Azərbaycan Futbolu

Prezident İlham Əliyev “Qarabağ” futbol klubuna maliyyə dəstəyi göstərilməsi haqqında Sərəncam imzalayıb. Futbolpress.az xəbər verir ki, Sərəncama əsasən, UEFA Çempionlar Liqasının liqa mərhələsinə vəsiqə qazanması ilə əlaqədar Azərbaycan Respublikasının 2025-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan “Qarabağ” futbol klubuna 5,0 (beş) milyon manat ayrılıb. Maliyyə Nazirliyinə göstərilən məbləğdə maliyyələşməni təmin etmək, Nazirlər Kabinetinə bu Sərəncamdan irəli gələn məsələləri həll etmək tapşırılıb.   source

“Sumqayıt”ın futbolçusu Masaki Muratanın “Futbolpress.az“a müsahibəsi: – 2 oyun, 2 qələbə. Nəticələri necə şərh edərdin?– Startımız yaxşı alınıb. Ancaq hələ başlanğıcdır. Üzərimizdə işləməli, inkişaf etdirməli olduğumuz çox şey var. – Hər iki matçda sonradan oyuna daxil olmusunuz. Hələ tam hazır deyilsiniz?– Bu mövsüm əvvəlki klubumda üç oyuna çıxmışam. Fiziki cəhətdən hər şey qaydasındadır. Lakin komandaya yeni qoşulduğum üçün taktiki gedişləri, oyunçuları başa düşməliyəm. – 2024-cü ilin yayında klubdan ayrılığınız birmənalı qarşılanmamışdı. Komandanın aparıcı üzvü idiniz… – Müqaviləm bitmişdi və klubdan gözlədiyim təklifi almadım. Həm də daha yaxşı bir yerdən təklif gəlmişdi. Futbolçu kimi əsas istəyim yaxşı yerlərdə oynamaqdır. – Qayıdışınız nə ilə bağlı oldu? Danimarkada – “Veyle”də iş...

Futzal üzrə UEFA Çempionlar Liqasında çıxış edən “Araz-Naxçıvan” arxada qalan 2 oyunda maksimum xal toplayaraq turnir cədvəlinə başçılıq edir. Futbolpress.az xəbər verir ki, təmsilçimiz sabah Avstriya çempionu “Ljuti Krajişnici” klubu ilə gücünü sınayacaq. Bu görüşdə “qırmızı-ağlar”ı heç-heçə də qane edir. “Araz-Naxçıvan”ın heyətində ilk dəfə bu cür turnirdə çıxış edən Ədalət Ələkbərov fikirlərini bölüşüb: “Rəqibin kimliyindən asılı olmayaraq oyunlara ciddi hazırlaşır, məsuliyyətlə yanaşırıq. Çünki bura gələndə qarşımıza konkret tapşırıq qoyulub. “Araz-Naxçıvan” növbəti mərhələyə yüksəlməlidir. Bunun üçün də yaxşı hazırlıq keçmişik. Artıq iki oyunda maksimum xal toplamışıq. Hər iki görüş məhsuldar olub”. Gənc futzalçı debüt etdiyi Çempionlar Liqasının ab-havasından da danışıb: “Komandanın ...

“Qarabağ” Çempionlar Liqasının Liqa mərhələsində İngiltərənin “Çelsi”, “Liverpul”, İtaliyanın “Napoli”, Almaniyanın “Ayntraxt” (Frankfurt), Niderlandın “Ayaks”, İspaniyanın “Atletik”, Portuqaliyanın “Benfika” və Danimarkanın “Kopenhagen” komandaları ilə qarşılaşacaq. Klublararası Dünya Çempionatının qalibi “Çelsi” və Premyer Liqanın son qızıl medalçısı “Liverpul”la oyunlarda Azərbaycan təmsilçisinin şansları minimumdur. İngilislərin oynadığı futbol, komandaların fiziki durumu və heyətlərinin keyfiyyəti təmsilçimizdən qat-qat üstündür. Hər iki kollektivin “transfermarkt”da dəyəri milyarddan çoxdur. “Qarabağ”da isə 20 milyondan… Azə...

“Sabah” heyətini yeni futbolçu ilə gücləndirib. Futbolpress.az xəbər verir ki, bu barədə klubun mətbuat xidməti məlumat yayıb. Serbiyalı hücumameyilli yarımmüdafiəçi Velko Simiçin keçidi ilə bağlı Türkiyənin “Sivasspor” klubu ilə razılıq əldə edilib. Anlaşmaya əsasən, futbolçu 1 il icarə əsasında komandanın uğurları üçün çalışacaq. Simiç karyerası ərzində “Sivasspor”la yanaşı, Serbiyanın “Srvena Zvezda” (2012-2013, 2018-2021), “Zemun” (2018), “Voyvodina” (2021-2023), İsveçrənin “Bazel” (2013-2017), “Şaffhauzen” (2016), “Kyasso” (2016-2017), “Vintertur” (2017), Sloveniyanın “Domjale” (2014-2015) və Kiprin “Omoniya” (2023-2025) klublarında çıxış edib. Velko Serbiyanın müxtəlif yaş qruplarından ibarət yığmalarının və əsas millinin üzvü olub. O, “Sabah”da 21 nömrəli formada çıxış edəcək. sourc...

