Azərbaycan Futbolu

“Səbail”in baş məşqçisi Elvin Məmmədov “Difai”ilə oyundan sonra fikirlərini bölüşüb. Futbolpress.az xəbər verir ki, mütəxəssis 2:1 hesabıyla qalib gəldikləri oyunu belə şərh edib: “Çətin səfər oyunu oldu. Rəqibin qapanıb hücumlar etməyimizə imkan verməyəcəyini təxmin etmişdik. Şükürlər olsun ki qələbə qazanan tərəf biz olduq. Uşaqlara axırıncı dəqiqəyə qədər apardıqları mübarizə üçün təşəkkür edirəm. Yolumuz uzundur və bir sıra çatışmazlıqlarımız var. Üzərimizdə çalışaraq onları aradan qaldıracağıq”. source

Azərbaycanın minifutbol klubları Bolqarıstanın paytaxtı Sofiyada təşkil olunan Çempionlar Liqasının 1/8 final mərhələsinin oyunlarına çıxacaqlar. Futbolpress.az xəbər verir ki, ilk olaraq meydana “Zirə” çıxacaq. “Qartallar” “MFK Hram” (Monteneqro) kollektivi ilə qarşılaşacaq. Görüşə 12:15-də start veriləcək. Daha sonra “Birbaşa Bakı” – “Flaminqos” (Yunanıstan) və “Aznur” – “Brno” (Çexiya) matçları keçiriləcək. Hər iki qarşılaşma saat 15:45-də başlayacaq. source

Çempionlar Liqasında həftənin rəmzi komandası açıqlanıb. Futbolpress.az xəbər verir ki, “Qarabağ”ın futbolçusu Pedro Bikalyo da “11-lik”də yer alıb. Yarımmüdafiəçi “Benfika”ya qalib gəldikləri (3:2) oyunun da ən yaxşısı seçilmişdi. source

“Birbaşa Bakı” minifutbol üzrə Çempionlar Liqasında mübarizəni dayandırıb. Futbolpress.az xəbər verir ki, Azərbaycan təmsilçisi 1/4 finalda Çexiyanın “BKMK Brno” komandasına penaltilər seriyasında uduzub. Əsas vaxtı 2:2 hesabıyla bitən görüşdə son zərbələrdə çexlər 6:5 hesablı qələbə qazanıb. Daha əvvəl “Zirə” 1/4 finalda Bolqarıstanın “Tornovo” komandasına məğlub olmuşdu – 0:3. source

Azərbaycan Premyer Liqasının V turunun “Karvan-Yevlax” – “İmişli” oyunundan (0:3) sonra qonaq komandanın baş məşqçisi Xorxe Kaskilya jurnalistlərin suallarını cavablandırıb. Futbolpress.az xəbər verir ki, mütəxəssis əvvəlcə görüşlə bağlı fikirlərini bildirib… – Oyun bizim üstünlüyümüzlə keçdi. İstədiyimiz kimi oynaya bildik. Rəqib qol vurmaq üçün təzyiq edirdi. Amma bunun qarşısını almağı bacardıq. Daha sonra öz oyunumuzu onlara diktə edə bildik. Hesab 2:0 olandan sonra daha rahat oynamağa başladıq. Bilirdik ki, rəqib 1 qol vursa, hesabı bərabərləşdirmək üçün çalışacaq. Bizim qol şanslarımız çox oldu. 3:0 hesabı oyunumza layiq nəticədir. Futbolçularımı təbrik edirəm. Çox əziyyət çəkdilər. Bir az hakimlər barədə danışmaq istəyirəm. İlk dəfədir bu haqda danışıram. İki vacib situasiya oldu. B...

Azərbaycanın daha bir klubu minifutbol üzrə Çempionlar 1/4 finala yüksəlib. Futbolpress.az xəbər verir ki, “Birbaşa Bakı”  Yunanıstanın “Flaminqos” komandasını 3:1 hesabı ilə məğlub edərək növbəti mərhələyə yüksəlib. Daha əvvəl “Zirə” 1/4 finala adlayıb. Çexiya “Brno”suna məğlub olan (2:2, penalti seriyasında 2:3) “Aznur” isə mübarizəni dayandırıb. source

“Zirə” minifutbol üzrə Çempionlar Liqasında 1/4 finala yüksəlib. Futbolpress.az xəbər verir ki, bu barədə Minifutbol Federasiyasının mətbuat xidməti məlumat yayıb. “Qartallar” 1/8 finalda Monteneqro təmsilçisi “Hram”a qalib gəlib – 2:0. source

19 yaşadək qadın futbolçulardan ibarət Azərbaycan milli komandasının baş məşqçisi Həbib Ağayev Moldovanın paytaxtı Kişineuda təşkil olunan təlim-məşq toplanışı barədə AFFA-nın mətbuat xidmətinə fikirlərini bildirib. Futbolpress.az xəbər verir ki, o, yerli komanda ilə keçirilən yoxlama görüşlərini də dəyərləndirib: “Uğurlu təlim-məşq toplanışı keçdik. Planlaşdırılan məşqlərin yüksək səviyyədə reallaşması üçün hər cür şərait yaradılmışdı. Hər iki oyun bizim üçün çox faydalı oldu. Komanda fiziki və taktiki cəhətdən yaxşı hazırlaşdı. Ən önəmlisi yeni futbolçuların kollektivə uyğunlaşması idi. Onların məşqlərdə yeni taktikalara necə reaksiya verdiklərini görmək baxımından toplanış çox faydalı oldu. Təbii ki, üzərində işləməli olduğumuz məqamlar var. Bu hazırlıq da həmin çatışmazlıqları aradan q...

15 yaşadək futbolçulardan ibarət Azərbaycan milli komandasının baş məşqçisi Aqil Nəbiyev Monteneqronun müvafiq yaş qrupundan ibarət komandası ilə keçirilən ikinci yoxlama oyunundan (3:1) sonra AFFA-nın mətbuat xidmətinə fikirlərini bildirib. Futbolpress.az xəbər verir ki, mütəxəssis matçla bağlı bunları deyib: “Bu kollektiv ilk dəfə təlim-məşq toplanışına yığışmışdı. Rəqib isə yeddinci dəfə idi bir araya gəlirdi. Hər iki oyun bizim üstünlüyümüz şəraitində keçdi. Düzgün təhlillər və çalışmalar nəticəsində ikinci matçda qələbə qazandıq”. Baş məşqçi U-15 millidəki futbolçuların potensiallarının böyük olduğunu deyib: “Uşaqları tanımaq üçün zaman lazımdır. Potensiallı oyunçulardır, ancaq fiziki durumla bağlı ciddi problemləri var idi. Millidə isə bunun üzərində çox çalışmaq imkanımız olmur. Çün...

21 yaşadək futbolçulardan ibarət Azərbaycan milli komandasının kapitanı Ayxan Süleymanlı bu gün Almaniyanın Münhen şəhərində əməliyyat olunub. Futbolpress.az xəbər verir ki, 21 yaşlı müdafiəçi “Sana Klinik München”də professor, doktor Filipp Niemeyer tərəfindən sol diz ön çarpaz bağından uğurlu əməliyyat keçirib. Qeyd edək ki, Ayxan Süleymanlı U-21 millimizin heyətində Avropa çempionatının seçmə mərhələsi çərçivəsində Bolqarıstan yığması ilə Bakıda keçirilən oyunda (1:1) zədələnib. source