Dünya Futbolu

“Barselona” UEFA Çempionlar Liqasının 3-cü turunda Yunanıstanın “Olimpiakos” komandasına qarşı keçirəcəyi oyunun iştirak ərizəsini elan edib. Komanda.az xarici KİV-ə istinadən xəbər verir ki, baş məşqçi Hans-Diter Flik aşağıdakı futbolçulara güvənəcək: Qapıçılar: Voyçex Şesnı, Dieqo Koçen, Eder Aller Qonsales; Müdafiəçilər: Alexandro Balde, Ronald Arauxo, Pau Kubarsi, Jerar Martin, Jül Kunde, Erik Qarsiya, Cefre Torrents Salvat, Espart; Yarımmüdafiəçilər: Pedri, Fermin Lopes, Mark Kasado, Frenki de Yonq, Mark Bernal, Fernandes; Hücumçular: Ferran Torres, Lamin Yamal, Markus Reşford, Runi Bardqi, Antonio Fernandes, Xuan Fernandes. “Barselona” – “Olimpiakos” matçı bu gün saat 20:45-də start götürəcək. source...

“Benfika”nın baş məşqçisi Joze Mourinyo UEFA Çempionlar Liqasının 3-cü turunda “Nyukasl”la qarşılaşma öncəsi jurnalistlərin suallarını cavablandırıb. Komanda.az xarici KİV-ə istinadən xəbər verir ki, portuqaliyalı çalışdırıcı futbolçularına müraciət edərək, burada çox gözəl bir atmosfer olduğunu söyləyib: “Mən 6 il Bobbi Robsonla çalışmışam. Hər gün onun “Nyukasl”a – şəhərə, bölgəyə və klubuna olan sevgisini görürdüm. Heç vaxt gizlətmədim ki, bu klub mənim üçün çox əhəmiyyətlidir, çünki Ser Bobbi mənim üçün çox təsirli olub”. O, futbolçularına da müraciət edərək, belə deyib: “Burada çox gözəl bir atmosfer var və siz bunu sabah axşam (bu gün) hiss edəcəksiz. Qarşılaşacağımız komanda çox güclüdür. Bəziləri onların Premyer Liqadakı mövqeyinə baxıb səhv nəticəyə gələ bilər, amma bu...

Lissabon “Sportinq”i müdafiəçisi Qonçalo İnasionu komandada saxlamağa qərarlıdır. Komanda.az “Sport”-a istinadən xəbər verir ki, 24 yaşlı futbolçuya “Barselona” tərəfindən artan maraq Lissabon təmsilçisini hərəkətə gətirib. Klub İnasioya müddəti 2030-cu ilə qədər olan yeni müqavilə təklif etməyə hazırlaşır. Yeni razılaşmada onun transfer qiymətini qorumaq məqsədilə 80 milyon avroluq sərbəstqalma maddəsi (“buyout clause”) yer alacaq. Portuqaliyalı futbolçu bu mövsüm bütün turnirlərdə 11 oyuna çıxıb və 2 məhsuldar ötürmə verib. source

Uruqvay yığmasının və “Mançester Yunayted”in sabiq futbolçusu Dieqo Forlanın “Over40” (40 yaşdan yuxarı) kateqoriyasında keçirilən oyunda üç qabırğası sınıb və xəstəxanaya yerləşdirilib. Komanda.az xarici KİV-ə istinadən xəbər verir ki, 2010-cu il dünya çempionatının əsas simalarından olan Forlanın zədəsi ciddi hesab olunmasa da, həkimlərin nəzarəti altında olub və sabah evə buraxılması planlaşdırılır. Forlan karyerası boyunca yalnız İngiltərədə çıxış etməyib: o, həmçinin, “Atletiko”, “Vilyarreal” və “İnter” klublarında da forma geyinib. Forlan “Atletiko” ilə UEFA Avropa Liqasını, 2011-ci ildə isə Uruguay yığması ilə Amerika kubokunu qazanıb. O, karyerasını 2018-ci ildə, Honkonqda başa vurub. source...

Bu gün UEFA Çempionlar Liqasının liqa mərhələsində 3-cü tura start veriləcək. Komanda.az xəbər verir ki, turun ilk oyun günündə 9 qarşılaşma keçiriləcək. “Arsenal” evdə “Atletiko”nu, “Barselona” isə “Olimpiakos”u qəbul edəcək. “Qarabağ”ın rəqiblərindən “Napoli” səfərdə PSV-nin qonağı olacaq. PSJ Almaniyada “Bayer”lə, “Mançester Siti” isə İspaniyada “Vilyarreal”la üz-üzə gələcək. Çempionlar Liqası, 3-cü tur 21 oktyabr 20:45. “Barselona” (İspaniya) – “Olimpiakos” (Yunanıstan) 20:45. “Kayrat” (Qazaxıstan) – “Pafos” (Kipr) 23:00. “Arsenal” (İngiltərə) – “Atletiko” (İspaniya) 23:00. “Bayer” (Almaniya) – PSJ (Fransa) 23:00. “Vilyarreal” (İspaniya) – “Mançester Siti” (İngiltərə) 23:00. PSV (Niderland) – “Napoli” (İtaliya) 23:00. “Kopenhagen” (Danimarka) – “Borussi...

