Dünya Futbolu

FİFA 2026-cı il dünya çempionatının biletlərinin satışına start verib. Turnir gələn yay ABŞ, Kanada və Meksikada keçiriləcək. İlk biletlər lotereya yolu ilə seçilən azarkeşlərə təqdim olunacaq. Komanda.az, qurumun açıqlamasına istinadən xəbər verir ki, qaliblərə artıq e-mail vasitəsilə məlumat göndərilib və ya yaxın günlərdə göndəriləcək. Dünya çempionatının final matçına ən bahalı biletlərin qiyməti 6000 ABŞ dollarından çoxdur. Ümumilikdə isə FİFA-ya 4,5 milyon bilet müraciəti daxil olub. source

“Benfika”nın yeni baş məşqçisi Joze Mourinyo klubun prezidenti Ruy Koşta ilə nahar zamanı “Milan”ın keçmiş müdafiəçisi Alessandro Kostakurtadan danışdıqlarını açıqlayıb. Komanda.az xəbər verir ki, portuqaliyalı mütəxəssis “pianetamilan.it”-ə verdiyi açıqlamada bunu deyib: “Ruy dünən nahar zamanı Kostakurtadan danışırdı. Deyir ki, o, çox sürətli deyildi, çox cəsur deyildi, bəzən yaxşı deyildi. Amma buna baxmayaraq, dünyanın ən yaxşılarından biri idi”. Kostakurta 1986-2007-ci illərdə “Milan”da çıxış edib. “Qarabağ” UEFA Çempionlar Liqasının ilk turunda səfərdə “Benfika”nı məğlub edib – 3:2. source

“Mançester Siti”nin qapıçısı Canluici Donnarumma dünya futbolunda ən yaxşı qolkiperin kim olduğunu açıqlayıb. Komanda.az xarici KİV-ə istinadən xəbər verir ki, jurnalistin “özünüzü nəzərə almasaz, ən yaxşı qapıçı kimdir” sualına 26 yaşlı qolkiper qısa cavab verib: “Yan Oblak”. Donnarumma ötən günlərdə keçirilən “qızıl top” mükafatlandırma mərasimində ən yaxşı qapıçı adına layiq görülüb. “Atletiko”nun formasını geyinən Yan Oblak da namizədlər sırasında olub, ancaq o, səsvermənin nəticələrinə görə yeddinci olub. İtaliyalı qolkiper bu ilin sentyabrında PSJ-dən “Mançester Siti”yə transfer olunub. O, ötən mövsüm Paris klubunun tarixində ilk dəfə UEFA Çempionlar Liqasını qazanmasında mühüm rol oynayıb. source...

Niderland millisinin sabiq futbolçusu Bas Dost nəhayət ki, futbolla vidalaşıb. Komanda.az xəbər verir ki, bu barədə “vi.nl” məlumat yayıb. Niderlandlı futbolçu iki il əvvəl səhhətində yaranan problemlərə görə meydançaya çıxmamaq məcburiyyətində qalmışdı. O, əvvəlcə karyerasını davam etdirməyə ümid edirdi, ancaq reabilitasiya prosesi uğurlu alınmayıb. Eyni xəstəliklə üzləşən Kristian Eriksen və Deyli Blinddən fərqli olaraq, onun ürək problemləri aradan qalxmayıb. Dostun uğurlu karyerası olub. O, Portuqaliyanın “Sportinq” (93 qol), Almaniyanın “Volfsburq” (48 qol) klublarında çıxış edib və bu ölkələrin hər birində bir kubok qazanıb. 2021-ci ildə isə “Brügge” ilə Belçika çempionu olub. Dost Niderland millisinin heyətində 18 oyunda 1 qol vurub. source...

Futbol mütəxəssisi Pol Merson “Çelsi”nin bu yay qapı xəttini gücləndirməli olduğunu düşünür.Komanda.az xarici KİV-ə istinadən xəbər verir ki, o, bunu deyib: “Yayda xərclədikləri külli miqdarda pulu nəzərə alsaq, onların qapıçı almadıqlarına inana bilmirəm. Yaxşı qapıçı olmadan böyük turnirlərdə qalib gələn komandanın adını çəkə bilərsizmi? Heç birini tapa bilməzsən”. “Çelsi” “Qarabağ”ın UEFA Çempionlar Liqasındakı rəqiblərindən biridir. source

