Azərbaycan Futbolu

Səudiyyə Ərəbistanın Ər-Riyad şəhərində keçiriləcək sayca VI İslam Həmrəyliyi Oyunlarının proqramına daxil edilən futzal oyunlarının təqvimi müəyyənləşib. Futbolpress.az xəbər verir ki, A qrupunda yer alan Azərbaycan millisi noyabrın 4-də Liviya, 2 gün sonra Özbəkistan, noyabrın 8-də isə Səudiyyə Ərəbistanı yığması ilə qarşılaşacaq. Qrupda ilk 2 yeri tutacaq komanda yarımfinala vəsiqə qazanacq. Bu mərhələnin görüşləri noyabrın 9-da baş tutacaq. Qalib və bürünc medalçının adına isə 2 gün sonra – noyabrın 11-də aydınlıq gətiriləcək. A qrupu 4 noyabr Liviya – AzərbaycanSəudiyyə Ərəbistanı – Özbəkistan 6 noyabr Özbəkistan – AzərbaycanSəudiyyə Ərəbistanı – Liviya 8 noyabr Səudiyyə Ərəbistanı – AzərbaycanÖzbəkistan – Liviya source...

Türkiyənin Antalya şəhərində keçirilən “Antalya Friendship Cup” turnirinə yekun vurulub. Futbolpress.az xəbər verir ki, “Sabah”ın U-12 komandası turnirdə uğurla çıxış edib. Qrup mərhələsini birinci pillədə başa vuran Məhərrəm Müslümzadənin baş məşqçisi olduğu komanda, yarımfinalda Litvanın “Margiris”, finalda isə Rusiyanın “Yunayted Yekaterinburq” komandasını məğlub edərək turniri birinci sırada, çempion kimi başa vurub. Antalya Friendship CupYarımfinal Sabah (Azərbaycan) – Margiris (Litva) 1:0Qol: Cavidan Ağayev. Final Sabah (Azərbaycan) – Yunayted Yekaterinburq (Rusiya) 3:0Qollar: Raul Pənahov, Abbas Hüseynli, Nihad Həsənov. source

Azərbaycan millisinin futbolçusu Ozan Can Kökçünün formasını geyindiyi “Volendam” Niderland çempionatında növbəti oyuna çıxıb. Futbolpress.az xəbər verir ki, sözügedən komanda azarkeşləri önündə “Herakles”lə qarşılaşıb. Matç “Volendam”ın qələbəsiylə başa çatıb – 3:0. Ozan oyuna start heyətdə başlayıb. O, 46-cı dəqiqədə Ohlerslə əvəzlənib. “Volendam” 10 turdan sonra 10 xalla 13-cü sıradadır. source

“Araz-Naxçıvan”ın üzvü, Azərbaycan milli komandasının Ukrayna ilə oyuna hazırlığı zamanı zədələnən Rahil Məmmədov əməliyyat olunub. Futbolpress.az xəbər verir ki, bu barədə klubun mətbuat xidməti məlumat yayıb. Müdafiəçiyə budun gətirici əzələlərindən birinin tam qopması diaqnozu qoyulub və cərrahiyyə əməliyyatı Finlandiyanın Pihlajalinna klinikasında yerinə yetirilib. Uğurlu əməliyyatdan sonra özünü yaxşı hiss edən futbolçunun məşqlərə başlayacağı tarix hələ məlum deyil. source

“Şəmkir” klubunun müvəqqəti baş məşqçisi açıqlanıb. Futbolpress.az xəbər verir ki, bu barədə II Liqa təmsilçisinin mətbuat xidməti məlumat yayıb. Vüqar Nadirovun ayrılığından sonra komandanın “sükanı” müvəqqəti Kamran İsmayılova tapşırılıb. “Şəmkir” 6 turdan sonra 9 xalla 6-cı sıradadır. source

“Kəpəz”lə oyunda zədələnən “İmişli”nin futbolçusu Vüsal Qənbərovun son durumu məlum olub. Futbolpress.az xəbər verir ki, oyunçunun aşağı ətraf sümüklərində sınıq aşkarlanıb. Hadisədən dərhal sonra ona ilkin tibbi yardım göstərilib və immobilizasiya tədbirləri həyata keçirilib. Hazırda Vüsalın vəziyyəti stabil qiymətləndirilir. Əməliyyatı oktyabrın 27-də planlaşdırılır. “İmişli” “Kəpəz”i 3:0 hesabıyla məğlub edib. source

Azərbaycan millisinin hücumçusu Renat Dadaşovun formasını geyindiyi “Motor” klubu Polşa çempionatında növbəti oyuna çıxıb. Futbolpress.az xəbər verir ki, sözügedən komanda azarkeşləri önündə “Vidzev”lə qarşılaşıb. Matç “Motor”un qələbəsiylə başa çatıb – 3:0. Renat oyuna 78-ci dəqiqədə daxil olub. “Motor” 12 turdan sonra 14 xalla 13-cü sıradadır. source

“Sumqayıt”a uyğunlaşmağımda məşqçilər heyətinin və komanda yoldaşlarımın böyük rolu oldu”. Bu sözləri “Futbolpress.az“a açıqlamasında “kimyaçılar”ın futbolçusu Abdul Raşid Mumini söylədi. Bir müddətdir zədəli olan cinah oyunçusu durumunun yaxşıya doğru getdiyini dedi: “İndi özümü çox yaxşı hiss edirəm. Ümid edirəm ki, bərpa prosesim tez tamamlanacaq”. Bu yay heyətə cəlb edilən 20 yaşlı futbolçu komandaya uyğunlaşmasından, Azərbaycan Premyer Liqasının səviyyəsindən söz açdı: “Uyğunlaşma prosesim yaxşı keçdi. Bunda komanda yoldaşlarımın və məşqçilərimin böyük əməyi oldu. Hər kəsə təşəkkür edirəm. Azərbaycan Premyer Liqası çox maraqldır. Həm səfər, həm ev oyunları yaxşı keçir. Rəqabət var, hər matçda ciddi müqavimətlə üzləşirsən. Burda əvvəldən rahatlıqla kimin kimə qalib gələcəyini təxmin ed...

“Qarabağ”ın Çempionlar Liqasındakı rəqibi “Çelsi”nin hücumçusu Liam Delap zədəsini sağaldıb. Futbolpresss.az xəbər verir ki, bu barədə “zadəganlar”ın baş məşqçisi Enzo Mareska yerli mətbuata açıqlamasında deyib. O, oyunçunun artıq komanda ilə məşqlərə başladığını bildirib. Liam bu ilin avqustunda Premyer Liqanın 3-cü turunda “Fulhem”lə oyunda zədələnmişdi. “Qarabağ” Çempionlar Liqasında IV turda noyabrın 5-də “Çelsi”ni qəbul edəcək.source

17 yaşadək qadın futbolçulardan ibarət Azərbaycan milli komandası Avropa çempionatının seçmə mərhələsi çərçivəsində ilk oyununa çıxıb. Futbolpress.az xəbər verir ki, B Liqasının 1-ci qrupunda yer alan millimiz Uelsin müvafiq yaş qrupundan ibarət komandası ilə qarşılaşıb. Kişineu şəhərində yerləşən “Zimbru 2” stadionunda keçirilən görüş Uels seçməsinin 7:0 hesablı qələbəsi ilə yekunlaşıb. Qeyd edək ki, U-17 millimiz qrupda ikinci görüşünü oktyabrın 27-də Kosovo yığmasına qarşı keçirəcək. source