“Atletiko”nun baş məşqçisi Dieqo Simeone Çempionlar Liqasının 3-cü turu çərçivəsində “Arsenal”la oyun haqda danışıb. Komanda.az xarici KİV-ə istinadən xəbər verir ki, o, gərgin qarşılaşma olacağını söyləyib:“Bizi gərgin oyun gözləyir. Rəqibimiz müdafiəni çox yaxşı bacarır, qolların qarşısını yaxşı kəsirlər və cinahlardan cəld hücuma keçirlər. Çalışacağıq ki, “Arsenal”ı məğlub etməyimizə kömək edəcək oyun göstərək”. “Arsenal” – “Atletiko” oyunu bu gün Londonda keçiriləcək. source

UEFA Çempionlar Liqasının oyununa hazırlıq məqsədilə Londona gələn “Atletiko”nun nümayəndə heyəti gözlənilməz problemlə üzləşib. Komanda.az xarici KİV-ə istinadən xəbər verir ki, madridlilər “Arsenal”la qarşılaşma ərəfəsində keçirdiyi məşqdən sonra isti suyun olmaması səbəbindən duş qəbul edə bilməyib. İspaniya təmsilçisinin futbolçuları və məşqçilər heyəti xüsusilə təəccübləniblər, çünki məşqin ikinci hissəsini yağış altında keçirmişdilər. Onlar yalnız otelə qayıtdıqdan sonra yuyuna biliblər. “Atletiko” nümayəndələri isti su problemini hələ saat 17:30-da – stadionda olduqları ilk anda “Arsenal” tərəfinə bildiriblər. Ancaq məsələ məşqin sonuna qədər həll olunmayıb. İndi Madrid klubu baş verənlərlə bağlı UEFA-ya rəsmi şikayət təqdim etməyi planlaşdırır. “Arsenal” – “Atletik...

İngiltərəli mütəxəssis Qrem Potter İsveç millisinə baş məşqçi təyin olunması barədə fikirlərini açıqlayıb. Komanda.az İsveç Futbol Federasiyasının mətbuat xidmətinə istinadən xəbər verir ki, o, bu çağırışın onu çox sevindirdiyini bildirib: “Bu çağırış məni çox sevindirir və böyük məmnunluq hissi yaradır. İsveç millisində dünyanın ən güclü liqalarında çıxış edən çoxlu istedadlı futbolçular var. Mən komandada hər şeyi düzgün qurmaq və onu daha yüksək səviyyəyə çıxarmaq istəyirəm”. Əvvəlki baş məşqçi Yon-Dal Tomasson DÇ-2026-nın seçmə mərhələsində uğursuz nəticələr səbəbindən postunu tərk edib. source

“Transfermarkt” futbolçuların transfer qiymətini əsas götürərək, dünyanın ən dəyərli komandalarının yeni siyahısını açıqlayıb. Komanda.az xəbər verir ki, İspaniyanın “Real” (Madrid) klubu 1,4 milyard avro ilə lider olub. İlk “beşlik”də həmçinin İngiltərənin “Arsenal” (1,31 milyard avro), “Mançester Siti” (1,21 milyard avro), “Liverpul” (1,15 milyard avro) və Fransanın PSJ (1,15 milyard avro) klubları yer alıblar. Bu siyahı “Transfermarkt” saytının futbolçuların transfer qiymətlərinə uyğun hazırladığı statistikaya əsaslanır və mütəmadi olaraq yenilənir. source

Şotlandiyanın “Reyncers” klubu yeni baş məşqçisini müəyyənləşdirmək üzrədir. Komanda.az “The Athletic”-ə istinadən xəbər verir ki, komandanın “sükanı arxasına” almaniyalı mütəxəssis Danni Rohl keçəcək. Qlazqo təmsilçisi bu ayın əvvəlində zəif nəticələrə görə Rassel Martini vəzifəsindən uzaqlaşdırıb. Həmin vaxt “Reyncers” Şotlandiya Premyer Liqasında turnir cədvəlinin 8-ci pilləsində idi. Klub Rohlla müqaviləni yaxın 24 saat ərzində imzalayacaq. Daha əvvəl “Reyncers”in təklifini bu komandada əvvəllər çalışmış Stiven Cerrard, eləcə də Çinin “Şanxay Port” klubunun baş məşqçisi Kevin Muskat rədd edib. 36 yaşlı Rohl bundan əvvəl İngiltərənin “Şeffild Uensdey” komandasına rəhbərlik edib, həmçinin, Almaniya millisində, “Bayern”də və “Sauthhempton”da məşqçilər heyətində çalışıb. ...