Dünya Futbolu

İngiltərə millisinin və “Mançester Yunayted”in sabiq yarımmüdafiəçisi Devid Bekhem Kriştiano Ronaldonun futbolçu karyerasını bitirdikdən sonra nə ilə məşğul olacağı barədə fikirlərini bölüşüb. Komanda.az “Tribal Football”-a istinadən xəbər verir ki, o, Ronaldonu məşqçi kimi təsəvvür etmədiyini bildirib: “Ronaldonu məşqçi kimi təsəvvür etmirəm. Düşünürəm ki, o, gələcəkdə futbol klubuna sahib olmaq istəyəcək. Kriştiano üçün məşqçilikdən daha vacib məqsədlər var. O, dünyanı fəth etmək istəyən bir insandır”. 40 yaşlı portuqaliyalı hücumçu hazırda Səudiyyə Ərəbistanının “Əl-Nəsr” klubunda çıxış edir. Onun klubla müqaviləsinin müddəti 2027-ci ilin yayına qədərdir. source...

UEFA-nın prezidenti Aleksander Çeferin Çempionlar Liqasının yenilənmiş formatını uğurlu adlandırıb. Yeni sistemə əsasən, turnirin əsas mərhələsində artıq 36 komanda vahid cədvəldə mübarizə aparır və hər biri 8 oyun keçirir. Komanda.az xarici KİV-ə istinadən xəbər verir ki, Çeferin bu formatın müəllifi, UEFA-nın baş katibinin müavini Corco Markettiyə təşəkkür edib: “Çempionlar Liqasının yeni formatı həqiqətən uğurlu oldu və bunun üçün Corco Markettiyə minnətdar olmalıyıq. Media ekosistemi dəyişir, artıq çoxsaylı striminq platformaları fəaliyyət göstərir. Gələcəkdə bu sistemin necə inkişaf edəcəyini dəqiq bilmirik, amma idmanın gözəlliyi də elə bundadır”. UEFA prezidenti eyni zamanda, liqalar arasındakı fərqlər barədə danışıb: “Liqalar arasında uçurum yaranacağını düşünmürəm, ...

Niderland Erediviziyasında 10-cu turun oyunları keçirilib. Komanda.az xəbər verir ki, Azərbaycan milli komandasının üzvü Özan Can Kökçünün formasını geyindiyi “Volendam” evdə “NAK Breda”nı 2:1 məğlub edib. Kökçü 69-cu dəqiqədə meydana daxil olub. “Volendam” hazırda 13 xalla turnir cədvəlində 13-cü yerdədir. source

“Fiorentina”, “Milan” və Portuqaliya millisinin sabiq futbolçusu Ruy Koşta növbəti dəfə “Benfika”nın prezidenti seçilib. Komanda.az xəbər verir ki, qərar klubun direktorlar şurası tərəfindən 8 noyabrda keçirilən seçkilərdə verilib.  Koşta 65,9 faiz səs toplayıb. Digər namizəd Joao Noronha Lopes isə cəmi 34,11 faiz səs yığa bilib.  Koşta bu vəzifəni növbəti dörd il ərzində tutacaq. O, bu vəzifəni 2021-ci ilin yayından bəri tutur. “Benfika” Portuqaliya yüksək liqasının 11-ci turunda “Kasa Pia”nı qəbul edəcək. source

Neymar Braziliya A Seriyasında “Santos”un daha bir məğlubiyyətdən qaçmasına kömək edə bilməyib. “Ağ-qaralar” səfərdə “Flamenqo”ya 2:3 hesabı ilə uduzub. 33 yaşlı hücumçu 86-cı dəqiqədə əvəzlənib. Komanda.az “The Touchline”-a istinadən xəbər verir ki, məhz həmin an meydan sahibi komandanın azarkeşləri Neymara qarşı hörmətsizlik nümayiş etdiriblər. Tribunalar onu fitə basıb, ünvanına təhqiramiz ifadələr səsləndiriblər. “Flamenqo” fanatları hətta onun komandasını mümkün B liqasına düşməklə ələ salıblar. Bu görüş Neymarın təxminən iki aylıq fasilədən sonra start heyətində ilk çıxışı olub. O, yaxınlarda bud əzələsindəki zədəsini sağaldıb. “Santos” hazırda 32 turdan sonra 33 xal toplayaraq, turnir cədvəlinin 17-ci pilləsində qərarlaşıb. source...

