“Atletiko”nun baş məşqçisi Dieqo Simeone Çempionlar Liqasında PSV ilə oyunda (3:2) hücumçu Xulian Alvaresin oyununu yüksək qiymətləndirib.
Komanda.az xarici KİV-ə istinadən xəbər verir ki, o, argentinalı futbolçunun performansı haqda bunu söyləyib:
“Çoxunun istədiyi kimi, Alvares bu gün oyunu yenidən dəyişdi. O, çox çalışdı, qaçdı və fərdi sehrli anları oldu. Qol üçün ötürmə sadəcə möhtəşəm idi”.
Forvard 37-ci dəqiqədə hesabı bərabərləşdirib. Madrid klubu ikinci hissədə daha iki qol vuraraq 3 xal qazanıb.
Alvares bu mövsüm 21 matçda 11 qol vurub və 4 məhsuldar ötürmə edib.