Azərbaycan Futbolu

“Karvan” növbəti transferini həyata keçirib. Futbolpress.az xəbər verir ki, Vüsal Məsimov ilə 1 illik müqavilə imzalanıb. Bu barədə klubun mətbuat xidməti məlumat yayıb. 25 yaşlı sol cinah müdafiəçisi son olaraq “Şamaxı” klubunda forma geyinib. source

Polşada təlim-məşq toplanışında olan “Neftçi” bu gün növbəti yoxlama oyununa çıxacaq. Futbolpress.az xəbər verir ki, Samir Abasovun rəhbərlik etdiyi kollektiv Yunanıstanın “Asteras Tripolis” komandası ilə qarşılaşacaq. Bakı vaxtı ilə saat 19:00-da (yerli vaxtla 17:00) start götürəcək matç Keltse şəhərindəki Pilkarski stadionunda təşkil olunacaq. Tərəflərin istəyinə əsasən, oyun canlı yayımlanmayacaq. Qeyd edək ki, “Hapoel Təl-Əviv” (1:1) və “Termalitsa Nyeçetşa” (2:2) ilə heç-heçə edən “Neftçi” sonuncu sınaq matçını avqustun 1-də AEL (Kipr) klubuna qarşı keçirəcək. source

Azərbaycan klubları avrokuboklarda ilk oyunlarına çıxıb. “Qarabağ” Çempionlar Liqasında İrlandiyanın “Şelburn” komandasına qalib gəlib – 3:0. Konfrans Liqasında “Zirə” “Hayduk”la heç-heçə edib (1:1), “Sabah” “Petrokub”u (2:0), “Araz-Naxçıvan” isə “Aris”i məğlub edib (2:1). Milli komandanın sabiq futbolçusu Saşa Yunisoğlu “Futbolpress.az“a açıqlamasında nəticələri şərh etdi: “Klublarımız üçün uğurlu həftə oldu. 4 oyuna 3 qələbə və 1 heç-heçə gözəl nəticədir. Lakin rahatlaşmaq olmaz. Avropada asan oyun olmur və cütlərin taleyi ikinci oyunlardan sonra bilinəcək. “Qarabağ” və “Sabah”ın səfərdə qələbə qazanmaları ümid verir. Qeyri-adi bir şey baş verməzsə, hər iki klubumuz növbəti mərhələyə yüksələcək. “Araz-Naxçıvan”ın oyunu gözəl alındı. Qol buraxmalarına baxmayaraq, xarakter göstərib, layiql...

“Neftçi” qapıçı transferini rəsmiləşdirib. Futbolpress.az xəbər verir ki, Bosniya və Herseqovina millisinin qolkiperi Kenan Piriç artıq “Neftçi” ailəsinin üzvüdür. 31 yaşlı futbolçu ilə 2 illik müqavilə bağlanıb. Vətənindən başqa, Belçika, Sloveniya, Yunanıstan, Türkiyə və Kipr liqalarında oynayan Piriç 2 dəfə Bosniya və Herseqovina (2016/17, 2017/18), 1 dəfə isə Sloveniya (2018/19) çempionu olub. O, 2 dəfə Bosniya və Herseqovina (2016/17, 2017/18), 1 dəfə Sloveniya (2018/19) və Yunanıstan (2023/24) çempionatlarında mövsümün qapıçısı seçilib. Milli komandanın heyətində 8 oyun keçirib. source

Yeni mövsümə hazırlıqlarını davam etdirən “Kəpəz” və “Şamaxı” bu gün yoxlama oyununda üz-üzə gəlib. Futbolpress.az xəbər verir ki, matç Qəbələ şəhər stadionunda baş tutub. Görüş şamaxılıların darmadağını ilə başa çatıb – 6:1. “Kəpəz” bundan öncə yoxlama oyununda “Qəbələ”yə uduzub – 0:2. “Şamaxı” isə “Karvan”a qalib gəlib (2:1), “Qəbələ”yə məğlub olub (1:2). source

“Qarabağ”ın Çempionlar Liqasında “Şelburn”a qarşı keçirəcəyi II təsnifat mərhələsinin cavab oyununa bilet satışı davam edir. Futbolpress.az xəbər verir ki, görüş üçün artıq 11000 bilet satılıb. Tofiq Bəhramov adına Respublika stadionunda keçiriləcək matçın biletlərinin qiyməti müvafiq olaraq 5, 10, 20, 30, 75 və 100 manat təşkil edir. VVIP C və VVIP D sektorlara bilet alaraq, VIP Lounge üstünlüklərindən yararlanmaq istəyən azarkeşlər üçün biletlərin qiyməti isə 300 manatdır. Oyun iyulun 30-da keçiriləcək. “Qarabağ” ilk matçda 3:0 hesabıyla qələbə qazanıb. source

Azərbaycan millisinin hücumçusu Mahir Emrelinin komandası “Kayzserslautern” bu gün yoxlama oyununa çıxıb. Futbolpress.az xəbər verir ki, II Bundesliqa təmsilçisi İtaliyanın “Roma” komandası ilə qarşılaşıb. Görüş italyanların qələbəsiylə başa çatıb – 1:0. Emreli start heyətdə meydana çıxıb və fasilədə əvəzlənib. source

“Karvan” növbəti transferini həyata keçirib. Futbolpress.az xəbər verir ki, Şri Lanka millisinin üzvü Samuel Durrant ilə 1 illik müqavilə imzalanıb. Yarımmüdafiəçi futbolçu karyerasına İngiltərənin “Liverpul” klubunda başlayıb. Daha sonra “Blakbörn”, “Dundalk” və “Connahs Quay” klublarında forma geyinib. 23 yaşlı futbolçu Şri Lanka millisində 7 oyun keçirib. source

“Kəpəz” yoxlama oyununda “Şamaxı”ya uduzub – 1:6. Futbolpress.az xəbər verir ki, Gəncə təmsilçisinin baş məşqçisi Adil Şükürov klubun mətbuat xidmətinə açıqlamasında oyunu şərh edib: “Boşluqlarımız çoxdur. Yoxlama oyunlarında biz bunu daha çox görüb çempionata yaxşı hazırlaşmalıyıq. Görəcəyimiz işlər var. Bu barədə də rəhbərliyə bildirmişik. Birlikdə daha çox çalışmalıyıq ki, bu məsələləri uğurla sonlandıra bilək. Gənc oyunçuların da üzərində böyük məsuliyyət var. Çox çalışmalıdırlar. Məşqlərdə, oyunlarda onlara daha çox şans veririk ki, inkişaf etsinlər, irəliləsinlər. Rəhbərliyin də ilk planlarından biri odur ki, bu gəncləri Azərbaycan futboluna qazandıraq”. source