Çempionlar Liqasının Liqa mərhələsinin I turunda keçiriləcək “Benfika” – “Qarabağ” oyununun hakimləri açıqlanıb.
Futbolpress.az xəbər verir ki, görüşü Belçikadan olan hakimlər briqadası idarə edəcək.
Baş hakim Erik Lambrexts olacaq. Ona yan xətt hakimləri Jo de Veyrd və Kevin Menteni kömək edəcəklər. Dördüncü hakim funksiyasını Natan Verbomen yerinə yetirəcək.
VAR-da Bram Van Drişşe və Fedayi San olacaq.
Sentyabrın 16-da Portuqaliyada keçiriləcək matça saat 23:00-da start veriləcək.