin Cəfərov source

“Turan Tovuz” Türkiyə təlim-məşq toplanışı çərçivəsində ikinci yoxlama oyununu keçirəcək. Futbolpress.az xəbər verir ki, Türkiyə 1-ci liqa təmsilçisi “Keçiörengücü” ilə qarşılaşmaya 29 iyul tarixində Bakı vaxtı ilə saat 18:00-da start veriləcək. “Turan Tovuz” Türkiyə toplanışında ilk matçda “Çorum”la heç-heçə edib – 1:1. source

UEFA Çempionlar Liqasının II təsnifat mərhələsinin cavab oyunları çərçivəsində keçiriləcək “Qarabağ” – “Şelburn” (İrlandiya) matçından öncə təşkil ediləcək mətbuat konfransları və media nümayəndələri üçün açıq məşqlərin vaxtları məlum olub. Futbolpress.az xəbər verir ki, komandanın baş məşqçisi Qurban Qurbanovun iştirakı ilə keçiriləcək mətbuat konfransı iyulun 29-da saat 17:30-da “Azersun Arena”da baş tutacaq. Saat 18:00-də isə eyni arenada media nümayəndələri üçün açıq məşq (ilk 15 dəqiqə) keçiriləcək. Qonaq komandanın baş məşqçisi Coy O’Brayenin Tofiq Bəhramov adına Respublika stadionunda təşkil olunacaq mətbuat konfransı saat 18:45-də start götürəcək. İrlandiya təmsilçisinin ilk 15 dəqiqəsi açıq olacaq məşqi 19:00-da başlayacaq. Qeyd edək ki, iyulun 30-da Tofiq Bəhramov adına Respublik...

“Sumqayıt” yoxlama oyununda “Qəbələ”yə uduzub – 0:1. Futbolpress.az xəbər verir ki, “kimyaçılar”ın baş məşqçisi Saşa İliç klubun mətbuat xidmətinə açıqlamasında oyunu şərh edib: “Hazırlığın ikinci mərhələsi çərçivəsində ilk yoxlama matçımız idi. Oyunumuzda bəzi uğurlu və uğursuz elementlər gördük. Aydın məsələdir ki, fiziki yükləmələr fonunda bəzi səhvlər olur. Bu oyunda da adi vəziyyətlərdə səhvlər etdik və yekunda məğlub olduq. Amma bu, normaldır və düşünürəm ki, günbəgün daha yaxşı olacağıq. Qarşıdakı günlərdə bir neçə keyfiyyətli oyunçunun bizə qoşulması ilə daha güclü komandamız olacaq”. source