Dünya Futbolu

UEFA Çempionlar Liqasında pley-off mərhələsinə start verilib. Komanda.az xəbər verir ki, ilk gündə 3 oyun baş tutub. “Qarabağ”ın səfərdə “Ferentsvaroş”a qalib gəldiyi gündə digər “Srvena Zvezda” da “Pafos”a, “Reyncers” isə “Brügge”yə uduzub. UEFA Çempionlar LiqasıPley-off mərhələsi, ilk oyunlar19 avqust Srvena Zvezda (Serbiya) – Pafos (Kipr) 1:2Ferentsvaroş (Macarıstan) – Qarabağ (Azərbaycan) 1:3Reyncers (Şotlandiya) – Brügge (Belçika) 1:3 source

“Real”ın hücumçusu Kilian Mbappe qapıçı Canluici Donnarummanın PSJ-dəki hazırkı durumu haqda danışıb. Komanda.az xarici KİV-ə istinadən xəbər verir ki, o, italiyalı futbolçunun çətin günlərdən keçdiyini söyləyib: “Donnarummaya yazığım gəlir. O, çətin günlərdən keçir”. Daha əvvəl qolkiperin Paris klubundan ayrılmağa yaxın olduğu və “Mançester Siti”nin oyunçunu transfer etmək istədiyi bildirilib. 26 yaşlı futbolçu 2024/25 mövsümündə 47 oyunda çıxış edib və 17 matçda qapısını toxunulmaz saxlayıb. Onun parislilərlə hazırkı müqaviləsi gələn ilin yayında başa çatır. source

Almaniya millisinin və “Real”ın keçmiş yarımmüdafiəçisi Toni Kroos, ona görə, futbol tarixinin ən yaxşısı olan qapıçının adını açıqlayıb.Komanda.az xarici KİV-ə istinadən xəbər verir ki, o, “Bayern”in futbolçusu Manuel Noyerin adını çəkib:“Mən Noyerdən başqa, variantın olduğunu düşünmürəm. Oliver Kanla bir neçə məşq keçirdim, kifayət qədər danışdıq. Amma mənim üçün Noyer bütün zamanların ən yaxşı qapıçısıdır”.Noyer 2009-2024-cü illərdə Almaniya millisində çıxış edib. 39 yaşlı qolkiper 2011-ci ildən “Bayern”də forma geyinir. source

Fransalı keçmiş futbolçu Lassana Diarra FİFA-nın qaydalarına görə karyerası boyunca ziyan çəkdiyi üçün 65 milyon avro (vergi çıxılmadan) tələb edir. Komanda.az xəbər verir ki, bu barədə Beynəlxalq Peşəkar Futbolçular Assosiasiyaları Federasiyası (FIFPro) məlumat yayıb. Məhkəmə işi Belçikada aparılır. 4 oktyabr 2024-cü ildə Avropa İttifaqı Məhkəməsi (CJEU) FİFA-nın transfer sistemi ilə bağlı qərar qəbul edib və bu sistemi Avropa İttifaqının əmək hüququ və rəqabət qanunları ilə ziddiyyətli hesab edib. Məhkəmə təsdiqləyib ki, transfer qaydaları oyunçuların əmək müqavilələrini qanuni səbəb olmadan ləğv etmək hüququnu məhdudlaşdırır. FIFPro bildirir ki, 2001-ci ildən qüvvədə olan qaydalar oyunçulara ciddi maddi ziyan vurub və Lassana Diarra da istisna deyil. Müstəqil iqtisadi təhlil g...

