Azərbaycan Futbolu

2025/2026-cı il mövsümü üçün hazırlığını davam etdirən “Səbail” PFK ilk əcnəbi transferini reallaşdırıb. Futbolpress.az xəbər verir ki, son olaraq Braziliyanın “Patriatos” klubunda çıxış etmiş 23 yaşlı dayaq yarımmüdafiəçisi Afonso Almeida Duarte paytaxt klubuna keçib. Tərəflər 1+1 illik müqaviləyə imza atıblar. “Səbail” yeni mövsümdə I liqada mübarizə aparacaq. source

“Xankəndi” Region Liqasında komandanı çempionluğa daşıyan türkiyəli mütəxəssis İbrahim Uzunca ilə əməkdaşlığını davam etdirəcək. Futbolpress.az xəbər verir ki, 63 yaşlı, UEFA PRO kateqoriyasına sahib təcrübəli çalışdırıcı ilə bir illik müqavilə imzalanıb. İbrahim Uzunca TFF 1-ci Liqasında çalışmış və həm Türkiyə, həm də Azərbaycan futbolunda dərin iz qoymuş mütəxəssislərdəndir. Uzuncanın karyerası ərzində Azərbaycanda “Lokomotiv Biləcəri”, “Bakı”, “Şahdağ Quba”, “Xan Lənkəran” və “Dinamo” Bakı klublarında baş məşqçi kimi fəaliyyəti olub. Türkiyədə isə “Adana Demirspor”, “Kayseri Erciyesspor”, “Pozantı Genclik”, “Kadirli Demir”, BÇ “Mimaroba” (“Küçükçekmece” SK) və “Osmaniyespor” klublarını çalışdırıb.   source...

Azərbaycan Premyer Liqasının 3 turu artıq arxada qalıb, çempionatda iddialı olacağı gözlənilən “Neftçi” isə hələ də ilk qələbəsini qazanmayıb. Mövsümlərarası transfer pəncərəsində göstərdiyi müstəsna aktivliyinə baxmayaraq, Samir Abbasovun yetirmələri hələ də qol vurmaqda çətinlik çəkirlər. Bu da uzun illər Azərbaycan futbolunun flaqmanı rolunu oynamış klubun azarkeşlərini narahat edir. Bəs bu uğursuzluqların səbəbi nədir? Mövzuyla bağlı “Futbolpress.az”a açıqlamasında “Neftçi”nin sabiq baş məşqçisi Ağasəlim Mircavadov komandanın uğurlu çıxış etməyinə mane olan bir neçə faktorun olduğunu dedi: “Bilirsiniz, komandanın uğurlu olmağı üçün öz oyunu olmalıdır, transfer edəndə də o oyuna uyğun gələn oyunçuları gətirməlisən. Amma şəxsən mən “Neftçi”də bunu görmürəm. Bu da səbəblərdən biri ola bil...

“Qarabağ”ın UEFA Çempionlar Liqasının Liqa mərhələsindəki rəqibi “Benfika” heyətinə yeni futbolçu cəlb edib. Futbolpress.az xəbər verir ki, Portuqaliya nəhəngi Belçika millisinin üzvü Dodi Lukebakionu transfer edib. 27 yaşlı hücumçu “Sevilya”dan 20 milyon avro qarşılığında alınıb və onunla 2030-cu ilin yayına qədər müqavilə imzalanıb. “Benfika” futbolçunun sərbəstqalma qiymətini 50 milyon avro olaraq müəyyənləşdirib. Xatırladaq ki, “Qarabağ” Çempionlar Liqasının Liqa mərhələsinin I turunda səfərdə “Benfika” ilə qarşılaşacaq. Görüş sentyabrın 16-da baş tutacaq. source

