Dünya Futbolu

“İnter”in və Niderland millisinin müdafiəçisi Denzel Dumfris 2025-ci ilin “qızıl top” səsverməsində Erlinq Halandı geridə qoymasına təəccübləndiyini bildirib. Səsvermənin yekunlarına əsasən, Dumfris 25-ci, “Mançester Siti”nin norveçli hücumçusu Haland isə 26-cı pillədə qərarlaşıb. Komanda.az xarici KİV-ə istinadən xəbər verir ki, niderlandlı futbolçu bu nəticəni böyük qürurla qarşılayıb: “Belə bir tədbirdə dünyanın ən güclü futbolçuları ilə yanaşı olmaq mənim üçün xüsusi hiss idi. İlk 30-luğa düşmək böyük şərəfdir. Vau, mən səsvermədə Halandı qabaqladım! Bu, mövsüm ərzində çoxsaylı uğurlu oyunların ardından mənim üçün bayram anı idi”. “Qızıl top” mükafatının qalibi adına PSJ-nin fransalı futbolçusu Osman Dembele layiq görülüb. source...

Portuqaliya millisinin və “Əl-Nəsr”in hücumçusu Kriştiano Ronaldo yığmanın qarşıdakı oyunları ilə bağlı fikirlərini bölüşüb. Komanda.az xarici KİV-ə istinadən xəbər verir ki, 40 yaşlı futbolçu komandanın əsas hədəfinin yaxın iki qarşılaşmadan maksimum nəticə əldə etmək olduğunu bildirib: “Komanda yoldaşlarıma minnətdaram. Həm mənimlə bir dövrdə oynayanlara, həm də yeni nəsil futbolçulardan öyrəndiyim hər şey üçün. Qarşıdakı məqsədimiz aydındır: hər iki oyunda qalib gəlmək və dünya çempionatına vəsiqə qazanmaq. Dünya çempionatında nə baş verəcəyini isə zaman göstərəcək”. Portuqaliya millisi 11 və 14 oktyabr tarixlərində DÇ-2026-nın seçmə mərhələsi çərçivəsində müvafiq olaraq İrlandiya və Macarıstan yığmaları ilə qarşılaşacaq. source...

“Napoli”nin yarımmüdafiəçisi Stanislav Lobotka zədəyə görə Slovakiya millisinin heyətindən çıxarılıb. Aparılan tibbi müayinələr zamanı futbolçunun bud əzələsində problem aşkarlanıb. Lobotkanın zədəsinin bazar günü A Seriyasının “Cenoa” ilə oyununda (2:1) alındığı bildirilib. Komanda.az xarici KİV-ə istinadən xəbər verir ki, slovakiyalı yarımmüdafiəçinin 3–4 həftə yaşıl meydanlardan uzaq qalacağı gözlənilir. “Napoli”də başqa bir futbolçu – vinger Matteo Politano da zədəlidir. Slovakiya yığması 2026-cı il dünya çempionatının seçmə mərhələsi çərçivəsində oktyabrın 10-da Şimali İrlandiya, 13-də isə Lüksemburqla qarşılaşacaq. “Napoli” UEFA Çempionlar Liqasında “Qarabağ”ın rəqiblərindən biridir. The post “Qarabağ”ın rəqibinin futbolçusu millidən...

Portuqaliyalı mütəxəssis Serjio Konseysao “Əl-İttihad”ın yeni baş məşqçisi təyin olunub. Komanda.az xarici KİV-ə istinadən xəbər verir ki, “Portu” və “Milan”ın sabiq çalışdırıcısı Səudiyyə Ərəbistanı təmsilçisi ilə müddəti 2027-ci ilin iyununa qədər olan müqavilə imzalayıb. 50 yaşlı mütəxəssis sentyabrın sonunda vəzifəsindən uzaqlaşdırılan Loran Blanı əvəz edib. “Əl-İttihad” hazırda 4 turun ardından Səudiyyə Ərəbistanı çempionatının turnir cədvəlinin 3-cü pilləsində qərarlaşıb. source

“Əl-Əhli”nin futbolçusu Julian Draksler PSJ-də Lionel Messi və Neymarla birlikdə oynaması ilə bağlı xatirələrini bölüşüb. Komanda.az xarici KİV-ə istinadən xəbər verir ki, almaniyalı futbolçu bunu söyləyib:“Mən Messini tarixin ən yaxşı futbolçusu hesab edirəm. Amma Neymarı da qeyd etmək istəyirəm. O, PSJ-yə keçəndə bu, inanılmaz idi”. Messi 2021-2023-cü illərdə PSJ-də çıxış edib. Neymar isə 6 il Fransa klubunun heyətində olub. Messi hazırda “İnter Mayami”də, Neymar “Santos”da oynayır. source

