Dünya Futbolu

“Əl-Nəsr”in hücumçusu Joao Feliks komanda yoldaşı Kriştiano Ronaldo haqqında fikirlərini bölüşüb. Komanda.az xarici KİV-ə istinadən xəbər verir ki, portuqaliyalı futbolçu, həmyerlisinin ən yaxşısını etdiyini bildirib:“Ronaldo həmişə etdiyi işi edir – ən yaxşı olmağa çalışır. Bu, onun təbiətinin bir hissəsidir və o, karyerasının son gününə qədər belə olacaq. Biz Ronaldo ilə birlikdə oynadığımız üçün şanslıyıq. Onunla oynayarkən bu anlardan həzz almalıyıq, çünki hər şey çox tez keçir”. “Əl-Nəsr” həftəsonu Səudiyyə Ərəbistanı liqasının “Əl-Fateh”lə oyununda (5:1) qələbə qazanıb. Feliks het-trik edib, Ronaldo isə bir qol və bir məhsuldar ötürmə ilə yadda qalıb. source...

İsveç millisinin yeni baş məşqçisinin adı açıqlanıb. Komanda.az xəbər verir ki, bu barədə yerli federasiya məlumat yayıb. Yığma komanda “Çelsi”nin sabiq baş məşqçisi Qrem Potterə tapşırılıb. O, bu postda danimarkalı mütəxəssis Yon Dal Tomassonu əvəzləyib. source

20 yaşadək futbolçular arasında dünya çempionatının qalibi müəyyənləşib. Komanda.az xəbər verir ki, Çilidə keçirilən turnirin finalında Argentina Mərakeşlə üz-üzə gəlib. Qarşılaşma Mərakeş millisinin 2:0 hesablı qələbəsi ilə yekunlaşıb. Mərakeşin heyətində hər iki qolu 20 yaşlı hücumçu Yassir Zabiri rəqib qapısından keçirib. Beləliklə, Mərakeş 42 ildən sonra 20 yaşadək futbolçular arasında dünya çempionatının finalında Argentinanı məğlub edən ilk komanda olub. Bürünc medal uğrunda görüşdə isə Kolumbiya Fransanı üstələyib – 1:0. U-20 dünya çempionatı 2027-ci ildə Azərbaycan və Özbəkistanda keçiriləcək. source

İngiltərəli mütəxəssis Qrem Potter yaxın günlərdə İsveç millisinin baş məşqçisi təyin oluna bilər.Komanda.az xarici KİV-ə istinadən xəbər verir ki, o, 2026-cı il dünya çempionatının seçmə mərhələsi və pley-off mərhələsinin başa çatacağı 2026-cı ilin martına qədər İsveç Futbol Assosiasiyası ilə şifahi razılığa gəlib. 50 yaşlı məşqçi 2011-2018-ci illərdə İsveç komandası “Östersund”a rəhbərlik edib. O, eyni zamanda, daha əvvəl “Vest Hem”, “Brayton” və “Çelsi”də çalışıb. İsveç millisi DÇ-2026-nın seçmə mərhələsində 4 oyundan sonra 1 xalla qrupun sonuncu pilləsində qərarlaşıb. Komanda noyabrda İsveçrə və Sloveniya yığmaları ilə qarşılaşacaq. source

Avropanın aparıcı klubları 17 yaşlı futbolçu Cilberto Mora üçün yarışa qoşulublar. Komanda.az “Diario Sport”-a istinadən xəbər verir ki, “Barselona”, “Real”, “Mançester Siti” və “Arsenal” meksikalı yarımmüdafiəçinin transferi üçün təkliflər hazırlayır. Moranın “Tijuana” klubundakı çıxışı avropalı skautların diqqətindən yayınmayıb. Onu artıq “yeni Pedri” adlandırırlar. Mora gənclər arasında keçirilən dünya çempionatında parlaq çıxış edib – 6 oyunda 3 qol vurub və 2 məhsuldar ötürmə verib. PSJ artıq bu yarışdan kənarda qalıb və diqqətini digər hədəflərə yönəldib. source

