Azərbaycan Futbolu

“Karvan-Yevlax” Premyer Liqanın VI turunda “Neftçi” səfərində qolsuz heç-heçə edib. Yevlax təmsilçisinin kapitanı Vadim Abdullayev “Futbolpress.az”a açıqlamasında matçla bağlı fikirlərini bölüşdü: “Neftçi” çox yaxşı futbolçulardan qurulmuş komandadır. Bunu bilirdik və başa düşürdük ki, çox qaçmaq, mübarizə aparmaq lazımdır. Şükürlər olsun, 1 xal qazana bildik. Oyunda çox əziyyət çəkdik”. Görüşdə qapıçı Kamran İbrahimov seyvləri ilə diqqət çəkib. Bir neçə dəfə kritik qurtarışlarla yadda qalan qolkiper bir xalda əsas pay sahiblərindəndir. Abdullayev nəticədə tək Kamranın yox, bütün kollektivin payının olduğunu dedi: “Hamının əziyyəti var. Ehtiyat skamyasında olanlardan tutmuş meydandakılara qədər. Kamranın da əziyyəti böyükdür, yaxşı seyvlər etdi. Matçdan əvvəl ona demişdim ki, belə oyunlard...

AFFA-nın təşkilatçılığı, UEFA və “EA Sports” şirkətinin dəstəyi ilə UEFA Kütləvi Futbol Həftəsi çərçivəsində Qax Olimpiya İdman Kompleksində 10-12 yaşlı uşaqlar üçün futbol festivalı keçirilib. Futbolpress.az xəbər verir ki, 100-dən çox uşağın qatıldığı festivalda iştirakçılar futbol oynayıb, əyləncəli vaxt keçiriblər. Festivalın sonunda iştirak edən hər bir uşağa UEFA tərəfindən göndərilən toplar hədiyyə olunub. Hədiyyələri uşaqlara Kütləvi Futbol Departamentinin rəhbəri, veteran futbolçu Fərrux İsmayılov və aparıcı mütəxəssis Orxan Mikayıllı təqdim edib. UEFA Kütləvi Futbol Həftəsi çərçivəsində növbəti belə tədbir Naxçıvan Muxtar Respublikasında keçiriləcək. source

Azərbaycan Premyer Liqasının VI turunun “Turan Tovuz” – “Kəpəz” matçından (3:0) sonra qonaq komandanın baş məşqçisi vəzifəsini icra edən Xaliq Mərdanov jurnalistlərin suallarını cavablandırıb. Futbolpress.az xəbər verir ki, mütəxəssis əvvəlcə oyun və nəticəsi barədə fikirlərini bölüşüb: – Əslində rəqibi, onun güclü və zəif tərəflərini yaxşı analiz etmişdik, hər şeyi də bütün həftə boyu işləmişdik. Amma bəzi fərdi səhvlər ucbatından qollar buraxdıq və bu da bizim növbəti məğlubiyyətimizlə nəticələndi. Düzdü, istədik ki, geridönüş eləyək, komandanın içindəki məğlub ruhu qələbə ruhu ilə əvəzləyək. Təəssüf ki, bu alınmadı. Görünür bunun üçün vaxt lazımdır. İnşallah ki, gələcək oyunlarda bunu aradan qaldıracağıq. – Sizcə, komandanın Premyer Liqada qalmağa potensialı çatırmı? Yəni, siz bu komand...

Azərbaycan Premyer Liqasının 6-cı turu çərçivəsində keçirilən “Sabah” – “Sumqayıt” oyunu zamanı “Bank Respublika Arena”nın işıqları sönüb. Futbolpress.az xəbər verir ki, ev sahibi komandanın qolundan dərhal sonra  stadionun işıqları sönüb. Nəticədə oyunda 17 dəqiqəlik fasilə yaranıb. Qeyd edək ki, hazırda hesab 1:0 meydan sahibinin xeyrinədir. source

Azərbaycan Premyer Liqasının VI turunun “Sabah” – “Sumqayıt” matçından (1:1) sonra qonaq komandanın baş məşqçisi Saşa İliç jurnalistlərin suallarını cavablandırıb. Futbolpress.az xəbər verir ki, mütəxəssis əvvəlcə oyun və nəticəsi barədə fikirlərini bölüşüb: “Çox çətin oyun keçdi. Əslində 1 xal qazandıq, amma hesab edirəm ki, biz keçən turlarda çox xallar itirmişik. Bugünkü rəqib keçən turdakı rəqibimizdən daha güclü idi”. – Sizcə, oyunçular uzun müddət yerdə qalaraq öz komanda yoldaşlarının diqqətini pozmurdu? – Burada qeyri-adi heç nə görmürəm. Bu, adi oyun epizodlarıdır. Belə güclü rəqiblərlə oynayanda çalışmalısan ki, əlinə düşən fürsətlərdən maksimum istifadə edəsən. Oyunçularımdan razıyam, bacardıqları hər şeyi etdilər. – Oyundakı hakimlik barədə nə düşünürsünüz? -O barədə danışmaq i...

