Azərbaycan Futbolu

Azərbaycan millisinin üzvü Mahir Emrelinin son durumu məlum olub. Futbolpress.az xəbər verir ki, “Kayzerslautern”də çıxış edən hücumçu zədə səbəbindən ili başa vurub. Bu barədə klubun mətbuat xidməti məlumat yayıb. Mahir “Herta” ilə II Bundesliqa matçında bud nahiyəsindən zədə alıb. source

“Şamaxı” milli komandaların oyunlarına görə ölkə çempionatında yaranan fasilə zamanı yoxlama oyunu keçirəcək. Futbolpress.az xəbər verir ki, bu barədə Premyer Liqa klubu məlumat yayıb. Sözügedən komanda “Şimal”la qarşılaşacaq. I Liqa təmsilçisi ilə qarşılaşma 15 noyabrda, saat 14:00-da Şamaxı şəhər stadionunda keçiriləcək. source

“Kəpəz” PFK ilə azarkeşləri arasında görüş keçirilib. Futbolpress.az xəbər verir ki, görüşdə klubun infrastruktur rəhbəri Ruslan Məmmədov, “Xəmsə”, “KapazUltras” və “Zona 20” azad azarkeş qruplarının üzvləri iştirak ediblər. Görüş Gəncə futbolunun simvolu olan “Kəpəz” ətrafında birliyin və həmrəyliyin gücləndirilməsi məqsədi daşıyıb. Tədbir şəhidlərimizin əziz xatirəsinin bir dəqiqəlik sükutla yad olunması ilə başlayıb. Daha sonra klubun son dövrlərdəki fəaliyyəti, görülən işlər, həmçinin qarşıdakı planlar barədə müzakirələr aparılıb. Azarkeşlər komandanın oyunları, infrastruktur, gənclərlə iş və fan hərəkatının gələcək təşkili ilə bağlı fikirlərini bölüşüblər. Görüş səmimi atmosferdə keçib, tərəflər açıq fikir mübadiləsi apararaq birgə addımların vacibliyini vurğulayıblar. “Kəpəz”in rəhbə...

“Neftçi”nin üç legioner futbolçusu ölkələrinin milli komandalarına dəvət alıblar. Futbolpress.az xəbər verir ki, bu barədə klubun mətbuat xidməti məlumat yayıb. Vensan Abubakar Kamerun, Sessi D Almeyda Benin, Alessio Kurçi isə Lüksemburq yığmasına çağırılıb.  source

Futzal üzrə FIFA referisi Hikmət Qafarlı beynəlxalq təyinat alıb. Futbolpress.az xəbər verir ki, o, Latviya, Litva və Sloveniyanın birgə ev sahibliyi ilə keçiriləcək Avropa çempionatı – 2026-nın final mərhələsində fəaliyyət göstərəcək 32 hakimdən biri olacaq. H. Qafarlı turnir zamanı Latviya və Litvada baş tutacaq matçları idarə edəcək. Beləliklə, tarixdə ilk dəfə azərbaycanlı futzal hakimi Avropa çempionatının final mərhələsinə təyinat alıb. Qeyd edək ki, qitə birinciliyinin oyunları 2026-cı il yanvarın 21-dən fevralın 7-dək keçiriləcək. source

“Sumqayıt”ın U-14 komandasının baş məşqçisi Elşad Eyvazovun “Futbolpress.az“a müsahibəsi: – Çalışdığınız U-14 komandasında durum necədir?– Vəziyyət yaxşıdır. İşlərimiz davam edir, AFFA-nın təşkil etdiyi yarışlarda yaxşı nəticələrlə seçilirik. – Yarışların təşkili, reqlament necədir?– Bakı zonası üzrə oyunlarda iştirak edirik. Komandalar A və B qruplarına bölünüb və hər qrupda 12 komanda var. Oyunlardan sonra isə hər qrupdan 6 komanda respublika üzrə final mərhələsinə. Artıq 6 oyun keçirmişik. Yalnız “Qarabağ”la heç-heçə etmişik, qalan matçlarda qələbə qazanmışıq. Məqsədimiz final mərhələsinə qatılmaqdır. – Uşaq futbolunda məşqçi olmağın hansı üstünlükləri var?– 2010-cu ildən akademiyada məşqçi kimi işləyirəm. İnfrastruktur çox dəyişib, şərait çox yaxşıdır. Bütün inventarlarla təmin olunmuş...

“Sabah” Premyer Liqanın XI turunda “Kəpəz”i məğlub edib – 3:1. Futbolpress.az xəbər verir ki, görüşdə qol vuran “bayquşlar”ın müdafiəçisi İqor Noqeyra matçdan sonra fikirlərini bölüşüb. O, vurduğu qolu ailəsinə həsr etdiyini bildirib: “İlk öncə Allaha təşəkkür etmək istəyirəm. Çünki mənimçün vacib an idi. Uzun müddət kənarda idim. Bu anı yenidən yaşamaq xoşdur. Bu qol mənim üçün vacib idi. Bu gün həyat yoldaşımla danışdım və dedim ki, sən və körpəm üçün qol vuracağam. Qolu onlara həsr edirəm. Çox xoşbəxtik”. source

Beynəlxalq dərəcəli hakim-inspektor Asim Xudiyev UEFA-dan növbəti təyinat alıb. Futbolpress.az xəbər verir ki, o, DÇ-2026-nın seçmə mərhələsi çərçivəsində noyabrın 13-də keçiriləcək Norveç – Estoniya görüşünün hakim-inspektoru olacaq. Qarşılaşma Oslo şəhərində yerləşən “Ullevaal” stadionunda baş tutacaq.   source

Azərbaycan Premyer Liqasının XI turunun “Kəpəz” – “Sabah” oyunundan (1:3) sonra meydan sahibi komandanın baş məşqçisi Azər Bağırov jurnalistlərin suallarını cavablandırdı. Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşdü… – İstədiyimiz heyətlə meydana çıxa bilmirik. Üç oyundur, çatışmazlıqlar var. Bu gün də Verdaşka yox idi. Oyun çətin keçdi. Nələrsə etməyə çalışırq, alınmır. Meydanda və meydandan kənar səhvlər var ki, düzəldə bilmirik. İstəmədiyimiz qollar buraxırıq. – Ötən mövsümdə də komandanı çətin vəziyyətdə qəbul etsəniz də, dərhal dönüş etdiniz. Bu dəfə isə alınmır. Fərq nədir?– Ötən mövsüm üç məğlubiyyətdən sonra qələbəmiz oldu. Bu dəfə əksi alındı, iki oyundan sonra məğlubiyyətlər başladı. “İmişli” ilə oyunda azlıqda qaldıq, “Neftçi” ilə matça it...

“Şamaxı”nın futbolçusu Alfons Mabula Msanqa Tanzaniya yığmasına dəvət alıb. Futbolpress.az xəbər verir ki, bu barədə “şirlər”in mətbuat xidməti məlumat yayıb. Tanzaniya yığması noabrın 12-dən 16-dək Misirdə təlim-məşq toplanışı keçirəcək və noyabrın 15-də Küveyt yığması ilə yoxlama matçı keçirəcək. source