21 yaşadək futbolçular arasında Avropa çempionatının seçmə mərhələsində keçiriləcək Azərbaycan – Şotlandiya oyununun təyinatları açıqlanıb.
Futbolpress.az xəbər verir ki, qarşılaşma Qazaxıstandan olan hakimlər briqadası idarə edəcək.
Baş hakim FIFA referisi Sayatu Karabayev olacaq. Ona Yuri Tixonyuk ilə Yevgeni Belski kömək göstərəcək. Dördüncü hakim funksiyasını Saken Bayımbet yerinə yetirəcək.
Qeyd edək ki, Azərbaycan – Şotlandiya matçı oktyabrın 14-də, saat 19:00-da “Liv Bona Dea” arenada keçiriləcək.