“Arsenal”ın sabiq oyunçusu Pol Merson komandanın Çempionlar Liqasında “Bayern” üzərində 3:1 hesablı qələbəsini şərh edib.
Komanda.az xarici KİV-ə istinadən xəbər verir ki, o, bunu deyib:
“Arsenal”ın Avropa səhnəsində ciddi iddiası var. İnsanlar bu nəticəyə baxıb “vau” deyəcəklər. Xüsusilə də, “Bayern”in əvvəlki illərdə “Arsenal”a etdiklərini nəzərə alsaq.
“Bayern” hər kəs üçün möhtəşəmdir. Bundesliqanın Premyer Liqa ilə eyni olmadığını başa düşürəm, amma onlar Avropada öz dəyərlərini sübut ediblər. Onlar bu Avropa yarışında dərinə gedirlər. Amma “Arsenal” möhtəşəm idi”.