Dünya Futbolu

“Seltik” baş məşqçi Brendon Rocersin istefa ərizəsini qəbul edib. Komanda.az xəbər verir ki, bu barədə Şotlandiya klubunun mətbuat xidməti məlumat yayıb. 52 yaşlı mütəxəssis komandanı tərk etdikdən sonra “Seltik”ə müvəqqəti olaraq Martin O’Nill rəhbərlik edəcək. İrlandiyalı məşqçi 2000–2005-ci illər arasında da komandanın “sükanı arxasında” olub. “Seltik” Şotlandiya çempionatında 9 turdan sonra17 xal toplayaraq, turnir cədvəlinin 2-ci pilləsində qərarlaşıb. Komanda lider “Harts”dan 8 xal geri qalır. “Seltik” növbəti matçını doğma meydanda “Falkirk”ə qarşı keçirəcək. source

Beynəlxalq Peşəkar Futbolçular Assosiasiyası (FIFPRO) 2024/25 mövsümünün ən yaxşı 11 futbolçusu sırasına düşmək üçün namizədlərin adlarını açıqlayıb. Komanda.az xarici KİV-ə istinadən xəbər verir ki, ilkin siyahıda futbol dünyasının bir çox tanınmış simaları yer alıb. Onların arasında Kriştiano Ronaldo, Lionel Messi, Osman Dembele, Məhəmməd Salah, Lamin Yamal və Erlinq Haland kimi adlar diqqət çəkir. 2025-ci ildə “qızıl top” mükafatının qalibi PSJ-nin vingeri Osman Dembele olub. “France Football”ın sorğusuna əsasən, ikinci yeri İspaniya millisinin və “Barselona”nın oyunçusu Lamin Yamal, 3-cü yeri isə portuqaliyalı futbolçu Vitinya tutub. source

PSJ (Fransa) və “Sevilya” (İspaniya) klublarında çıxış etmiş Polşa millisinin sabiq futbolçusu Qjeqoj Krıxovyak karyerasını başa vurub. Komanda.az xəbər verir ki, bu barədə o, sosial şəbəkə hesabında yazıb. 35 yaşlı yarımmüdafiəçi “Sevilya”nın heyətində 2 dəfə UEFA Avropa Liqasının qalibi olub. O, həmçinin Rusiyada “Lokomotiv” (Moskva), “Krasnodar”, İngiltərədə “Vest Bromviç”, Fransada “Reyms” və “Nant” kollektivlərində forma geyinib. source

PSJ-nin sağ cinah müdafiəçisi Əşrəf Hakimi bazar günü “Santyaqo Bernabeu”da baş tutan “Real” – “Barselona” qarşılaşmasında (2:1) iştirak edib. Komanda.az xarici KİV-ə istinadən xəbər verir ki, mərakeşli futbolçu oyunu VİP lojadan izləyib. Oyundan sonra onun stadionda çəkdirdiyi şəkillər internetdə yayılıb. “Real” “el klasiko”da Kilian Mbappe və Çud Bellingemin qolları sayəsində qalib gəlib. Hakimi “Real” akademiyasının məzunudur. O, əsas heyətə düşə bilməyib və 2020-ci ildə Madrid klubu onu “İnter”ə satıb. 26 yaşlı futbolçu 2021-ci ildən isə PSJ-də çıxış edir. source

“Transfermarkt” portalı dünyanın ən bahalı müdafiəçilərinin reytinqini yeniləyib.Komanda.az xəbər verir ki, hazırda ilk 10-luqda aşağıdakı futbolçular yer alıb: 1. Pau Kubarsi (“Barselona”) – 80 milyon avro 2. Vilyam Saliba (“Arsenal”) – 80 milyon avro3. Əşrəf Hakimi (PSJ) – 80 milyon avro 4. Alessandro Bastoni (“İnter”) – 80 milyon avro 5. Nuno Mendeş (PSJ) – 75 milyon avro 6. Yoşko Qvardiol (“Mançester Siti”) – 75 milyon avro 7. Qabriel Maqales (“Arsenal”) – 75 milyon avro8. Trent Aleksander-Arnold (“Real”) – 75 milyon avro9. Din Heysen (“Real”) – 70 milyon avro10. Vilyan Paço (PSJ) – 65 milyon avro. source

