Azərbaycanlı FIFA referisi Əliyar Ağayev Konfrans Liqasına təyinat alıb.
Futbolpress.az UEFA-nın saytına istinadən xəbər verir ki, o, pley-off mərhələsində Ukraynanın “Polissya” və İtaliyanın “Fiorentina” klubları arasında keçiriləcək ilk oyunda baş hakim olacaq.
Ona yan xətt hakimləri Zeynal Zeynalov və Akif Əmirəli kömək edəcəklər. Dördüncü hakim funksiyasını Kamal Umudlu yerinə yetirəcək.
VAR-da Robert Şröder (Almaniya) və İnqilab Məmmədov olacaq.
Avqustun 21-də keçiriləcək oyuna saat 22:00-da start veriləcək.