Azərbaycan Futbolu

Transfer çalışmalarını davam etdirən “Lənkəran” daha bir basketbolçi ilə güclənib. Futbolpress.az xəbər verir ki, bölgə təmsilçisi yerli oyunçu Ehsan Şabanini heyətinə qatıb. 200 sm boya malik olan basketbolçu ilə mövsümün sonuna kimi müqavilə imzalanıb. 22 yaşlı Ehsanın son klubu “Naxçıvan” olub. O, eyni zamanda “Gəncə” və “Sumqayıt” klublarının da şərəfini qoruyub. source

“Neftçi”nin oyunçusu İqor Ribeyro barəsində AFFA İntizam Komitəsinin qəbul etdiyi qərardan verilən apellyasiya şikayətinə baxılıb. Futbolpress.az xəbər verir ki, bu barədə AFFA-nın mətbuat xidməti məlumat yayıb. Apellyasiya Arbitraj Tribunalında şikayətə baxılıb və aşağıdakı qərar qəbul edilib: 1. “Neftçi” PFK tərəfindən verilən apellyasiya şikayəti təmin edilməsin.2. 29.08.2025-ci il tarixdə Misli Premyer Liqasının III turunun “Neftçi” – “Turan Tovuz” oyununun 55-ci dəqiqəsində “Neftçi” futbol klubunun heyətində çıxış edən 5 nömrəli oyunçu İqor Ribeyronun təcavüzkar davranışa (rəqibi vurduğuna) görə birbaşa qırmızı vərəqə aldığı üçün 3 oyun cəzalandırılması, “Neftçi” PFK-nın 3000 manat cərimə edilməsi (maddə 45.1) barədə AFFA İntizam Komitəsinin 03.09.2025-ci il tarixli qərarı qüvvədə sax...

Şəmkir Rayon İcra Hakimiyyətinin başçısı Rəşad Tağıyev “Şəmkir” futbol klubunun rəhbərliyini və komandanın baş məşqçisi Vüqar Nadirovu qəbul edib. Futbolpress.az xəbər verir ki, səmimi görüşə görə təşəkkürlərini bildirən “Şəmkir” FK-nın idarə heyətinin üzvləri əvvəlcə məqsədləri haqqında ətraflı məlumat verib, komandanın gücləndirilməsi yönündə görülən işlərdən danışıblar. Bu istiqamətdə durmadan çalışdıqlarını, komandaya maliyyə dəstəyi üçün müəyyən çevrədə biznes adamları ilə görüşdüklərini bildiriblər. “Şəmkir”in yenidən əvvəlki qüdrətini geri qaytarmaq üçün atılan addımların rayon futbolu adına müsbət məqam kimi dəyərləndirən icra başçısı, II Liqanın ilk turlarında qazanılan qələbə münasibətilə komandanı təbrik edib, bu uğurların klubun özünü təsdiq etməsi ilə yanaşı, rayonun futbol ən...

Azərbaycan Prezidenti İlham Əliyev Çempionlar Liqasında “Benfika”nı məğlub edən “Qarabağ”la bağlı paylaşım edib. Futbolpress.az xəbər verir ki, ölkə rəhbəri sosial şəbəkə hesabında bunları yazıb: “Qitənin ən nüfuzlu klub turnirində – Çempionlar Liqasının əsas mərhələsində ilk qələbəsini qazanması münasibətilə Ağdamın “Qarabağ” futbol klubunu ürəkdən təbrik edirəm. Bu, Azərbaycan futbolunun, Azərbaycan idmanının tarixi zəfəridir. “Qarabağ”ın Avropanın köklü klublarından biri olan “Benfika” ilə səfər matçında oyunun gedişində möhtəşəm geridönüş edərək parlaq qələbə çalması onun məğlubedilməz ruhunu, mübarizə əzmini göstərir. Bu qələbə ilə doğma komandamız Azərbaycan xalqına böyük sevinc bəxş etmişdir. Hər bir azərbaycanlı Avropada xariqələr yaradan “Qarabağ”la qürur duyur. Komandamıza Çempio...

