Ukrayna millisinin hücumçusu Artem Dovbik DÇ-2026-nın seçmə mərhələsində Azərbaycana qarşı keçirdikləri oyunu şərh edib.
Futbolpress.az xəbər verir ki, forvard 2:1 hesabıyla bitən oyunla bağlı bunları deyib:
“Milli komandaların oyununda asan rəqib olmur. Hər kəs köklənir, döyüşür. Fasiləyə az qalmış vurulan qol bizi silkələdi. Əsas odur ki, qələbə qazandıq və vacib üç xalı əldə etdik.
Oyuna yüksək pressinqlə başladıq və rəqibi yorulmağa məcbur etdik. Qol imkanlarımız da çox oldu. Rəqibin iki müdafiəçisi daim yanımda idi. Onlara qarşı oynamaq asan olmadı. Lakin diqqət mənə yönələndə digər oyunçularımız üçün boşluq da yaranır və bu, şansdır”.