Dünya Futbolu

“Real”ın sabiq baş məşqçisi Zinəddin Zidan “Barselona”nın oyunçusu Lamin Yamaldan təsirləndiyini etiraf edib. Komanda.az xarici KİV-ə istinadən xəbər verir ki, o, 18 yaşlı vingerin oyununa xüsusi heyranlıqla yanaşdığını bildirib: “Mənə kim xoş gəlir? Meydandakı mövqeyindən asılı olmayaraq, topa toxunduğu anda məni heyran edən bir futbolçu var – bu, Yamaldır. O, ötən mövsüm UEFA Çempionlar Liqasında “İnter”lə “San Siro”dakı görüşdə hər şeyi özü edirdi”. Zidan həmçinin, texnikası ilə diqqət çəkən digər futbolçuların adlarını da çəkib: “Sonra Vitinya və Joao Neveş yadıma düşür. Onlar topu heç vaxt itirmirlər”. Zinəddin Zidan futbolçu karyerasında “Yuventus”, “Real” və Fransa millisində çıxış edib, daha sonra “Real”ın baş məşqçisi kimi üç dəfə ardıcıl Çempionlar Liqasını qazanıb...

İtaliyalı məşqçi Fabio Kapello karyerası boyunca çalışdığı ən yaxşı futbolçunun adını açıqlayıb. Komanda.az xəbər verir ki, o, AS nəşrinə açıqlamasında braziliyalı sabiq hücumçu Ronaldonu seçib: “Mənim çalışdırdığım ən yaxşı futbolçu kim idi? Braziliyalı Ronaldo. O, partiləri çox sevirdi, bir az artıq çəkisi var idi və onu atmaq istəmirdi. Bir vaxt mən “Real”ın prezidenti ilə danışdım ki, Ronaldo ilə yolları ayırmalı olacağıq. Və o getdi. Amma bütün bunlara baxmayaraq, Ronaldo ən yaxşı idi”. Kapello Ronaldo ilə 2006-2007-ci illərdə “Real”da birgə çalışıb. source

“Real”ın sabiq baş məşqçisi Zinəddin Zidan hansı futbolçunu yenidən çalışdırmaq istədiyi haqda sualı cavablandırıb.Komanda.az xarici KİV-ə istinadən xəbər verir ki, fransalı mütəxəssis bunu söyləyib:“Luka Modriç, yoxsa Kriştiano Ronaldo? Hər iki futbolçu Kərim Benzema kimi əla oyunçudur. Təsəvvür edin: bir dəfə deyil, topu itirmədən bir saat yarım məşq. Bunu üç-dörd oyunçu edirdi: Modriç, Toni Kroos, Benzema və İsko. Ronaldo da təsirli qollar vururdu”. source

“İnter Mayami”nin hücumçusu, “qızıl top”un səkkizqat sahibi Lionel Messi Argentinanın U-20 millisinin dünya çempionatının yarımfinalına yüksəlməsinə münasibət bildirib. Argentinalı oyunçular 1/4 finalda Meksika yığmasını 2:0 hesabı ilə məğlub edərək, növbəti mərhələyə adlayıblar. Komanda.az xəbər verir ki, Messi sosial şəbəkə hesabında komandanı təbrik edərək, belə yazıb: “Uşaqları təbrik edirəm! Həmçinin, qol vurduğu üçün Toto Silyvettiyə də xüsusi təbriklər”. Argentinanın U-20 millisi finala vəsiqə uğrunda Kolumbiya ilə qarşılaşacaq. Oyun oktyabrın 16-da keçiriləcək. Yarımfinalın digər oyununda isə Mərakeş və Fransa yığmaları üz-üzə gələcək. source...

DÇ-2026-nın Avropa zonası üzrə seçmə mərhələsinin oyunları davam edir. Komanda.az xəbər verir ki, bu gün dörd qrupda 8 qarşılaşma keçiriləcək. DÇ-2026, seçmə mərhələ 13 oktyabr A qrupu 22:45. Şimali İrlandiya – Almaniya22:45. Slovakiya – LüksemburqXal: Almaniya – 6, Şimali İrlandiya – 6, Slovakiya – 6, Lüksemburq – 0. B qrupu 22:45. İsveç – Kosovo22:45. Sloveniya – İsveçrəXal: İsveçrə – 9, Kosovo – 4, Sloveniya – 2, İsveç – 1. D qrupu 22:45. İslandiya – Fransa22:45. Ukrayna – AzərbaycanXal: Fransa – 9, Ukrayna – 4, İslandiya – 3, Azərbaycan – 1. J qrupu 22:45. Uels – Belçika22:45. Şimali Makedoniya – QazaxıstanXal: Şimali Makedoniya – 12, Belçika – 11, Uels – 10, Qazaxıstan – 6, Lixtenşteyn – 0. source...

