Dünya Futbolu

“Mançester Siti”nin baş məşqçisi Pep Qvardiola “Barselona”nın Hans-Diter Flikin rəhbərliyi altında göstərdiyi oyun haqda fikirlərini bölüşüb. Komanda.az “The Touchline”-a istinadən xəbər verir ki, 2008–2012-ci illərdə Kataloniya komandasını çalışdırmış ispaniyalı mütəxəssis, alman həmkarının işinə heyran qaldığını bildirib: “Onlara baxmaq böyük zövqdür. Deyirlər ki, məsələ müdafiədə deyil, ona görə də heç nəyi dəyişmirlər və bütün gücləri ilə irəli atılırlar. “Biz rəqibdən bir qol artıq vuracağıq” – bunu vaxtilə Yohan Kroyff demişdi. Flik isə bunu yeni səviyyəyə qaldırıb”. “Barselona” hazırda La Liqanın turnir cədvəlində 2-ci pillədə qərarlaşıb və lider “Real”dan iki xal geri qalır. source...

“Santos”un hücumçusu Neymar klubunu dəyişə bilər. Komanda.az “Daily Mail“-ə istinadən xəbər verir ki, “İnter Mayami” braziliyalı futbolçunu heyətinə qatmaqda maraqlıdır. Forvardın agentləri transferlə bağlı danışıqlara hazırdır. 33 yaşlı futbolçu 2025/2026 mövsümündə 21 matçda meydana çıxıb, 6 qol vurub və 3 məhsuldar ötürmə edib. Onun Braziliya klubu ilə hazırkı müqaviləsi dekabrın sonunda başa çatacaq. “İnter Mayami”də Neymarın “Barselona”da birlikdə oynadığı Lionel Messi də forma geyinir. source

“Real” klubu Fransa millisinin Azərbaycan yığmasıyla oyununda (3:0) hücumçu Kilian Mbappenin topuq biləyindən aldığı zədədən narazıdır. Komanda.az “Marca”-ya istinadən xəbər verir ki, “Real”ı narazı salan futbolçunun demək olar ki, bütün oyunu oynamasıdır: “Real”ın Mbappenin Fransa millisində oynayacağı dəqiqələrin sayı ilə bağlı razılaşmaya bənzəyən heç nə yox idi. Amma təəccüblüdür ki, o, demək olar ki, bütün matçı keçirdi”. Hücumçu daha əvvəl ayaq biləyindən zədə alıb və bu, onu bütün həftə məşqini dayandırmağa məcbur edib. Ancaq o, dünən əvəzlənmədən əvvəl 80 dəqiqədən çox oynayıb. Oktyabrın 10-da “Park de Prens”də Fransa – Azərbaycan oyunu keçirilib. Meydan sahibləri 3:0 hesabı ilə qalib gəliblər. Mbappe matçda bir qol vurub. The post &#...

DÇ-2026-nın Avropa zonası üzrə seçmə mərhələsində bu gün daha 8 qarşılaşma keçiriləcək. Komanda.az xəbər verir ki, E qrupunda yer alan Türkiyə millisi səfərdə Bolqarıstanla qarşılaşacaq. Eyni qrupda İspaniya doğma meydanda Gürcüstanı qəbul edəcək. DÇ-2026, seçmə mərhələ 11 oktyabr E qrupu 22:45 Bolqarıstan – Türkiyə 22:45 İspaniya – Gürcüstan F qrupu 20:00 Macarıstan – Ermənistan 22:45 Portuqaliya – İrlandiya I qrupu 20:00 Norveç – İsrail 22:45 Estoniya – İtaliya K qrupu 17:00 Latviya – Andorra 22:45 Serbiya – Albaniya source

DÇ-2026-nın seçmə mərhələsinin matçında Ukrayna millisi səfərdə İslandiya yığmasını 5:3 hesabı ilə məğlub edib. Komanda.az xarici KİV-ə istinadən xəbər verir ki, ukraynalıların baş məşqçisi Sergey Rebrov oyundan sonra nəticəni şərh edib: “Çox çətin oyun olacağını bilirdik. Uşaqlara minnətdaram. Burada bütün komandalara oynamaq çox çətindir və bu meydanda beş qol vurmaq həqiqətən də asan deyil”. Səfərdəki qələbədən sonra Ukrayna millisi 4 xalla qrupunda ikincidir. Fransa yığması 9 xalla liderdir. İslandiya yığması 3 xalla üçüncü, Azərbaycan millisi 1 xalla sonuncudur. Ukrayna millisi oktyabrın 13-də DÇ-2026-nın seçmə mərhələ oyununda Azərbaycan yığmasıyla qarşılaşacaq. source...

