“Liverpul”un baş məşqçisi Arne Slot UEFA Çempionlar Liqasında PSV-yə 1:4 hesablı məğlubiyyətdən sonra onunla bağlı dolaşan istefa iddialarına münasibət bildirib.
“Qırmızılar” ardıcıl üçüncü dəfə böyük hesabla uduzduğundan, niderlandlı mütəxəssisin üzərindəki təzyiq daha da artıb.
Komanda.az “The Touchline”-a istinadən xəbər verir ki, buna baxmayaraq, Slot sakitliyini qoruduğunu deyib:
“Xeyr, mümkün istefa məni narahat etmir. Mən başqa məsələlərə fokuslanmışam və işimi itirməyi düşünmürəm”.
“Liverpul” hazırda Çempionlar Liqasında turnir cədvəlinin 13-cü, İngiltərə Premyer Liqasında isə 12-ci pilləsində qərarlaşıb. Komanda qitənin ən nüfuzlu klub turnirində “Qarabağ”ın rəqiblərindən biridir.