Dünya Futbolu

“Barselona”nın qapıçısı Voyçex Şesnı telefon kitabçasında ən məşhur şəxsin adını açıqlayıb.Komanda.az “Barca Universal”-a istinadən xəbər verir ki, o, həmin şəxsin beşqat “qızıl top” mükafatçısı Kriştiano Ronaldo olduğunu deyib:“Telefonumda ən məşhur insan kimdir? Ronaldo. Amma mən ona zəng etməyəcəm. İnanın mənə, onun nömrəsi telefon kitabçamdadır”. Şesnı ilə Ronaldo “Yuventus”da birgə çıxış edib. 40 yaşlı portuqaliyalı hücumçu hazırda Səudiyyə Ərəbistanının “Əl-Nəsr” klubunda oynayır. Onun Səudiyyə Ərəbistanı klubuyla müqaviləsinin müddəti 2027-ci ilin iyun ayının sonuna qədərdir. source

Misirin “Əl-Əhli” klubunun idman direktoru Said Əbdül Hafiz “Liverpul”un hücumçusu Məhəmməd Salahın mümkün transferi ilə bağlı yayılan şayiələrə aydınlıq gətirib. Komanda.az “goal.com”-a istinadən xəbər verir ki, klub rəsmisi Salahın transferi ilə bağlı heç bir danışıqlar aparmadıqlarını bildirib: “Salah dünya futbolunun ulduzudur. Onun nailiyyətlərini digər afrikalı futbolçuların təkrarlaması çox çətindir. O, “Liverpul”la müqaviləsinin müddətini uzadıb, ona görə də vəziyyətə real baxmaq lazımdır. Onun transferi ilə bağlı heç bir danışıqlar aparmamışıq. Bütün bunlar medianın uydurmasıdır”. 33 yaşlı misirli forvardın “Liverpul”la müqaviləsinin müddəti 2027-ci ilin yayına qədərdir. source...

Portuqaliyalı futbolçu Kriştiano Ronaldonun oğlu Ronaldo Junior Portuqaliyanın U-16 yığmasında ilk oyununa çıxıb. Komanda.az xəbər verir ki, bu barədə “O Jogo” nəşri məlumat yayıb. 15 yaşlı yarımmüdafiəçi Türkiyə yığmasına qarşı keçirilən görüşdə meydana son dəqiqələrdə daxil olub və cəmi 1 dəqiqə oynayıb. Portuqaliya millisi matçı 2:0 hesabı ilə qalib başa vurub. Kiçik Ronaldo hazırda Səudiyyə Ərəbistanının “Əl-Nəsr” klubunun akademiyasında futbol təhsili alır. Onun atası, 40 yaşlı Ronaldo 2023-cü ilin yanvarında Səudiyyə Ərəbistanına köçüb və “Əl-Nəsr”lə olan müqaviləsinin müddəti 2027-ci ilin yayına qədərədir. source

“Mançester Yunayted”in sabiq futbolçusu Rio Ferdinand “Əl-Nəsr”in hücumçusu Kriştiano Ronaldonun uğurlarını şərh edib. Komanda.az xarici KİV-ə istinadən xəbər verir ki, o, portuqaliyalı futbolçunun digər oyunçulardan fərqləndiyi haqda danışıb:“Hər kəs Ronaldonun nail olduğuna nail olmaq istəyər, amma insanların 99,9 faizi onun etdiyini etməkdən imtina edər. Mən onun ardıcıllığı, fədakarlığı, məşqi, düzgün qidalanması, yuxusu və sair barədə danışıram. Ronaldoda ən təsirli olan budur və buna görə, o, böyük hörmətə layiqdir”. 40 yaşlı futbolçu 2023-cü ilin əvvəlindən “Əl-Nəsr”də oynayır. Forvard bu yaxınlarda Səudiyyə Ərəbistanı klubu ilə müqaviləsinin müddətini 2027-ci ilin ortalarına qədər uzadıb. O, “Əl-Nəsr”də və Portuqaliya millisində müntəzəm olaraq qol vurmağa davam edir. ...

“Liverpul”un müdafiəçisi Endryu Robertson karyerasını Şotlandiya Premyer Liqasında davam etdirə bilər. Komanda.az xarici KİV-ə istinadən xəbər verir ki, 31 yaşlı futbolçu ilə “Seltik” yaxından maraqlanır. Robertsonun Mersisayd klubu ilə müqaviləsinin müddəti gələn ilin yayına qədərdir və tərəflər hələ yeni əməkdaşlığı razılaşdırmayıblar. Şotlandiyalı futbolçu cari mövsümdə “qırmızılar”ın heyətində 9 oyunda meydana çıxıb, 1 qol vurub və 1 məhsuldar ötürmə verib. “Liverpul” “Qarabağ”ın UEFA Çempionlar Liqasındakı rəqiblərindən biridir. The post “Seltik” “Qarabağ”ın rəqibinin müdafiəçisini istəyir appeared first on Komanda.az.source