Azərbaycan Premyer Liqasının VI turunun “Sabah” – “Sumqayıt” matçından (1:1) sonra meydan sahibi komandanın baş məşqçisi Valdas Dambrauskas oyun haqqında fikirlərini bölüşüb. Futbolpress.az xəbər verir ki, mütəxəssis çıxışını oyundakı hakimliyə həsr edib: “Burada biz ancaq bir nəfərin “şou”sundan danışa bilərik. Adətən mən heç vaxt oyun sonrası mətbuat konfranslarında hakimlər haqqında danışmamışam. Peşəkar karyeramda 400-dn çox oyun var. Mən Balkan ölkələrində olmuşam, Yunanıstanda məşqçilik eləmişəm. Bilirsiniz ki,Yunanıstanda zəif komandaların güclü komandalarla oynadıqları oyunlardan sonra hakimlik barədə 3-4 saat danışa bilərik. Bu qədər liqada məşqçilik eləmişəm amma bu qədər hörmətsizliyi heç yerdə görməmişəm. Bunu şərh eləmək mənim üçün həqiqətən də çox çətindir. Azərbaycan futbolu...

Azərbaycan Premyer Liqasının VI turunun “Turan Tovuz” – “Kəpəz” matçından (3:0) sonra meydan sahibi komandanın baş məşqçisi Kurban Berdiyev jurnalistlərin suallarını cavablandırıb. Futbolpress.az xəbər verir ki, mütəxəssis əvvəlcə oyun və nəticəsi barədə fikirlərini bölüşüb: “Düşünürəm ki, uşaqlar oyuna yaxşı köklənmişdilər, intizamla, kobud səhvsiz oynadılar. Ümumən, qələbəyə layiq idilər”. – Öz doğma mövqeyində oynamayan Faiq Hacıyevin bugünkü oyununu necə qiymətləndirirsiniz? – Faiq ümumən yaxşı oynadı. Təəssüf ki, Enrike bugünkü oyunda zədə aldı, amma Faiqin oyunundan razıyam. -Vadji əsas heyətdə niyə möhkəmlənə bilmir? – Vadji dünən xəstə idi deyə məşq eləməmişdi. O, əsas heyətdə oynamağa hazırdır, amma dediyim kimi təəssüf ki, dünənki məşqi buraxdı. – Komandanız liderliyə yüksəldi. İ...

Baş məşqçi postu boş qalan “Kəpəz”də axtarışlar davam edir. Futbolpress.az-ın əldə etdiyi məlumata görə, Gəncə təmsilçisi bu dəfə “sükanı” əcnəbi mütəxəssisə həvalə etmək niyyətindədir. “Kəpəz” bu gün Premyer Liqada “Turan Tovuz”la qarşılaşacaq. “Azersun Arena”da keçiriləcək matça saat 16:30-da start veriləcək. Gəncə təmsilçisi 5 turdan sonra xalsızdır və sonuncu pillədədir. Ötən turda “Qəbələ”yə məğlubiyyətdən sonra baş məşqçi Adil Şükürov istefaya göndərilib. O, mövsümün əvvəlindən komandaya rəhbərlik edirdi. Kamil Əhməd source

Gənc və perspektivli hakimlərin inkişafı məqsədilə UEFA-nın həyata keçirdiyi “Center of Refereeing Excellence” (CORE) proqramında ölkəmizi AFFA Hakimlər Departamentinin rəhbəri, mentor Ömər Paşayev, baş hakim Tural Qurbanov və köməkçi hakim Asiman Əzizli təmsil ediblər. Futbolpress.az xəbər verir ki, proqram çərçivəsində Ömər Paşayev Gürcüstan və Farer adalarından olan gənc hakimlərin 6 aylıq hazırlıq prosesindən sonrakı imtahanlarında iştirak edib. Gənc hakimlərimiz isə CORE 60 layihəsinə qatılaraq, intensiv hazırlıq prosesindən keçiblər. İmtahanlarda uğurlu nəticə göstərən hakimlərə UEFA tərəfindən sertifikatlar təqdim olunub. Qeyd edək ki, CORE proqramı Avropanın müxtəlif ölkələrindən seçilən gənc hakimlərin peşəkar inkişafına, beynəlxalq oyunlarda daha yüksək səviyyədə fəaliyyət göstər...

Azərbaycan Respublikasının Prezidenti İlham Əliyev sentyabrın 27-də Yevlax Olimpiya İdman Kompleksinin açılışında iştirak edib. Futbolpress.az xəbər verir ki, gənclər və idman naziri Fərid Qayıbov dövlətimizin başçısına kompleksdə yaradılan şərait barədə məlumat verib. Bildirilib ki, tikintisinə 2024-cü ildə başlanılan kompleksin ərazisi 5,8 hektardır. Burada açıq havada idman meydançaları, stadion, 1100 tamaşaçı yerlik universal idman, güləş, cüdo, bədii gimnastika, boks, kikboksinq, taekvondo, karate, fitnes və trenajor zalları, üzgüçülük hovuzu yaradılıb. Bunlardan başqa, kompleksdə iclas zalı, kafe, hakim, məşqçilər, həkim, şərhçilər üçün otaqlar, restoran, 42 yerlik mehmanxana binası da fəaliyyət göstərəcək. Azərbaycanın ev sahibliyi etdiyi Müstəqil Dövlətlər Birliyi ölkələrinin III O...