Azərbaycan millisinin futbolçusu Toral Bayramov DÇ-2026-nın seçmə mərhələsində Fransaya uduzduqları görüşdən sonra fikirlərini bölüşüb.
Futbolpress.az Parisdən xəbər verir ki, cinah oyunçusu 0:3-dən sonra bunları deyib:
– Qeyri-adi nəsə deməyə ehtiyac yoxdur. Kimlə oynadığımız göz qabağındadır. Oyundan əvvəl danışdıq ki, mübarizə aparacağıq, əlimizdən gələni edəcəyik.
– Bu oyun təcrübə baxımından sizə nə qatdı?
– Rəqib Fransa idi və daimi hücumdadır. Bu tempə öyrəşməmişik. Bizim çempionatda belə hücumlar, sürət olmur. Bu oyun bizimçün yaxşı oldu.
– Ukrayna ilə oyun haqda nə düşünürsüz?
– Hazırlaşacağıq, əlimizdən gələni edəcəyik ki, əzmkar oyun göstərək.
– Bir neçə mövqedə oynayırsan. Universallıq çətinlik yaratmır?
– Çətin olmur, artıq öyrəşmişəm. Klubumda da bir neçə mövqedə oynayıram. Harda oluramsa, canla-başla oynayıram.
“FutbolPress”, Paris