Azərbaycan Futbolu

Türkiyədə təlim-məşq toplanışında olan “Turan Tovuz” komandası bu gün növbəti yoxlama oyununa çıxacaq. Futbolpress.az xəbər verir ki, Kurban Berdıyevin rəhbərlik etdiyi kollektiv “Flamurtari” ilə qarşılaşacaq. Matça saat 18:00-da start veriləcək. “Turan Tovuz” daha əvvəl Türkiyənin “Keçiörengücü” (0:0) və “Çorum” (1:1) klubları ilə heç-heçə edib. Komanda avqustun 5-də isə Mərakeş təmsilçisi “Vidad”la qarşılaşacaq. source

Yeni mövsümə hazırlaşan “Neftçi” Polşa toplanışını başa vurub. “Ağ-qaralar” dünən sonuncu yoxlama oyununa çıxıb və Kiprin AEL komandası ilə heç-heçə edib – 2:2. Yeni mövsümdə iddialılar arasında olmağa çalışan paytaxt təmsilçisi Polşada 3 sınaq matçı keçirib. “Neftçi” AEL-dən öncə “Hapoel Təl-Əviv” (1:1) və “Termalitsa Nyeçetşa” (2:2) ilə qarşılaşıb və qələbə qazana bilməyib. Yoxlama matçlarının hər birində fərqlənən “ağ-qaralar” Polşada qələbə qazana bilmədi. Məhsuldarlığı ilə seçilən komanda mövsümnöncəsi azarkeşlərinə ümid verməkdədir. Klubun televiziyasına açıqlama verən baş məşqçi Samir Abasov da toplanışdan razı qalıb və xüsusilə son görüşdəki performanslarını qabardıb. Yoxlama oyunlarında qələbə önəmli deyil. Əsas olan Abasovun sərəncamındakı futbolçuları yoxlaması, taktiki planlard...

21 yaşadək futbolçulardan ibarət Azərbaycan milli komandasının Avropa çempionatının seçmə mərhələsində Çexiya ilə keçirəcəyi səfər oyununun yeri və başlama vaxtı müəyyənləşib. Futbolpress.az xəbər verir ki, B qrupunun III turu çərçivəsində oktyabrın 10-da Karvina şəhər stadionunda təşkil olunacaq görüş Bakı vaxtı ilə saat 20:00-da başlanacaq. Qeyd edək ki, U-21 seçmə mərhələnin ilk iki turu çərçivəsində sentyabrın 5-də Barselos şəhər stadionunda Portuqaliya yığması ilə, sentyabrın 9-da isə “Dalğa Arena”da Bolqarıstan seçməsi ilə qarşılaşacaq. source

“Neftçi”nin baş məşqçisi Samir Abasov AEL klubu ilə yoxlama matçından sonra “Neftçi TV”yə müsahibə verib. Futbolpress.az xəbər verir ki, oyun haqda fikirlərini bildirən təcrübəli mütəxəssis təlim-məşq toplanışını da dəyərləndirib: “Toplanış çox yaxşı keçdi. Əslində, 4 oyun planlaşdırmışdıq, lakin güclü yağış səbəbindən bunlardan 1-i baş tutmadı. Buna baxmayaraq, bizim üçün çox səmərəli toplanış oldu. Matça gəlincə, çox yaxşı və maraqlı keçdi. Futbolçuların göstərdiyi oyundan çox razı qaldım. Düşünürəm ki, bu görüş əvvəlkilərdən yaxşı mənada çox fərqləndi. Artıq meydanda dominant, səbrlə top saxlayan və nələrsə düşünməyə çalışan komanda var idi”. Müsahibənin tam versiyası ilə aşağıdakı videodan tanış ola bilərsiniz: source...

“İmişli” braziliyalı futbolçu transfer edib. Futbolpress.az xəbər verir ki, bölgə təmsilçisi yarımmüdafiəçi Luiz Fernando Silvestr Junior ilə 2 illik müqavilə imzalayıb. Juninyo adı ilə tanınan futbolçu 2025/2026 mövsümündə “İmişli”nin şərəfini qoruyacaq. Yarımmüdafiəçi son mövsümdə ölkəsində “Atletiko”da çıxış edib. source