İtaliya millisinin sabiq baş məşqçisi Roberto Mançini Qətərin “Əl-Sədd” klubundan gələn təklifi rədd edib. Komanda.az xəbər verir ki, bu barədə “Football Italia” məlumat yayıb. Bir neçə gün öncə bir sıra mənbələr 59 yaşlı mütəxəssisin Yaxın Şərqdən gələn yeni təklifi qəbul etməyə yaxın olduğunu yazmışdılar. Ancaq Mançini son anda qərarını dəyişib və Avropa klublarından gələcək təklifləri gözləməyə üstünlük verib. Tanınmış mütəxəssis 2023-cü ilin yayında İtaliya millisindən ayrılmış, iki həftə sonra isə Səudiyyə Ərəbistanı yığmasının “sükanı arxasına” keçmişdi. O, ötən ilin oktyabrında qarşılıqlı razılaşma əsasında bu postu da tərk etmişdi. Mançininin adı son aylarda İtaliya A Seriyasının bir neçə klubu, həmçinin, “Yuventus” və “Atalanta” ilə əlaqələndirilir. ...

“Qarabağ”ın UEFA Çempionlar Liqasında rəqiblərindən olan “Liverpul”un sabiq futbolçusu Stiven Cerrard keçmiş komandasının Çempionlar Liqasında “Real”la qarşıdakı oyunu haqqında danışıb. Komanda.az xarici KİV-ə istinadən xəbər verir ki, o, bunu deyib: “Hazırda hamı “Liverpul”un baş məşqçisi Arne Slotun Çempionlar Liqasında “Real”a qalib gələcəyini gözləyir”. “Qırmızılar”ın Madrid klubu ilə ev oyunu 4 noyabrda baş tutacaq. Komanda son turda evdə “Aston Villa”nı 2:0 hesabıyla məğlub edərək, Premyer Liqadakı məğlubiyyət seriyasına son qoyub. source

Braziliya millisinin baş məşqçisi Karlo Ançelotti UEFA Çempionlar Liqasında əsas favorit olan komandalar haqqında danışıb. Komanda.az “Tuttosport”-a istinadən xəbər verir ki, italiyalı məşqçi dörd komandanın adını çəkib:“Çempionlar Liqasında həmişə çempionluğa iddialı komandalar olur. Bunlar “Real”, “Bayern”, “Mançester Siti” və PSJ-dir. Turniri daha maraqlı etmək üçün birləşdirilmiş mərhələnin tətbiqi qərarı verilib. Bu formata öyrəşməliyik”. Çempionlar Liqasının son çempionu Fransanın PSJ klubudur. Paris komandası 2024/25 mövsümündə turnirin finalında “İnter”i 5:0 hesabıyla məğlub etmişdi. Azərbaycan çempionu “Qarabağ” da bu mövsüm Çempionlar Liqasında mübarizə aparır. source...

İngiltərə Premyer Liqasında 10-cu tura start verilib. Komanda.az xəbər verir ki, ilk gündə 7 oyun keçirilib. “Nottingem Forest” – “Mançester Yunayted” matçında qalib müəyyənləşməyib. “Tottenhem”lə “Çelsi” arasında baş tutmuş London derbisində “zadəganlar” qələbə qazanıblar. “Börnli”nin qonağı olmuş lider “Arsenal” inamlı qələbəyə sevinib.  Çempion “Liverpul” da evdə “Aston Villa”ya qalib gəlib. İngiltərə Premyer Liqası10-cu tur1 noyabr Brayton – Lids 3:0Qollar: Uelbek, 11. D.Qomes, 64; 70. Tottenhem – Çelsi 0:1Qol: J.Pedro, 34. Börnli – Arsenal 0:2Qollar: Dyökereş, 14. D.Rays, 35. Kristal Pelas – Brentford 2:0Qollar: Mateta, 30. N.Kollinz, 51-öz qapısına. Fulhem – Vulverhempton 3:0Qollar: Sessenyon, 9. H.Uilson, 62. Moskera, 75-öz qapısına. Nottingem For...

“Əl-Duhail”in futbolçusu Marko Verratti “Real”ın hücumçusu Kilian Mbappenin Madrid klubundakı oyununu yüksək qiymətləndirib. Komanda.az xarici KİV-ə istinadən xəbər verir ki, Verratti, Fransa millisinin hücumçusu haqda bunu deyib:“Mbappenin “Real”a uyğunlaşması bir az vaxt apardı. Lakin o, La Liqanın ən çox qol vuran oyunçusu oldu və “qızıl buts” mükafatını qazandı. Bu mövsümün göstərdiyi kimi, bu, onun üçün limitdən çox uzaq idi. Mbappe artıq dünyada misilsizdir”. İtaliyalı yarımmüdafiəçi Mbappe ilə PSJ-də birlikdə oynadığı vaxtdan tanışdır. Mbappe bu mövsüm 13 matçda 16 qol vurub. source