DÇ-2026-nın seçmə mərhələsində önəmli qarşılaşmaya hazırlaşan Azərbaycan millisinin futbolçuları bu gün səhər Reykyavikə yola düşüblər. Futbolpress.az xəbər verir ki, komanda saat 10:30-da xüsusi çarter reysi ilə Bakını tərk edib. Baş məşqçi Fernandu Santuş görüşdən bir gün əvvəl – sentyabrın 4-də Reykyavikdə jurnalistlərin qarşısına çıxaraq, matçla bağlı son fikirlərini bölüşəcək. Xatırladaq ki, İslandiya – Azərbaycan oyunu sentyabrın 5-də, Bakı vaxtı ilə 22:45-də başlayacaq source

UEFA Gənclər Liqasının 2025/26 mövsümünün püşkü atılıb. Futbolpress.az xəbər verir ki, son Azərbaycan çempionu “Sabah” liqada mübarizəyə ikinci təsnifat mərhələsindən başlayacaq. “Bayquşlar” bu mərhələdə Fransanın “Nant” klubu ilə qarşılaşacaq. “Sabah” ilk matçını səfərdə keçirəcək. Bu mərhələnin ilk oyunlarının oktyabrın 22-də, cavab görüşlərinin isə noyabrın 5-də keçirilməsi nəzərdə tutulub. “Nant” – “Sabah” cütünün qalibi üçüncü təsnifat mərhələsində “Austria” (Vyana, Avstriya) – “Makkabi” (Hayfa, İsrail) cütünün qalibi ilə qarşılaşacaq. source

Beynəlxalq dərəcəli hakim-inspektor Asim Xudiyev UEFA-dan növbəti təyinat alıb. Futbolpress.az xəbər verir ki, o, 21 yaşadək futbolçular arasında Avropa çempionatının seçmə mərhələsi çərçivəsində keçiriləcək Belarus – Avstriya görüşünün hakim-inspektoru olacaq. Oyun sentyabrın 8-də Gürcüstanın Qori şəhərində yerləşən Tengiz Burcanadze adına stadionda baş tutacaq. source

“İmişli” klubunun rəhbərliyi və futbolçuları azarkeşlərlə görüşmək üçün İmişliyə səfər edəcək. Futbolpress.az xəbər verir ki, yığıncaqda rəhbərlik və oyunçular tərəfdarlara maraqlı olan suallara cavab verəcəklər. Sentyabrın 3-dəki görüş Heydər Əliyev Mərkəzində baş tutacaq. Qeyd edək ki, “İmişli” klubu İmişli şəhər stadionunda davam edən təmir işləri ilə əlaqədər cari mövsüm Misli Premyer Liqasının ilk iki turunda rəqiblərini Şamaxıda qəbul edib. source

Azərbaycan millisinin DÇ-2026-nın seçmə mərhələsində İslandiya və Ukrayna ilə oyuna hazırlığı davam edir. Futbolpress.az xəbər verir ki, yığma bu gün “Dalğa Arena”da məşq keçib. Hazırlıq prosesiniAFFA-nın baş katibi Cahangir Fərəcullayev, icraçı vitse-prezident Sərxan Hacıyev izləyib. Milli sabah İslandiyaya yola düşəcək. Fernandu Santuşun rəhbərlik etdiyi kollektiv Reykavikdə sentyabrın 5-də İslandiya ilə qarşılaşacaq. 9-da isə Bakıda Ukraynanı qəbul edəcək. source

Bu gün minifutbol üzrə Çempionlar Liqasının püşkatma mərasimi keçirilib. Futbolpress.az xəbər verir ki, Azərbaycan təmsilçiləri – “Birbaşa Bakı”, “Zirə” və “AzNur”un qrupları müəyyənləşib. “Birbaşa Bakı” – “Red Star Belqrad” (Serbiya), “Portu” (Portuqaliya), “Rımniku Vılça” (Rumıniya) “Zirə” – “Red Meat Afula” (İsrail), “MF 22 Jakmart Humenne” (Slovakiya), “Budapeşt” (Macarıstan) “AzNur” – “Almatı” (Qazaxıstan), “Oviedo” (İspaniya), “Hoverla Zak Praqa” (Çexiya) Qeyd edək ki, turnir sentyabrda Bolqarıstanın paytaxtı Sofiyada keçiriləcək. source