Serxio Buskets mövsümün sonunda peşəkar futbolçu karyerasına son qoyacağını açıqlayıb. 37 yaşlı yarımmüdafiəçi hazırda ABŞ-ın “İnter Mayami” klubunda çıxış edir. Onun müqaviləsinin müddəti 2025-ci ilin 31 dekabrına qədər qüvvədə olsa da, ispaniyalı futbolçu noyabr və ya dekabr ayında karyerasını başa vurmağı planlaşdırır. Komanda.az xəbər verir ki, Buskets sosial şəbəkə hesabındakı paylaşımında həm futbola, həm də bütün azarkeşlərə ürəkdən təşəkkür etdiyini bildirib: “Həm futbola, həm də bütün azarkeşlərə ürəkdən təşəkkür edirəm. Siz hər zaman bu möhtəşəm hekayənin bir hissəsi olacaqsız”. Buskets İspaniya millisinin heyətində böyük uğurlara imza atıb. O, milli komanda ilə 2010-cu ildə dünya, 2012-ci ildə isə Avropa çempionu olub. “Barselona” ilə 3 dəfə UEFA Çempionlar Liqasının...

Polşa kubokunun 1/8 final mərhələsinin oyunları keçirilib. Komanda.az xəbər verir ki, Renat Dadaşovun formasını geyindiyi “Motor”(Lublin) “Arka” ilə qarşılaşıb və 0:1 hesabı ilə məğlub olub. Meydana start heyətində çıxan Dadaşov 61-ci dəqiqədə əvəzlənib. “Motor” bu məğlubiyyətlə turnirdəki iştirakını başa vurub. source

Avropa Liqasının əsas mərhələsinin ilk turuna yekun vurulub. Komanda.az xəbər verir ki, son gündə daha 9 oyun baş tutub. “Aston Villa” “Bolonya”nı, “Ştutqart” isə “Selta”nı məğlub yola salıb. Avropa LiqasıLiqa mərhələsi, 1-ci tur24 sentyabr Qou Ehed İqlz (Niderland) – Styaua (Rumıniya) 0:1Qol: Mikulesku, 13. Lill (Fransa) – Brann (Norveç) 2:1Qollar: İqamane, 54. Jiru, 80 – Maqnusson, 60. Aston Villa (İngiltərə) – Bolonya (İtaliya) 1:0Qol: Makqinn, 13. Yanq Boyz (İsveçrə) – Panatinaikos (Yunanıstan) 1:4Qollar: Yanko, 25 – Sviderski, 10. Zaruri, 13; 19; 68. Zalsburq (Avstriya) – Portu (Portuqaliya) 0:1Qol: Uilyam Qomes, 90+3. Utrext (Niderland) – Olimpik (Lion, Fransa) 0:1Qol: Tessmann, 75. Ferentsvaroş (Macarıstan) – Viktoriya (Çexiya) 1:1Qollar: Pe...

İngiltərəli sabiq hücumçu Alan Şirer “Barselona”nın vingeri Lamin Yamalın perspektivləri ilə bağlı fikirlərini bölüşüb. Komanda.az xarici KİV-ə istinadən xəbər verir ki, o, ispaniyalı futbolçunun gələn il “qızıl top”u qazanmaq üçün şanslarının yaranacağını deyib:“Yamal və Osman Dembeleni yenidən izləmək maraqlı olacaq. İspaniya və Fransa yığmaları, Argentina millisi kimi, çox güman ki, gələn yay dünya çempionatında irəli gedəcəklər və Yamal “qızıl top”a açıq-aşkar namizəd olacaq”. 18 yaşlı hücumçu “qızıl top”un səsverməsində “ilk beşliy”ə daxil olan Vitinyo, Məhəmməd Salah və Rafinyanı qabaqlayaraq, Osman Dembeledən sonra ikinci olub. source

“Mançester Yunayted”in sabiq futbolçusu Rio Ferdinand “Barselona”nın hücumçusu Rafinya Diasın “qızıl top”un səsverməsində beşinci yeri tutmasını şərh edib. Komanda.az xarici KİV-ə istinadən xəbər verir ki, o, braziliyalı futbolçunu heç kimin dəstəkləmədiyini söyləyib:“Barselona”nın və İspaniya mətbuatının Rafinyanı müzakirə etdiyini eşitdim. Niyə o beşinci yeri tutdu? “Qızıl top”a bütün hazırlıq zamanı onlar heç vaxt Rafinyanın adını çəkmədilər, hamı yalnız Lamin Yamaldan danışırdı. İndi Rafinyanın daha çox şeyə layiq olduğunu deyirlər. Amma həqiqət budur ki, Rafinyanı heç kim dəstəkləməyib”. 28 yaşlı futbolçu 2024/25 mövsümündə bütün turnirlərdə 57 oyun keçirib, 34 qol vurub və 25 məhsuldar ötürmə edib. source...