“İstiqlol” klubunun baş direktoru Şahzod Sulaymanov Asiya Çempionlar Liqasının növbəti qarşılaşması öncəsi “Əl-Nəsr”in hücumçusu Kriştiano Ronaldonun Düşənbədəki oyuna gəlməməsi barədə açıqlama verib.
Komanda.az xarici KİV-ə istinadən xəbər verir ki, o, portuqaliyalı futbolçunun səfər matçlarında iştirak etmədiyini və bunun tacikistanlı azarkeşlər üçün böyük məyusluq yaratdığını bildirib:
“Ronaldo Tacikistana, “İstiqlol”la oyuna gəlmədi. O, komandanın səfər görüşlərinə çıxmır. Daha əvvəl Hindistana və İraqa da getməmişdi. Biz çox məyusuq”.
“İstiqlol” – “Əl-Nəsr” qarşılaşması sabah Tacikistanda keçiriləcək.
40 yaşlı Ronaldonun Səudiyyə Ərəbistanı klubuyla müqaviləsinin müddəti 2027-ci ilin ortalarına kimidir.