Yunanıstanın “Panatinaikos” klubu “Milan”ın sabiq kapitanı Davide Kalabriyanı transfer edib. Komanda.az xəbər verir ki, bu barədə klubun mətbuat xidməti məlumat yayıb. 28 yaşlı müdafiəçi yeni klubu ilə 2028-ci ilə qədər olan müqavilə imzalayıb. Kalabriya karyerasının böyük hissəsini “Milan”da keçirib. O, komandanın heyətində bütün yarışlarda 272 oyun keçirib, 10 qol vurub və 21 məhsuldar ötürmə edib. Futbolçu ötən mövsüm İtaliya kubokunu qazandığı “Bolonya”da çıxış edib. “Transfermarkt” onun bazar dəyərini 4,5 milyon avro qiymətləndirir. source

Niderlandın “Utrext” klubu Dortmund “Borussiya”sının hücumçusu Sebastian Halleri transfer edib. Komanda.az xarici KİV-ə istinadən xəbər verir, 33 yaşlı futbolçu ilə bir illik müqavilə imzalanıb. Haller əvvəllər 2015-2017-ci illərdə “Utrext”də çıxış edib və ötən mövsümün ikinci yarısını da icarə əsasında bu komandada keçirib. Ötən mövsüm Erediviziyada 16 oyunda iştirak edən Fil Dişi Sahilindən olan forvard 4 qol vurub və 1 məhsuldar ötürmə verib. The post “Borussiya”dan ayrılan hücumçu Niderland klubunda – Rəsmi appeared first on Komanda.az.source

“Santos”un kapitanı Neymar Braziliya çempionatında “Vasko da Qama”ya 0:6 hesablı məğlubiyyətdən sonra açıqlama verib. Komanda.az xarici KİV-ə istinadən xəbər verir ki, o, utandığını söyləyib:“Biz çox dəhşətli idik. Ayıbdır. Bu gün azarkeşlərin bizi söyməyə və təhqir etməyə haqqı var. Mən utanıram. Həyatımda heç vaxt belə bir şey yaşamamışam”. “Santos” doğma meydanda əsas rəqiblərindən birindən 6 cavabsız qol buraxıb. Neymar bütün matçı meydanda keçirib və final fitindən sonra göz yaşlarına boğulub. 0:6 hesablı məğlubiyyət onun bütün karyerasında ən böyük hesablı yenilgi olub. source

FİFA Klubararası dünya çempionatının formatında dəyişiklik etməyi planlaşdırır. Komanda.az “The Guardian”-a istinadən xəbər verir ki, yeni qaydalara əsasən, turnir dörd ildən bir deyil, iki ildən bir keçirilə bilər. Gözlənilir ki, dəyişikliklər 2029-cu ildən qüvvəyə minəcək. Bundan başqa, iştirakçıların sayı da artırıla bilər. Hazırda 32 komanda mübarizə aparırsa, yeni formatda bu rəqəm 48-ə çatdırılacaq. Son turnir bu yay ABŞ-da keçirilib. Finalda “Çelsi” ilə PSJ qarşılaşıb. Oyunda İngiltərə təmsilçisi Luis Enrikenin komandasını 3:0 hesabı ilə məğlub edərək, titulun sahibi olub. source

Xorvatiya çempionatında 3-cü turun oyunları keçirilir. Komanda.az xəbər verir ki, azərbaycanlı futbolçu Rüfət Abdullazadənin formasını geydiyi “Varajdin” evdə “Osiyek”lə qarşılaşıb. 24 yaşlı yarımmüdafiəçi 0:0 hesabıyla başa çatmış bu görüşdə debüt imkanı qazanıb. O, 64-cü dəqiqədə meydana buraxılıb. 3 turdan sonra 2 xalı olan “Varazdin” 10 komanda arasında 8-ci pillədə qərarlaşıb. source

Niderland çempionatında 2-ci turun oyunları keçirilir. Komanda.az xəbər verir ki, Azərbaycan millisinin vingeri Ozan Can Kökcunun çıxış etdiyi “Volendam” səfərdə “Alkmaar”la qarşılaşıb. Oyun 2:2 hesabı ilə başa çatıb. Kökcu start heyətdə meydana çıxıb və hesab 1:2 olarkən – 61-ci dəqiqədə əvəzlənib. “Volendam” hazırda 2 xalla turnir cədvəlinin 12-ci pilləsində qərarlaşıb. source