“Real”ın futbolçusu Franko Mastantuono Argentina millisinin qarşıdakı oyununda iştirak edə bilməyəcək. Dünya çempionları dünən gecə Venesuela yığması ilə yoxlama matçına çıxıb (1:0). Üç gün sonra isə rəqib Puerto-Riko olacaq. Komanda.az xarici KİV-ə istinadən xəbər verir ki, 18 yaşlı vinger əzələ yüklənməsi səbəbindən Venesuela ilə matçı buraxmalı olub. O, Puerto-Riko ilə oyunda da olmayacaq. Bununla belə, Mastantuononun bərpa prosesinin sürətlə getdiyi və 19 oktyabrda keçiriləcək “Real” – “Xetafe” oyunu üçün hazır olacağı bildirilir. source

DÇ-2026-nın Avropa zonası üzrə seçmə mərhələsində daha 8 qarşılaşma baş tutub. Komanda.az xəbər verir ki, D qrupunda yer alan Azərbaycan millisinin rəqiblərindən İslandiya evdə Ukraynanı qəbul edib və məğlub olub. A qrupunda Almaniya Lüksemburqla üz-üzə gəlib və darmadağına sevinib. DÇ-2026, seçmə mərhələ10 oktyabr A qrupu Almaniya – Lüksemburq 4:0Qollar: Raum, 12. Kimmix, 21-pen; 50. Qnabri, 48. Şimali İrlandiya – Slovakiya 2:0Qollar: Hroşovski, 18-öz qapısına. Hume, 81. Xallar: Almaniya – 6. Şimali İrlandiya – 6. Slovakiya – 6. Lüksemburq – 0. B qrupu İsveç – İsveçrə 0:2Qollar: Caka, 65-pen. Manzami, 90+4. Kosovo – Sloveniya 0:0 Xallar: İsveçrə – 9. Kosovo – 4. Sloveniya – 2. İsveç – 1. D qrupu Fransa – Azərbaycan 3:0Qollar: Mbappe, 45+2. Rabyo, 69....

Braziliya millisi yoxlama görüşündə Cənubi Koreyanı böyük hesabla məğlub edib. Komanda.az xəbər verir ki, “sambaçılar” səfərdə rəqibinin qapısından 5 cavabsız top keçiriblər. Qonaqların heyətində Estevan Villian (13, 47), Rodriqo (41, 49) və Vinisius Junior (77) fərqləniblər. Karlo Ançelottinin baş məşqçisi olduğu Braziliya yığması növbəti yoxlama oyununu 4 gün sonra Yaponiyaya qarşı keçirəcək. source

Avstriya millisinin hücumçusu Marko Arnautoviç dünya çempionatının seçmə mərhələsində San-Marino ilə ev oyununda məhsuldar çıxışla yadda qalıb. O, bu görüşdə dörd qol vuraraq komandasının 10:0 hesablı qələbəsində əsas pay sahiblərindən biri olub. Komanda.az xarici KİV-ə istinadən xəbər verir ki, bu poker sayəsində 35 yaşlı futbolçu Avstriya millisi tarixində ən çox qol vuran oyunçu adını qazanıb. Onun hesabında artıq 45 qol var. Arnautoviç bu göstərici ilə uzun illər rekordçu olmuş Toni Polsteri (44 qol) geridə qoyub. Ralf Ranqnikin rəhbərlik etdiyi Avstriya yığması bu qələbədən sonra xallarını 15-ə çatdıraraq H qrupunda liderliyə yüksəlib. source

FİFA prezidenti Canni İnfantino İsrail və Fələstin arasında əldə olunan sülh razılaşması barədə fikirlərini bölüşüb. Oktyabrın 9-da ABŞ prezidenti Donald Tramp İsrail və HƏMAS hərəkatının sülh prosesinin ilk mərhələsi üzrə razılığa gəldiyini açıqlayıb. Razılaşmaya əsasən, Qəzza zolağında atəşkəs elan edilib, həmçinin, orada saxlanılan israilli girovların azad olunması və İsrail həbsxanalarındakı bir çox fələstinli məhbusun buraxılması nəzərdə tutulur. Komanda.az xarici KİV-ə istinadən xəbər verir ki, FİFA prezidenti bu xəbəri “ümidverici addım” kimi qiymətləndirib: “Artıq atəşkəs əldə olunubsa, hamı buna sevinməlidir. Hər kəs bu prosesi dəstəkləməlidir. Bu, yalnız siyasətə deyil, futbola da aiddir. Bu razılaşmaya vasitəçilik edən və onu həyata keçirənlər böyük iş görüblər, indi qa...