Azərbaycan Premyer Liqası klubları yeni mövsüm üçün transfer çalışmalarına başlayıb. Futbolpress.az klubların transferlərini təqdim edir… Qarabağ Gələnlər: Dani Bolt (“Torrense”, Portuqaliya), Pedro Bikalyo (“Alverka”, Portuqaliya), Kris Kouka (“Mafra”, Portuqaliya), Sami Mmae (“Dinamo”, Zaqreb)Gedənlər: Yassin Benzia, Patrik Andrade (“Araz-Naxçıvan”), Marko Veşoviç, İsmayıl İbrahimli (“Zirə”), Redon Cica (“Şabab Riadi Beluizdad”, Əlcəzair), Rüstəm ƏhmədzadəMüqavilə müddətini artıranlar: Zirə Gələnlər: Brahim Konate (“Şamaxı”), Yeqor Boqomolski (“Neftçi”), İsmayıl İbrahimli, Rövlan Muradov (“Sumqayıt”), Abdul Aziz Batibye, Vinsent Till (“Sabah”)Gedənlər: Rüstəm Əhmədzadə (“Qarabağ”a qayıdıb), Pyer Zebli, Məqsəd İsayev (“Kəpəz”), Yusuf LavalMüqavilə müddətini artıranlar: Ruan Renato, Anar N...

Konfrans Liqasının III təsnifat mərhələsində Bolqarıstanda keçiriləcək “Levski” – “Sabah” oyununun biletləri satışa çıxarılıb. Futbolpress.az xəbər verir ki, bu barədə Sofiya təmsilçisinin mətbuat xidməti məlumat yayıb. Biletlərin qiymətləri 27-170 lev (26-168 AZN) aralığında dəyişir. Komandalar arasındakı ilk oyun avqustun 7-də Bolqarıstanda olacaq. Cavab görüşü isə 14-də Bakıda keçiriləcək. source

Azərbaycan klublarının Konfrans Liqasının III təsnifat mərhələsindəki cavab oyunlarına təyinatlar məlum olub. Futbolpress.az xəbər verir ki, “Sabah”ın Bakıda Bolqarıstanın “Levski” komandasına qarşı keçirəcəyi oyunu Ukraynadan olan hakimlər briqadası idarə edəcək. Baş hakim Mikala Balakin olacaq. Ona yan xətt hakimləri Oleksandr Berkut və Viktor Matyaş kömək edəcək. Dördüncü hakim funksiyasını Vitali Romanov yerinə yetirəcək. VAR-da Oleksi Derevinski və Kim Zabrada olacaq. “Araz-Naxçıvan”ın Kiprdə “Omoniya”ya qarşı keçirəcəyi oyun isə Danimarkadan olan hakimlər briqadası idarə edəcək. Baş hakim Yakob Kehlet olacaq. Ona yan xətt hakimləri Lars Hummelqaard və Martin Markus kömək edəcəklər. Dördüncü hakim funksiyasını Mikkel Redder yerinə yetirəcək. VAR-da Sandi Putros və Morten Kox olacaq. H...

Peşəkar Futbol Liqası ilə Azərbaycanın qanuni lotereya təşkilatçısı və idman mərc oyunları operatoru “Azərlotereya”nın “Misli” brendi arasında titul sponsorluğuna dair müqavilənin müddəti uzadılıb. Futbolpress.az xəbər verir ki, razılığa əsasən, 2025/2026-cı illər mövsümündə də “Misli” Azərbaycan Premyer Liqasının əsas sponsoru olacaq və ölkə çempionatı “Misli Premyer Liqası” adlanacaq. “Misli” hər zaman ölkədə idmanın, xüsusilə də futbolun tərəqqisi naminə önəmli layihələrin icrasında yaxından iştirak edir. “Misli”nin Azərbaycan Premyer Liqasına sponsorluğu ölkə futbolunun inkişafı və populyarlaşdırılması baxımından əhəmiyyətli addımdır. Dördüncü mövsümdür ki, davam edən əməkdaşlıq sayəsində liqaya maraq xeyli artıb, sponsorluq çərçivəsində keçirilən layihələr azarkeşlərin diqqətini cəlb ...

“Kəpəz”in baş məşqçisi Adil Şükürov “Sumqayıt”a məğlub olduqları yoxlama oyunundan sonra fikirlərini bölüşüb. Futbolpress.az xəbər verir ki, mütəxəssis 1:2 hesabıyla bitən matçla bağlı bunları deyib: “Uşaqlar yorğunluq fonunda mübarizə apardılar. Məşqlərdə fiziki çox yüklənirlər. Ona görə matçda da yükləmə altında oynadılar. Müdafiədə xırda səhvlər səbəbindən qollar buraxdıq. Epizodlarda bir az düzgün, dəqiq olsaydıq, belə səhvlər olmazdı. Hər mövqedə çatışmazlıqlar var. Danışıqlar gedir, transferlərimiz gələndən sonra daha yaxşı formalaşmış komanda görəcəyik. Heyət komplektləşmədiyindən bəzi futbolçuları məcburiyyətdən öz mövqelərində oynada bilmirik. Bu da komandanın oyununa öz təsirini göstərir. Oyunçular doğma mövqelərində çıxış etməyə başladıqdan sonra daha mübariz, nəticəli komanda o...