UEFA Hakimlər Komitəsinin rəhbəri, sabiq italiyalı hakim Pyerluici Kollina saçlarının tökülməsi səbəbindən insanların ondan üz çevirməsi barədə danışıb. Komanda.az xarici KİV-ə istinadən xəbər verir ki, o, bunun çətin bir sınaq olduğunu bildirib: “Bu, çətin bir sınaq idi. 24 yaşımda, 1984-cü ilin dekabrında xəstəlik keçirdim. O zaman bu, indiki kimi aydın deyildi. İnsanlar məndən üz çevirirdi, çünki fərqli görünüşdə idim. O qədər fərqli idim ki, bəzi şübhələr yaranmışdı. Aydın deyildi ki, saçı tökülmüş biri hakim işləyə biləcəkmi? Mənə tövsiyə etdilər ki, saçlarım uzanana qədər gözləyim. Bir neçə ay sonra da uzanmadı, amma yenə də məni hakimlik testindən keçməyə məcbur etdilər. Onlar nə alınacağını görmək istəyirdilər. Mən o insanlara minnətdaram, çünki onları hakimin xarici görün...

Səudiyyə Ərəbistanının “Əl-Nəsr” klubunun hücumçusu Kriştiano Ronaldo optimal fiziki formanın qorunmasında yuxunun önəmini açıqlayıb. Komanda.az xarici KİV-ə istinadən xəbər verir ki, portuqaliyalı futbolçu yatmalı və oyanmalı olduğu vaxtı dəqiq izlədiyini söyləyib: “Mən yatmalı və oyanmalı olduğum vaxtı dəqiq izləyirəm. Həyatımızda sağlamlığı qorumaq baxımından bəlkə də, ən vacib şey budur”. O, bildirib ki, adətən gecə yarısından gec olmayaraq yatır. 40 yaşlı futbolçu cari mövsümdə bütün turnirlərdə 7 oyunda iştirak edib, 6 qol vurub və 2 məhsuldar ötürmə verib. Onun klubu ilə müqaviləsinin müddəti 2027-ci ilin yayına qədər nəzərdə tutulub. source

Hakim Ziyexin yeni komandasının adına aydınlıq gəlib. Komanda.az xəbər verir ki, mərakeşli futbolçu karyerasını ölkəsində davam etdirəcək. Ziyex “Vidad”la anlaşıb. Bu barədə klubun mətbuat xidməti məlumat yayıb. 32 yaşlı oyunçu ilə 2027-ci ilin yayına kimi nəzərdə tutulan müqavilə imzalanıb. Hakim Ziyex “Herenven”, “Tvente”, “Ayaks”, “Çelsi”, “Qalatasaray” və “Əl-Duhail”də çıxış edib. Onun adı bir müddət əvvəl “Neftçi” ilə yanaşı hallanırdı. source

UEFA-nın sabiq prezidenti Mişel Platini özünə qarşı iddia olunan korrupsiya ittihamlarına münasibət bildirib. Komanda.az “Il Messaggero”-ya istinadən xəbər verir ki, o, FİFA və İsveçrə prokurorlarını sərt tənqid edib: “İsveçrəli prokurorlar təqaüdə çıxandan sonra FIFA-da işləmək istəyirdilər. Hər şey eyni insanların əlindədirsə, bu, əsl mafiya deməkdir. Onlar məni məhv etmək qərarına gəlmişdilər. Amma bu, onlarda baş tutmadı”. Platiniyə qarşı maliyyə pozuntuları ilə bağlı ittihamlar irəli sürülmüşdü, ancaq onun günahı sübuta yetirilmədi. Fransa futbolunun tanınmış siması UEFA-nın prezidenti vəzifəsini 2007–2016-cı illərdə icra edib. O, futbolçu karyerası ərzində “Nansi”, “Sent-Etyen”, “Yuventus” və Fransa millisinin şərəfini qoruyub. source...

Konfrans Liqasında Liqa mərhələsinin 2-ci turunun təxirə salınmış “Riyeka” (Xorvatiya) – “Sparta” (Çexiya) oyunu bu gün qaldığı yerdən davam etdirilib. Komanda.az xəbər verir ki, xorvatlar bu oyunun yekununda 1:0 hesablı qələbəyə seviniblər. Matçdakı yeganə qolu Adu Adjey vurub. Xatırladaq ki, bu qarşılaşma ötən gün keçirilsə də, əlverişsiz hava şəraiti səbəbindən ikinci hissəsi bu günə təxirə salınmışdı. The post Yarıda qalmış avrokubok matçında “Riyeka” sevindi appeared first on Komanda.az.source