Erlinq Haland Norveç millisinin Yeni Zelandiya ilə keçirəcəyi yoxlama matçında iştirak etməyəcək. Komanda.az xarici KİV-ə istinadən xəbər verir ki, hücumçu xüsusilə sıx oyun qrafiki ilə əlaqədar yığmada istirahət verilən futbolçular sırasında yer alıb. “Mançester Siti”nin futbolçusu oktyabrın 11-də DÇ-2026-nın seçmə mərhələsində İsrail millisinə qarşı matçda (5:0) het-trikə imza atmışdı. Norveç və Yeni Zelandiya komandaları arasında matç oktyabrın 14-də Osloda keçiriləcək. source

“Mançester Yunayted”in sabiq yarımmüdafiəçisi, hazırda məşqçi kimi fəaliyyət göstərən Maykl Karrik Şotlandiya Premyer Liqasında iş təklifi ala bilər. Komanda.az xəbər verir ki, bu barədə “Daily Mail” nəşri məlumat yayıb. “Reyncers” ingilis mütəxəssisi komandaya baş məşqçi kimi gətirməkdə maraqlıdır. Daha əvvəl klubun rəhbərliyi bu vəzifəyə “Liverpul”un sabiq futbolçusu Stiven Cerrardı qaytarmaq istəyib, ancaq o, təklifi qəbul etməyib. Karrikin sonuncu iş yeri İngiltərə Çempionşipində çıxış edən “Middlsbro” olub. O, keçən mövsümün sonunda klubla yollarını ayırıb. “Reyncers” hazırda Şotlandiya çempionatının turnir cədvəlində 8-ci pillədə qərarlaşıb. source...

Azərbaycan əsilli iş adamı, “Ximki” futbol klubunun sabiq sahibi Tufan Sadıqovun Rusiyanın dövlət büdcəsindən on milyardlarla rubl mənimsədiyi iddia edilir. Komanda.az xəbər verir ki, bu iddialar Rusiya mediası və bir sıra teleqram kanallarında yayılıb. Bildirilir ki, “Rosavtodor” dövlət şirkəti onun rəhbərlik etdiyi “Xotkovskiy Avtomost” adlı podratçı şirkət vasitəsilə külli miqdarda vəsait “yuyub”. İddialara görə, Sadıqovun şirkəti “Rosavtodor”dan müxtəlif yol infrastrukturu layihələrinin həyata keçirilməsi üçün 26 milyard rubl avans alıb, lakin həmin vəsait təyinatı üzrə xərclənməyib. Bəzi mənbələrdə isə ümumi mənimsənilən məbləğin 30 milyard rubldan çox olduğu bildirilir. 2024-cü ilin sonunda Tufan Sadıqov “kiçik rüşvət alma” ittihamı ilə saxlanılmış, daha sonra 20 milyard ...

DÇ-2026-nın Avropa zonası üzrə seçmə mərhələsində bu gün növbəti oyunlar keçirilib. Komanda.az xəbər verir ki, 4 qrup üzrə 8 matç baş tutub G qrupunda yer almış Niderland millisi Finlandiya yığmasını qəbul edib və darmadağına sevinib. Kipr də səfərdə San Marinonu eyni hesabla yenib. Xorvatiyanın Cəbəllütariqi 3 cavabsız qolla məğlub etdiyi gündə Çexiya səfərdə Farer adalarına uduzub. DÇ-2026-nın seçmə mərhələsi12 oktyabr C qrupu Şotlandiya – Belarus 2:1Qollar: Ç.Adams, 15. Maktominey, 84 – Kuçko, 90+6. Danimarka – Yunanıstan 3:1Qollar: Höylund, 21. Andersen, 40. Damsqor, 41 – Tsolis, 63. Xal: Danimarka – 10. Şotlandiya – 10. Yunanıstan – 3. Belarus – 0. G qrupu Niderland – Finlandiya 4:0Qollar: Malen, 8. Van Deyk, 17. Depay, 38-pen. Qakpo, 84. Litva – Polşa 0:...

İsveç millisinin sabiq hücumçusu və hazırda “Milan”ın strukturunda çalışan Zlatan İbrahimoviç şəxsi həyatına dair maraqlı açıqlama verib. Komanda.az xarici KİV-ə istinadən xəbər verir ki, o, həyat yoldaşı ilə rəsmi olaraq evlənmədiyini bildirib: “Həyat yoldaşım? Xeyr, biz evli deyilik. Mən ona bir zamanlar evlilik təklifi etmişdim, amma rədd cavabı aldım. Dünyada mənə “yox” deyən tək insan odur”. İbrahimoviç karyerası ərzində “Ayaks”, “Yuventus”, “İnter”, “Barselona”, PSJ və digər klublarda çıxış edib. O, İsveç millisində 122 oyun keçirərək, 62 qol vurub. source