Dünya Futbolu

UEFA Çempionlar Liqasının liqa mərhələsinin ilk turundan sonra “Opta” superkompüteri turnirin favoritlərini müəyyənləşdirib. Komanda.az xarici KİV-ə istinadən xəbər verir ki, superkompüter ən çox uğur şansını hələ də “Liverpul”a verir – 19,9 faiz (öncə 20,4 faiz). İkinci yerdə digər Premyer Liqa klubu “Arsenal” (16 faiz), üçüncü sırada isə Fransa çempionu PSJ (12,7 faiz) qərarlaşıb. Hazırda ümumi mərhələnin turnir cədvəlinə “Ayntraxt” (Frankfurt) başçılıq edir. İkinci yerdə PSJ, üçüncüdə isə Belçikanın “Brügge” komandası qərarlaşıb. Hər üç klubun hesabında 3 xal var. Eyni xala sahib “Qarabağ” 10-cu pillədədir. Çempionlar Liqasının hazırkı qalibi PSJ-dir. source...

“Benfika”nın yeni baş məşqçisi Joze Mourinyo Çempionlar Liqasının ilk turunda Lissabonda “Qarabağ”a 2:3 hesabı ilə uduzduqları oyunu şərh edib. Komanda.az “A Bola”-ya istinadən xəbər verir ki, Mourinyo Azərbaycan çempionuna məğlubiyyət haqda bunları deyib: “Həmişə qazanmaq istəyirik. Amma iki gün əvvəl “Qarabağ”a uduzduğumuz kimi uduza bilmərik. Bu, “Benfika” deyildi. “Benfika” 30 dəqiqə “Fənərbaxça” ilə görüşdə bir nəfər azlıqda oynayan və sonda müsbət nəticə əldə edən komandadır. Məhz bu, özümü tanıyandan bu yana gördüyüm “Benfika”dır”. “Qarabağ”la oyundan sonra “Benfika”nın keçmiş baş məşqçisi Bruno Laje istefaya göndərilib. Onu bu postda Joze Mourinyo əvəz edib. source...

“Qalatasaray”ın yarımmüdafiəçisi İlkay Gündoğan UEFA Çempionlar Liqasının “Ayntraxt”la səfər matçı (1:5) ilə bağlı fikirlərini bölüşüb. Komanda.az xarici KİV-ə istinadən xəbər verir ki, o, böyükhesablı məğlubiyyətə baxmayaraq, komandasına inandığını söyləyib: “Rəqibin ilk qolu bu oyunda dönüş nöqtəsi oldu. Bundan sonra meydanda bizim üçün çox şey əldə etmədik. Növbəti matçda daha yaxşı oynamalıyıq. Həmrəy olub bir-birimizə dəstək olmalıyıq. Komandamıza inanıram”. Türkiyə klubu Çempionlar Liqasında növbəti oyununu evdə “Liverpul”a qarşı keçirəcək. source

UEFA Çempionlar Liqasının ilk turunda “Kayrat” səfərdə Lissabon “Sportinq”inə 1:4 hesabı ilə məğlub olub. Komanda.az “sports.kz”-ya istinadən xəbər verir ki, komandanın baş məşqçisi Rafael Urazbaxtin oyundan sonra nəticə ilə bağlı fikirlərini bildirib: “Çox üzücü nəticədir. Bizim üçün oyun 60-cı dəqiqədən sonra faktiki olaraq bitdi. İndi isə irəli baxmaq, növbəti matça hazırlaşmaq lazımdır”. “Kayrat” ÇL-in ikinci turunda doğma meydanda “Real”ı qəbul edəcək. Qarşılaşma sentyabrın 30-da keçiriləcək. source

UEFA Çempionlar Liqasının ilk turunda “Napoli” səfərdə “Mançester Siti”yə 0:2 hesabı ilə məğlub olub. İtaliya çempionları artıq 21-ci dəqiqədə meydanda azlıqda qalıblar – komandanın kapitanı Covanni Di Lorenzo qırmızı vərəqə alıb. Qonaqlar ilk hissəni tab gətirsələr də, fasilədən sonra iki qol buraxıblar. Komanda.az BBC-yə istinadən xəbər verir ki, “Napoli”nin baş məşqçisi Antonio Konte 0:2 hesabı ilə məğlub olduqları oyunu belə şərh edib: “Mançester Siti” ilə bərabər heyətlə qarşılaşmaq çətindir, 20-ci dəqiqədə azlıqda qalanda isə bu, ümumiyyətlə mümkün deyil. Biz yaxşı müdafiə olunduq, sadəcə qollar zamanı daha diqqətli ola bilərdik. Futbolçulara iradım yoxdur. Həm münasibət, həm də fədakarlıq yüksək səviyyədə idi. Mən inanıram ki, say baxımından bərabər olsaydıq, hər şey fərqli...