Çempionlar Liqasının Liqa mərhələsinin I turunda “Benfika”ya qalib gələn “Qarabağ” bu qələbəni Azərbaycan Prezidenti İlham Əliyevə həsr edib. Futbolpress.az xəbər verir ki, bunu klubun saytına açıqlamasında “atlılar”ın prezidenti Tahir Gözel açıqlayıb. O bildirib ki, Azərbaycan futbolu tarixinə Çempionlar Liqasının əsas mərhələsində əldə olunan ilk qələbə kimi düşən bu oyun ölkə başçısına həsr edilir: “Bu qələbəni Qarabağın fatehi, tarixi şəxsiyyət, xalqın böyük və dahi rəhbəri, Ali Baş Komandan cənab İlham Əliyevə həsr edirik”. Qeyd edək ki, “Qarabağ” Portuqaliyadakı qarşılaşmada 0:2 hesabı ilə geri düşsə də, üç qol vuraraq əzmkar qələbə qazanıb – 3:2. Bu, Azərbaycan klublarının Çempionlar Liqasının əsas mərhələlərində ilk qələbəsi olub. source...

“Benfika”nın baş məşqçisi Bruno Lage Çempionlar Liqasında “Qarabağ”a uduzduqları oyundan sonra fikirlərini bölüşüb. Futbolpress.az xəbər verir ki, mütəxəssis 2:3 hesabıyla bitən görüşlə bağlı bunları deyib: “Birinci qoldan sonra komandamızda rahatlıq yarandı. Hücumlarımızı təzələməyə çalışdıq, təzyiq etdik. Lakin ikinci və üçüncü qolları müdafiədəki səhvlərə görə buraxdıq. Boşluqlar verdik və rəqib bundan yararlandı. Komandam belə səhvlər etməzdi, amma bu gün oldu. Hamımız məyusuq. Yaxşı başlasaq da, bunu davam etdirə bilmədik. Tənqidləri qəbul edirik”. source

Çempionlar Liqasının I turunun “Benfika” – “Qarabağ” oyununun ən yaxşı futbolçusu məlum olub. Futbolpress.az UEFA-nın saytına istinadən xəbər verir ki, bu, Azərbaycan təmsilçisinin oyunçusu Pedro Bikalyodur. “Qarabağ” “Benfika”nı 3:2 hesabıyla məğlub edib və Bikalyo sona qədər meydanda qalıb. source

“Qarabağ” bu gün Çempionlar Liqasının Liqa mərhələsində ilk oyuna çıxacaq. Futbolpress.az xəbər verir ki, Azərbaycan çempionu “Benfika”nın qonağı olacaq. Portuqaliyada baş tutacaq görüşə saat 23600-da start veriləcək. UEFA Çempionlar LiqasıLİqa mərhələsi, I tur 16 sentyabr 23:00 Benfika (Portuqaliya) – Qarabağ 2:1 Qollar: Barreneça, 6, Pavlidis, 16 – Leandro Andrade, 30Baş hakim: Erik Lambrexts (Belçika) source

Klubumuzun U-19 komandası UEFA Gənclər Liqasının Liqa mərhələsində mübarizəyə başlayıb. Futbolpress.az xəbər verir ki, akademiyanın koordinatoru Aftandil Hacıyev I turun “Benfika” ilə Portuqaliyadakı qarşılaşması (1:7) haqda fikirlərini saytımıza açıqlayıb: “Oyunu iki fərqli hissəyə bölmək olar. İlk 45 dəqiqədə futbolçularımızda həyəcan daha çox hiss olunurdu. Bu da ilk dəfə belə turnirdə oynamaları ilə bağlı idi. Bu səviyyəli yarışlardakı təcrübədə rəqiblə aramızda fərq hiss olunurdu. Oyuna yaxşı başlaya bilmədik. Öz səhvlərimizdən erkən qollar buraxdıq. Futbolçular start həyəcanını aşa bilmədilər. Fasilədə məşqçilər tərəfindən edilən dəyişikliklər və verilən tapşırıqlar ikinci yarıda özünü göstərdi. Üstünlük yenə rəqibdə olsa da, komandamız daha intizamlı və dəqiq oynamağa çalışdı. “Benf...

Tovuz şəhər stadionunda ot örtüyünün dəyişdirilməsi işləri yekunlaşmaq üzrədir. Futbolpress.az xəbər verir ki, bu barədə klubun mətbuat xidməti məlumat yayıb. Drenaj və suvarma sistemi quraşdırılan meydançaya toxum əkilib. Toxumların əkilməsi xüsusi texnikalarla həyata keçirilib və bu gün yekunlaşıb. Təbii ot örtüyünün oktyabr ayının sonunadək komandanın ixtiyarına verilməsi nəzərdə tutulub. source