“Real” və Avropa Super Liqası ideyasının təşkilatçıları UEFA-dan 4,5 milyard avro miqdarında kompensasiya tələb edir. Əvvəlcə Madridin regional məhkəməsi UEFA-nın Super Liqaya qarşı apellyasiyasını rədd etmişdi. Madrid təmsilçisi bəyan edib ki, klub UEFA-dan dəyən ziyanın ödənilməsini tələb edəcək. Komanda.az AS-a istinadən xəbər verir ki, “Real”ın və Super Liqaya cavabdeh şirkətin hüquqşünasları artıq iddianın hazırlanması üzərində çalışır. Hədəf, UEFA-ya qarşı təqdim olunacaq iddia çərçivəsində təxminən 4,5 milyard avro tələb etməkdir. Madrid arbitraj məhkəməsi 2024-cü ilin mayında Super Liqa təşkilatçılarının iddiasını qismən təmin edib. Məhkəmənin qərarına əsasən, UEFA və FİFA anti-rəqabət davranışını dayandırmalı, onun təkrarlanmasının qarşısını almalı və anti-rəqabət hərəkət...

“Palmeyras”ın hücumçusu Vitor Roke yaxın zamanda yenidən Avropada çıxış edə bilər. Braziliyalı futbolçu “Barselona”dakı uğursuz dövrdən sonra vətənində karyerasını uğurla bərpa edib. Komanda.az xarici KİV-ə istinadən xəbər verir ki, 20 yaşlı forvardın oyununu London klubları – “Çelsi” və “Tottenhem” diqqətlə izləyir. Onunla maraqlanan digər klublar arasında “Napoli”, “Roma” və “Betis” də var. Roke bir müddət öncə “Betis”də icarə əsasında çıxış edib. Braziliyalı futbolçu “Palmeyras”ın heyətində bütün turnirlərdə 48 oyuna çıxaraq, 17 qol vurub və 4 məhsuldar ötürmə verib. Onunla maraqlanan klublardan “Çelsi” və “Napoli” “Qarabağ”ın UEFA Çempionlar Liqasındakı rəqibləridir. source...

“Milan”ın və “Real”ın sabiq hücumçusu Robinyo həbsxanada heç bir imtiyazı olmadığını bildirib. O, 2024-cü ildə Braziliyada qrup şəklində zorlamada iştirakına görə 9 il müddətinə azadlıqdan məhrum edilmişdi və hazırda “Tremembe” həbsxanasında cəzasını çəkir. Komanda.az xəbər verir ki, Robinyo bu barədə “Taubate İctimai Şurası” tərəfindən yayımlanan videoda danışıb: “Mənim qidam, yuxu rejimim – hamısı digər məhbuslarla eynidir. Heç vaxt başqa yemək yeməmişəm, mənə fərqli münasibət göstərilməyib. İş növbəm gəldikdə, digərləri kimi mən də çalışıram. Futbol oynamaq istədiyimiz zaman, işdən boş olan bazar günləri bunu edə bilirik. Heç vaxt heç bir üstünlük almamışam. Görüşlər həftəsonları təyin edilir. Arvadım tək gəlmirsə, uşaqlarımla birlikdə gəlir. Ziyarət və müalicə hamı üçün eyn...

“İnter Mayami”nin və Argentina millisinin hücumçusu Lionel Messi 2026-cı il dünya çempionatında iştirak ehtimalı ilə bağlı fikirlərini bölüşüb. Komanda.az NBC-yə istinadən xəbər verir ki, 38 yaşlı futbolçu qərarını gələn il verəcəyini bildirib: “Düzünü desəm, dünya çempionatında oynamaq möhtəşəm olardı. Mən yaxşı formada olub Argentina yığmasına faydalı olmağı arzulayıram. Gələn il “İnter Mayami” ilə mövsümöncəsi hazırlığa başlayanda vəziyyəti dəyərləndirəcəm. Özümü yüz faiz hazır hiss etsəm və komandaya xeyrim dəyə bilsə, qərarımı verəcəm”. Argentina millisi son dünya çempionudur. Komanda Lionel Skaloninin rəhbərliyi altında, 2022-ci ildə Qətərdə keçirilən mundialın finalında Fransa yığmasına qalib gələrək, tarixində üçüncü dəfə dünya çempionu olmuşdu. sourc...

“Seltik” baş məşqçi postuna Angelos Postekoqlunu gətirə bilər. Komanda.az xəbər verir ki, bu barədə “Football Insider” məlumat yayıb. Klub yaxın vaxtlarda avstraliyalı mütəxəssislə əlaqə saxlayaraq, onun komandaya qayıtmaqda maraqlı olub-olmadığını öyrənmək niyyətindədir. Postekoqlu 2021–2023-cü illər arasında “Seltik”i çalışdırıb və bu müddətdə komandaya bir neçə yerli titul qazandıraraq uğurla idarə edib. O, daha sonra “Tottenhem” və “Nottingem Forest”də işləyib. “Seltik”in baş məşqçisi Brendan Rocers yaxın günlərdə postunu tərk edib. Komanda Şotlandiya Premyer Liqasının 9 turundan sonra 17 xalla turnir cədvəlinin 2-ci pilləsində qərarlaşıb və liderdən 8 xal geri qalır. source...