Dünya Futbolu

Niderland futbolunun tanınmış simalarından olan Kiki Musampa maliyyə fırıldağı səbəbindən Niderlandda həbs edilib. Keçmiş futbolçu dövlət büdcəsinə təxminən 100 min avro az vergi ödəyib. Komanda.az xarici KİV-ə istinadən xəbər verir ki, Musampanın evində aparılan axtarış zamanı böyük dəyərə malik dəbdəbəli saat kolleksiyası da aşkarlanıb. Faktla bağlı araşdırmalar davam edir. Musampa futbolçu karyerasında xüsusilə, 90-cı illərin ortalarında “Ayaks”ın “qızıl nəsli”nin üzvü kimi tanınıb. Sabiq futbolçu 1995-ci ildə klubla birlikdə UEFA Çempionlar Liqasını qazanıb. O, 1997-ci ildə “Ayaks”ı tərk edərək, İspaniyada “Malaqa” və “Atletiko”, İngiltərədə isə “Mançester Siti” kimi klublarda çıxış edib. Hazırda Musampaya qarşı maliyyə fırıldağı ilə bağlı rəsmi ittihamlar irəli sürülüb və iş ...

“Əl-Hilal”ın müdafiəçisi Joao Kanselo “Barselona”ya olan sevgisi ilə bağlı açıqlama verib. Komanda.az “Barca Universal”-a istinadən xəbər verir ki, o, bunu deyib:“Hamı bilir ki, mən “Barselona” fanatıyam, “Barselona”nı sevirəm. Bu klubu sevirəm, orada keçirdiyim vaxtdan çox həzz alırdım. Ürəyim “Barselona” ilədir və onlar ötən mövsüm bir çox titullar qazandıqları üçün xoşbəxtəm”. Portuqaliyalı futbolçu 2023/24 mövsümündə kataloniyalıların heyətində çıxış edib. “Barselona” 2024/25 mövsümündə İspaniya çempionu olub və ölkə kubokunu, superkubokunu qazanıb. Komanda Çempionlar Liqasında isə yarımfinalda “İnter”ə ümumi hesabda (6:7) məğlub olub. source

“Mançester Yunayted”in sabiq baş məşqçisi Erik ten Haq “Tvente”ni çalışdırmaqdan imtina edib. Komanda.az xəbər verir ki bu, barədə “Telegraaf” məlumat yayıb. Niderland təmsilçisinin azarkeşləri 54 yaşlı mütəxəssisin gəlişini ümidlə gözləsə də, klub artıq onu namizəd kimi nəzərdən keçirmir. Ten Haq isə bildirib ki, vaxtından əvvəl işə başlaması Leverkuzen “Bayer”indən aldığı ödənişlərə mənfi təsir göstərə bilər. Niderlandlı mütəxəssis bu mövsümün əvvəlində “Bayer”də cəmi 2 tur işlədikdən sonra istefaya göndərilib. Bundan əvvəl “Tvente”yə Niderland millisinin sabiq üzvü Mark van Bommel və komandada əvvəllər çalışmış Rene Xake də “yox” cavabı veriblər. Komanda hazırda Erediviziyanın 5 turundan sonra 4 xalla turnir cədvəlinin 13-cü pilləsində qərarlaşıb. sour...

Braziliyalı müdafiəçi Renan Lodi öz təşəbbüsü ilə “Əl-Hilal”dan ayrılıb. Komanda.az xəbər verir ki, bu barədə “Globo” məlumat yayıb. Lodi kluba 2024-cü ilin yanvarında qoşulub və 3,5 illik müqavilə imzalayıb. Builki mövsümöncəsi hazırlıqdan sonra futbolçu Səudiyyə Ərəbistanı çempionatında oynamağa icazə verilmədiyini öyrənib (bu qadağanın səbəbləri açıqlanmayıb). Lodi qadağanın götürülməsinə və klub rəhbərliyi ilə anlaşmağa çalışsa da, heç nəyə nail ola bilməyib. O, vəkillərlə məsləhətləşdikdən sonra vətənə qayıtmaq qərarına gəlib. source

Çimərlik futbolu üzrə Ukrayna millisi Avroliqada bürünc medallar uğrunda Belarus yığması ilə oyunu boykot edir. Komanda.az xəbər verir ki, bu barədə ölkənin çimərlik futbolu assosiasiyasının mətbuat xidməti məlumat yayıb. “Sarı-göylər” sentyabrın 14-nə planlaşdırılan matça çıxmaqdan imtina edəcək. Beləliklə, Ukrayna yığması avtomatik olaraq Avroliqada dördüncü yeri tutacaq, Belarus komandası isə turnirin bürünc medallarının sahibi olacaq. Avroliqa-2025-in final qarşılaşmasında İspaniya və İtaliya milliləri qarşılaşacaq. Belarus Ukraynaya işğalçı hücumlarını davam etdirən Rusiyanın ən yaxın dəstəkçilərindən biridir. source

