Braziliya millisinin baş məşqçisi Karlo Ançelotti hücumçu Neymarın yığmaya çağırılmamasına münasibət bildirib.
Komanda.az ESPN-ə istinadən xəbər verir ki, o, forvardın problemlərinin olduğunu deyib:
“Neymar siyahıda deyil, çünki problemləri var. Zədəsindən sonra o, komandanın uğur qazanmasına və dünya çempionatında bütün imkanlarını göstərməsinə kömək etmək üçün forma yığmalıdır”.
Braziliya millisi gələn ay DÇ-2026-nın seçmə mərhələsi çərçivəsində iki oyun keçirəcək. “Sambaçılar” Çili və Boliviya milliləri ilə qarşılaşacaq. Oyunlar sentyabrın 5-də və 10-da keçiriləcək.