Azərbaycan millisi bu gün DÇ-2026-nın seçmə mərhələsində Ukrayna ilə qarşılaşacaq.
Futbolpress.az Krakovdan xəbər verir ki, yığma daha bir itki ilə üzləşib. Müdafiəçi Rahil Məmmədov zədə səbəbindən oyunda iştirak etməyəcək.
Baş məşqçi Ayxan Abbasov matçda öncə baş tutan mətbuat konfransında İsmayıl İbrahimli, Ceyhun Nuriyev və Renat Dadaşovun da “23-lük”dən kənar qalacağını bildirib. Ceyhun xəstə, İsmayıl zədəli, Renat isə tam hazır olmadığı üçün oyunda olmayacaq.
Matç saat 22:45-də başlayacaq.