“Qarabağ”ın baş məşqçisi Qurban Qurbanov UEFA Çempionlar Liqasının Liqa mərhələsinin püşkatması barədə fikirlərini bildirib. Futbolpress.az xəbər verir ki, klubun saytına açıqlama verən təcrübəli mütəxəssis öncə azarkeşlərə təşəkkür edib: “Öncə öz azarkeşlərimizə bir daha təşəkkür etmək istəyirəm. “Ferentsvaroş”la pley-offun cavab oyunu zamanı stadionda etdikləri azarkeşlik, göstərdikləri dəstək, yaratdıqları atmosferə görə hər birinə təşəkkür edirəm. Bizim azarkeşlər Çempionlar Liqasının Liqa mərhələsini görməyi haqq edirdilər. Onlar üçün çox sevinirəm ki, bu mövsüm Çempionlar Liqasının minimum 4 görüşünü Bakıda canlı izləyəcəklər. Dörd səfər qarşılaşmasına isə ən azı televiziya ilə baxmaq şansları olacaq”. Qurban Qurbanov Liqa mərhələsindəki rəqiblər haqda da fikirlərini açıqlayıb: “Qarş...

“Liverpul”un baş məşqçisi Arne Slot UEFA Çempionlar Liqasının Liqa mərhələsindəki rəqiblərini dəyərləndirib. Futbolpress.az xəbər verir ki, niderlandlı mütəxəssis klubun rəsmi saytına açıqlamasında çətin rəqiblərlə qarşılaşacaqlarını bildirib: “Ötən il olduğu kimi, bu mövsüm də güclü rəqiblərlə oynayacağıq. Ümumiyyətlə, Çempionlar Liqasının yeni formatında asan püşk olmur. Niderlandda PSV-yə qarşı çıxış etmək xoş olacaq. Eyni sözləri Türkiyənin “Qalatasaray” və Azərbaycanın “Qarabağ” klubları üçün də deyə bilərəm. Hər üç komanda öz ölkəsinin çempionudur. Yenə də qeyd etmək istəyirəm ki, bütün görüşlər çətin keçəcək”. Qeyd edək ki, “Liverpul” Liqa mərhələsində “Real” (İspaniya), “İnter” (İtaliya), “Atletiko” (İspaniya), “Ayntraxt” (Almaniya), PSV (Niderland), “Marsel” (Fransa), “Qarabağ” (A...

“Turan Tovuz”un futbolçusu Emmanuel Hakman DÇ-2026-nın seçmə mərhələsi üçün Toqo yığmasına çağırılıb. Futbolpress.az klubun mətbuat xidmətinə istinadən xəbər verir ki, 30 yaşlı müdafiəçi milli komandanın qarşıdakı iki oyununda iştirak edəcək. Toqo yığması sentyabrın 5-də Mavritaniya, sentyabrın 9-da isə Sudan millisi ilə üz-üzə gələcək. source

“Qarabağ” tarixində ikinci dəfə Çempionlar Liqasının əsas mərhələsinə vəsiqə qazanıb. Pley-off mərhələsinin cavab oyununda Bakıda “Ferentsvaroş”a uduzmasına baxmayaraq, ilk oyunda qələbə qazanan və ümumi hesabda üstün olan “atlılar” adını UEFA-nın bir nömrəli turnirinin əsas mərhələsinə yazdırıb. Macarıstanda qazanılan 3:1 hesablı qələbə üstünlük versə də, cavab oyununun gərgin keçəcəyi, “Ferentsvaroş”un erkən qol axtarışında olacağı əvvəldən məlum idi. Tofiq Bəhramov adına Respublika stadionunu dolduran fanatlar möhtəşəm atmosfer yaratmış, möhtəşəm dəstək nümayiş etdirirdi. Oyunun əvvəlində həyəcanlı görünən və əvvəlki matçlardakı “Qarabağ”a bənzəməyən təmsilçimiz erkən qol buraxdı. Qoldan sonra komandada gərginlik kifayət qədər hiss edilirdi. Tələskənlik, fərdi səhvlər narahatlıq doğurma...

“Qarabağ”ın futbolçusu Kadi Borges Çempionlar Liqasının təsnifat mərhələsində ən çox qayda pozan oyunçular arasında yer alıb. Futbolpress.az xəbər verir ki, yarımmüdafiəçi 6 görüşdə 12 dəfə qayda pozub. O, bunların 1-də sarı vərəqə ilə cəzalanıb. Kadi intizamsız futbolçuların siyahısında 3-cü sırada yer alıb. Azərbaycan çempionunun müdafiəçisi Kevin Medina isə cərimə meydançasında ən çox top uzaqlaşdıran futbolçular arasında 4-cüdür. O, 5 oyunda 13 dəfə təhlükəni sovuşdurub. “Qarabağ” Çempionlar Liqasında Liqa mərhələsinə vəsiqə qazanıb. Püşk bu gün saat 20:00-da atılacaq. Təmsilçimiz 4-cü səbətdə yer alacaq. source