“Barselona”nın və İspaniya millisinin sabiq futbolçusu Qaiska Mendieta hazırda “Inter Mayami”də çıxış edən Lionel Messi barədə fikirlərini bölüşüb. Komanda.az xarici KİV-ə istinadən xəbər verir ki, o, argentinalı forvardı dünyanın ən yaxşı futbolçusu adlandırıb: “Ən yaxşı futbolçu hələ də Messidir, onun səviyyəsində başqa oyunçu yoxdur. O, futbolu, istedadı, ustalığı və gözəlliyi təcəssüm etdirir… Messi bizim futbol anlayışımızın canlı nümunəsidir. Uzun müddət keçməlidir ki, onun mövqeyini əvəzləyəcək kimisə görək”. 38 yaşlı Messi karyerası ərzində 8 dəfə “qızıl top”un sahibi olub. O, 2022-ci ildə Argentina millisi ilə dünya çempionu tituluna yiyələnib. source...

Albaniya çempionatında 3-cü turun oyunları keçirilib. Komanda.az xəbər verir ki, azərbaycanlı hücumçu Vüsal İsgəndərlinin komandası “Partizani” də növbəti matçına çıxıb. Sözügedən komanda səfərdə “Vlajniya” ilə qarşılaşıb və 1:4 hesablı məğlubiyyətə üzülüb. İsgəndərli start heyətdə yer alıb və 68-ci dəqiqədə əvəzlənib. Komandasının yeganə qolunu da 26-cı dəqiqədə azərbaycanlı futbolçu vurub. source

Xorvatiya çempionatında 6-cı turun oyunları keçirilir. Komanda.az xəbər verir ki, azərbaycanlı futbolçu Rüfət Abdullazadənin formasını geydiyi “Varajdin” evdə “Hayduk”la (Split) qarşılaşıb. 24 yaşlı yarımmüdafiəçi 2:0 hesablı qələbəyə sevindikləri oyunda bir hissə oynayıb. O, start heyətdə meydana çıxıb. 6 turdan sonra 9 xalı olan “Varazdin” 3-cü pillədə qərarlaşıb. source

Karlo Ançelotti Braziliya millisində uzun müddət çalışmaq niyyətindədir. Komanda.az xarici KİV-ə istinadən xəbər verir ki, 66 yaşlı mütəxəssis burada xoşbəxt olduğunu bildirib: “2023-cü ildən bəri Braziliya millisinin baş məşqçisi olmaq istəyirdim. Komandanı dünya çempionatına hazırlamaq çox xüsusi bir hissdir. Mən bir illik müqavilə imzaladım və həmin anda bu, düzgün qərar idi. Mundialdan sonra hər kəs öhdəliklərdən azad olacaq. Federasiya əməkdaşlığı davam etdirmək istəsə, mənim üçün problem olmayacaq. Burada xoşbəxtəm, ailəm də həmçinin. Bu barədə düşünə bilərik. Mən Braziliya millisində işimi davam etdirməyə qarşı deyiləm. 2030-cu ilə qədər qalmaq əla olardı”. Bu ilin may ayında Braziliya millisinin “sükanı arxasına” keçən italiyalı baş məşqçinin müqaviləsinin müddəti DÇ-20...

Fransalı hücumçu Antoni Marsial karyerasını Meksika çempionatında davam etdirəcək. Komanda.az xarici KİV-ə istinadən xəbər verir ki, “Monako” və “Mançester Yunayted”də çıxış etmiş forvard “Monterrey” klubunun futbolçusu olub. O, burada “Real” və PSJ-nin sabiq müdafiəçisi Serxio Ramosla birgə oynayacaq. “Transfermarkt”-ın məlumatına görə, meksikalılar Marsial üçün Yunanıstanın AEK klubuna 3,8 milyon avro ödəyib. Futbolçu “Monterrey”lə iki illik müqavilə imzalayıb. Sözləşmədə müddətin əlavə bir mövsüm uzadılma imkanı da nəzərdə tutulub. 28 yaşlı forvard ötən mövsüm Yunanıstan çempionatında 19 oyunda iştirak edib və 7 qol vurub. source