İspaniyalı mütəxəssis Rafael Benites Yunanıstan Super Liqasında çalışa bilər. Komanda.az “sport24.gr”-ya istinadən xəbər verir ki, “Panatinaikos” 64 yaşlı məşqçi ilə müqavilə imzalamaqda maraqlıdır. Benites hazırda Afinadadır və klub rəhbərliyi ilə danışıqlar aparır. Tərəflər arasında razılıq əldə olunacağı təqdirdə, ispan çalışdırıcı “Panatinaikos”la 2,5 illik müqavilə bağlayacaq. Benitesin illik maaşı 5 milyon avro təşkil edəcək. Onun son iş yeri “Selta” olub. source

Mario Balotelli karyerasını Birləşmiş Ərəb Əmirliklərində davam etdirə bilər. Komanda.az xarici KİV-ə istinadən xəbər verir ki, Dubayın ikinci divizion təmsilçisi “Palm Siti” italiyalı forvardla ciddi şəkildə maraqlanır. Klub yaxın illərdə iddialı layihə qurmağı planlaşdırır və İtaliya millisinin sabiq üzvünü komandaya cəlb etmək niyyətindədir. 35 yaşlı Balotelli bu ilin yayında “Cenoa”dan ayrılıb və o vaxtdan azad agent statusundadır. O, karyerası ərzində “Adana Dəmirspor”, “Sion”, “Monza”, “Breşiya”, “Marsel”, “Nitsa”, “Liverpul”, “Milan”, “Mançester Siti” və “İnter” kimi komandaların formasını geyinib. source

“Tottenhem”in və “Real”ın sabiq futbolçusu Qaret Beyl keçmiş idmançıların maddi problemlərindən danışıb. Komanda.az xarici KİV-ə istinadən xəbər verir ki, o, bunu deyib:“İflas perspektivi məni həmişə dəhşətə gətirib. Bəzən təqaüdə çıxan və müflisləşən idmançılar haqqında məqalələr oxuyuram. Onlar öz maliyyələrini necə idarə edəcəklərini və bütün var-dövlətlərini nə edəcəklərini bilmirlər. Bir çox idmançılar dəbdəbəli yaşayırlar, mən bundan qaçmağa çalışırdım. Həmişə təqaüdə çıxandan sonra həyatımın necə olacağını düşünürdüm, pulun bir hissəsini futbola sərmayə qoymağı dayandırdım. Layihələrdən biri uğursuz olarsa, mən hər şeyi itirməyəcəm”. Qaret Beyl 2023-cü ilin əvvəlində futbolçu karyerasını bitirib. source...

Beynəlxalq İdman Araşdırmaları Mərkəzi (CIES) son altı ayda rəqib meydanında ən effektiv ötürmələr edən futbolçuların siyahısını açıqlayıb. Komanda.az xarici KİV-ə istinadən xəbər verir ki, reytinqə “Barselona”nın yarımmüdafiəçisi Pedri başçılıq edir. 22 yaşlı ispaniyalı futbolçu 100 xal toplayaraq birinci pillədə qərarlaşıb və rəqib meydanında ən effektiv məhsuldar ötürmə verən oyunçu olub. İlk beşlikdə aşağıdakı futbolçular yer alıb: 1. Pedri (“Barselona”) – 100 2. Vitinya (PSJ) – 96,8 3. Coşua Kimmix (“Bayern”) – 95,8 4. Frenki de Yonq (“Barselona”) – 95,2 5. Əşrəf Hakimi (PSJ) – 94,8 Federiko Valverde (“Real”), Fabian Ruis (PSJ), Konrad Laymer (“Bayern”), Luka Modriç (“Milan”) və Aleksandar Pavloviç (“Bayern”) ilk onluğu tamamlayıblar. CIES-in bu araşdırma...

Niderlandlı mütəxəssis Patrik Klyuvert İndoneziya millisinin baş məşqçisi vəzifəsini tərk edib. Komanda.az xəbər verir ki, bu barədə ölkənin futbol assosiasiyası məlumat yayıb. Tərəflər müqaviləyə qarşılıqlı razılıq əsasında xitam veriblər. Klyuvert İndoneziya yığmasına 2025-ci ilin fevralından rəhbərlik edirdi. Komanda son olaraq DÇ-2026-nın seçmə mərhələsində İraqla qarşılaşıb və 0:1 hesabı ilə məğlub olub. Bu nəticədən sonra İndoneziya millisi mundiala vəsiqə qazanmaq şansını itirib. 2026-cı il dünya çempionatı ABŞ, Kanada və Meksikada keçiriləcək. source