“Mançester Siti”nin hücumçusu Erlinq Haland UEFA Çempionlar Liqasında tarixi nailiyyətə imza atıb. Norveçli forvard ümumi mərhələnin ilk turunda “Napoli” ilə görüşdə (2:0) hesabı açaraq turnirdəki 50-ci qolunu vurub. O, bunu oyunun 56-cı dəqiqəsində gerçəkləşdirib. Komanda.az “Opta”-ya istinadən xəbər verir ki, Haland Çempionlar Liqasının tarixində 50 qola ən tez çatan futbolçu olub. Ona bunun üçün cəmi 49 oyun kifayət edib. Əvvəlki rekord 62 matçla Rud van Nistelroya məxsus idi. Haland “Mançester Siti”yə 2022-ci ilin yayında keçib. O, bundan əvvəl Dortmund “Borussiya”sı və “Zalsburq”un heyətində çıxış edib. source

“Mançester Siti” UEFA Çempionlar Liqasının ilk turunda evdə “Napoli” üzərində 2:0 hesablı qələbə qazanıb. Qonaqlar ilk hissədə azlıqda qalıb. Bundan sonra meydan sahibləri ikinci hissədə üstünlüyünü dəyərləndirərək iki qol vurub. “Şəhərlilər”in qollarını Erlinq Haland və Ceremi Doku vurub. “Mançester Siti”nin baş məşqçisi Pep Qvardiola “Napoli” üzərindəki qələbə ilə bağlı fikirlərini bölüşüb. Komanda.az “TNT Sports”-a istinadən xəbər verir ki, ispaniyalı mütəxəssis çox razı olduğunu deyib: “Son iki oyunda komandamız tamamilə başqa görkəm alıb: oyunçular həm müdafiədə, həm də hücumda soyuqqanlıdır, bədən dili hər şeyi deyir. Mən çox razıyam. “Arsenal”la qarşılaşmaya bu əhval-ruhiyyədə getmək xoşdur”. “Arsenal” – “Mançester Siti” matçı sentyabrın 21-də Londonda keçiriləcək. ...

UEFA Çempionlar Liqasının ümumi mərhələsinin ilk turunda “Barselona” səfərdə “Nyukasl” üzərində 2:1 hesablı qələbə qazanıb. Komanda.az “TNT Sports”-a istinadən xəbər verir ki, Kataloniya klubunun baş məşqçisi Hans-Diter Flik oyundan sonra təəssüratlarını bölüşüb: “Stadionda fantastik atmosfer var idi. “Nyukasl”ın necə intensiv oynadığını gördük və bunu gözləyirdik də. Biz öz gücümüzə inanırdıq, özümüzə güvənirdik. Çempionlar Liqasına üç xalla başlamaq çox vacibdir. Ötən il startı “Monako”ya məğlubiyyətlə açmışdıq. Bu qələbə bizə daha da inkişaf etməkdə kömək edəcək”. “Barselona” ÇL-in ikinci turunda növbəti matçını doğma meydanda keçirəcək. source...

Çempionlar Liqasında əsas mərhələnin 1-ci turunun oyunları keçirilir. Komanda.az xəbər verir ki, bu gün Danimarkanın “Kopenhagen” komandası doğma meydanda Almaniya “Bayer”i ilə qarşılaşıb. Dörd qolluq matçda qalib müəyyənləşməyib – 2:2. Meydan sahibləri iki dəfə hesabda önə keçmələrinə baxmayaraq, yekunda bu üstünlüyü əldən veriblər. Bu qarşılaşmanı azərbaycanlı referi Əliyar Ağayev idarə edib. O, meydan sahiblərinin 3, qonaqların 2 futbolçusuna sarı vərəqə göstərib. “Kopenhagen” ÇL-in Liqa mərhələsində “Qarabağ”ın rəqiblərindən biridir. Sözügedən komanda oktyabrın 1-də Bakıda Azərbaycan çempionunun qonağı olacaq. source

“Benfika” Joze Mourinyonu baş məşqçi postuna təyin etdiklərini açıqlayıb. Komanda.az xəbər verir ki, bu barədə klubun mətbuat xidməti məlumat yayıb. Lissabon təmsilçisi ilə 62 yaşlı mütəxəssis arasında imzalanan müqavilənin müddəti 2026/2027 mövsümünün sonuna qədər davam edəcək. Mourinyo bu postda ötən gün istefaya göndərilən Bruno Lajeni əvəzləyib. Laje Çempionlar Liqasının əsas mərhələsində “Qarabağ”a 2:3 hesablı məğlubiyyətdən sonra işindən qovulub. source