DÇ-2026-nın seçmə mərhələsində İslandiya və Azərbaycan milliləri ilə üz-üzə gələcək Ukrayna yığması daha bir itki ilə üzləşib. Komanda.az Ukrayna Futbol Assosiasiyasının rəsmi saytına istinadən xəbər verir ki, müdafiəçi Aleksandr Timçik komandasına kömək edə bilməyəcək. Buna səbəb Kiyev “Dinamo”sundan heyətə cəlb edilən oyunçunun zədəli olmasıdır. Daha əvvəl yarımmüdafiəçi Viktor Sıqankov zədəli olduğu üçün kollektivdən ayrılıb. Qeyd edək ki, Ukrayna millisi D qrupunda oktyabrın 10-da Reykyavikdə İslandiya, 13-də isə Krakovda Azərbaycan millisi ilə üz-üzə gələcək. source

Səudiyyə Ərəbistanının “Neom” klubunda çıxış edən əlcəzairli vinger Said Benrahma 2023-cü ilin yayında xoşagəlməz hadisənin iştirakçısı olub. Komanda.az xarici KİV-ə istinadən xəbər verir ki, onun itləri – buldoq cinsindən olan itlər kənar şəxsə hücum edib. Hadisə məhkəmə mərhələsinə çatıb. Benrahma məhkəmənin ilk iclasına qatılmayıb, ancaq qanunvericiliyə əsasən, bir ay ərzində ya məhkəmədə iştirak etməli, ya da izahatını onlayn şəkildə təqdim etməlidir. 2023-cü ilin sonundan Böyük Britaniyada bu cins itlərin saxlanma qaydaları sərtləşdirilib, bir sıra hallarda isə məhz bu kimi insidentlər səbəbindən dəyişikliklər edilib. 30 yaşlı futbolçu artıq İngiltərəni və “Vest Hem”i tərk edib və hazırda Səudiyyə Ərəbistanında çıxış edir. source...

Ukrayna millisinin baş məşqçisi Sergey Rebrovun “Real”da çıxış edən qapıçı Andrey Lunini komandaya çağırmamasının səbəbi bilinib. Komanda.az xəbər verir ki, yerli insayder İqor Burbas baş məşqçi ilə 26 yaşlı qolkiper arasında mübahisənin yarandığını bildirib. Onun sözlərinə görə, Lunin komandanın əsas qapıçısı olacağı ilə bağlı təminat istəyib. O, bunun olmayacağı təqdirdə, yığmaya gəlməkdə maraqlı olmadığını vurğulayıb. Sergey Rebrov rəqabətdə qalib gələn qapıçının start heyətində matçlara çıxacağını deyib və Luninə dəvət göndərməyib. Lunin cari mövsümdə “Real”ın heyətində matça çıxmayıb. Ukrayna millisi D qrupunda, oktyabrın 10-da Reykyavikdə İslandiya, 13-də isə Krakovda Azərbaycan millisi ilə üz-üzə gələcək. Hazırda komandanın əsas qapıçısı “Benfika”nın üzvü Anatoli Tru...

“Real”ın yarımmüdafiəçisi Federiko Valverde yaxın günlərdə Uruqvay millisinin keçiriəcəyi yoxlama görüşlərində iştirak etməyəcək. Komanda.az xəbər verir ki, bu barədə ESPN məlumat yayıb. Uruqvaylı futbolçunun milliyə çağırılmaması sağlamlıq problemləri ilə bağlı deyil. Belə qərar Valverde ilə yığmanın baş məşqçisi Marselo Byelsa arasında aparılan söhbətdən sonra verilib. Uruqvay yığması oktyabrda iki yoxlama oyunu keçirəcək. Komanda Dominikan Respublikası və Özbəkistan milliləri ilə qarşılaşacaq. Valverde indiyədək Uruqvay millisinin heyətində 71 oyuna çıxıb, 8 qol vurub. source

UEFA İspaniya və İtaliya çempionatlarının iki oyununun bu ölkələrdən kənarda keçirilməsini təsdiqləməyi qərara alıb. Komanda.az xəbər verir ki, bu barədə təşkilatın mətbuat xidməti tərəfindən dərc edilmiş bəyanatda deyilir. Daha əvvəl İspaniya Futbol Federasiyası “Barselona” və “Vilyarreal” arasındakı matçın Mayamidə keçirilməsi ilə bağlı sorğu göndərib, İtaliya Futbol Federasiyası isə “Milan” və “Komo” oyununun Avstraliyada keçirilməsi ideyasını təsdiqləyib. “Bu iki oyunun ölkələrdən kənarda keçirilməsinin zəruriliyi barədə təəssüflənməyimizə baxmayaraq, bu qərar müstəsnadır və presedent yaratmaq kimi qəbul edilməməlidir. Bizim məqsədimiz aydındır: milli liqaların bütövlüyünü qorumaq və futbolun öz doğma mühitində qalmasını təmin etmək”, – UEFA-nın rəhbəri Aleksander Çeferin bild...