Niderland millisinin sabiq hücumçusu Robin van Persi vaxtı ilə “Barselona”ya keçmək arzusundan danışıb.
Komanda.az “SEG Stories”-ə istinadən xəbər verir ki, o, həmişə “Barselona”da oynamaq istədiyini bildirib:
“Mən həmişə “Barselona”da oynamaq istəmişəm. 2015-ci ildə, “Fənərbaxça”da çıxış etdiyim ilk aylarda, o vaxtkı menecerim Keys mənə dedi ki, “Barselona” mənim namizədliyimi müzakirə edir. Bu, tamamilə real variant idi. Bir qədər sonra o zəng edib dedi ki, transfer baş tutmayacaq. Hər şey dağıldı. Halbuki mən doğrudan da, onlara qoşulmağı çox istəyirdim”.
41 yaşlı Van Persi hazırda sabiq komandası “Feyenoord”u çalışdırır.